1 Wòŋ 11:1 - ŊWÀʼ NYÙY

¹ Wír veé Isray adzə̀me nèn wìy, e yèn Davir e Hebron, e sùúy e wun jii, «Vèr dzə̀ jav yè wùn, e kfə̀n a dzə mensə mè.»

1 Wòŋ 11:1 Referans Kwoze

1 Afòn 2:11

Wù‑uù sàʼ Isray kiyá mkweè. Wù‑uù sàʼ é Hebron kiyá saàmbà, e sàʼ é Jerusalem kiyá nshòv sitaár e mtaár.

2 Samuel 15:10

a wù tsə́nsí ne vé ntume é ram seé Isray sidzə̀m ji á du, e fìʼtì a ji wíri yií yú, aá tóŋ sóŋ, á wàa waamé a jii, «Absalom sì fon e Hebron.»

Atǎr Nsaʼ 9:2

«Vèn dzə́r e vilum veé Shekem adzə̀me jii, ‹Sà bòŋ ji wón Jerubbaal vee msaàmbàa tátí, a saʼ áwune mo bòŋ ji wáa saʼ woo mòʼón a?› Vèn kuúmé ji vèsən dzə̀ mensə́ memòʼón.»

Remrí 17:15

Kí lóo dzə bèy, vèn kù tàʼ wír a dzə̀ wo shavin Nyùy Tàr woo Nyùy won. Vèn ku shòʼ a dzə̀ fə́r won wùmòʼ. Lá vèn yòʼ mùm ji á shóʼ kiŋgwìy ji kí wáa saʼ ven.

Kèʼlo 29:14

Laban yuúrí, e sùúy sho jii, «Rúrú, à dzə̀ mensə́ mem, à dzə̀ kibar kém ké wùn.» Jakov nèn dzə̀ʼə̀m wùn Laban ŋwee fur.

Efesor 5:30

bìʼ fo kintatì kìn ki dzəə̀n wún və́, a vèsən dzə̀ vibar ve wùn woo shooy.

Kintaŋ 13:22

A vé‑eè lò, e kòʼ é Negev, e nèn wìy e Hebron. A Hebron‑eè sì ŋkàlaʼ yee fó ŋgùʼ, a vé‑eè bòm, viyá vi shaà saàmbà, bo á wìy bom Tsoan woó Ejiv. Á meé fó, e yèn viŋgáʼ ve wìr veé kfəə Anak, aá dzə̀ rám sitaár, yé Ahiman wùn à yé Sheshayi, e lì yé Talmay.

2 Samuel 2:1

Ghán sí wìy lòo dù, Davir mbaà Nyùy Tàr, e dzə̀r ji wun sa kòʼ é ŋkàlaʼ yee Juda yìmòʼ, e dù, a saʼ fo a? Nyùy Tàr biímé ji wù wàá kóʼ. Davir kfən dzə̀r ji wun sa dù a dzə̀ é ŋkàlaʼ rəné á? Nyùy Tàr yòŋ ji Hebron.