1 Wòŋ 10:4 - ŊWÀʼ NYÙY

⁴ Saul suúy e ŋgaà ŋkeè və jii, «Shóʼ nyùy yè, e yùyrí mo shó, fo viŋgà vé wìr veé Filistia vee améŋnyùy vìne wiy, e yùyrí mo, a binsí mbeeteé.» Ŋgaà ŋkeè və fàn feyì, e tèn fóo yuyrí wun. Saul nèn lì nyùy rə̀r rə, e gbù e kitu wo.

1 Wòŋ 10:4 Referans Kwoze

1 Samuel 31:4

Saul suúy e ŋgaà ŋkeè və jii, «Shóʼ nyùy yè, e yùyrí mo shó, fo viŋgà ve wìr veé Filistia vee améŋnyùy vìne wiy, e yùyrí mo, a binsí mbeeteé.» Ŋgaà ŋkeè və fàn feyì, e tèn fóo yuyrí wun. Saul nèn lì nyùy rə̀r rə, e gbù e kitu wo.

Lim Aŋgàa Ntum 16:27

Wìr wo wù‑uù shiy lav sháŋ rə̀y yìmèn, e yèn, a shuu se lav si tíynin sirə́, a kwàʼtì ji vé sháŋé nyèŋkír a ne adzə̀m. Wù nèn shòʼ nyùy fó kiburúʼ ji wun sí yúyri a kitú kfə́ shó.

Lim Aŋgàa Ntum 1:18

Pita wáa suúy bèy, a Judar‑iì yiì joonè və́ vəy, e sə̀ mbàm sə́ sé menàŋ, e yùn kirə́ʼ shó, a dzə̀ fo wù‑uù gbuùn tsə̀ə́tsəŋ, bvə́me waám, vitó vi fəə́ vidzə̀m.

1 Wòŋ 10:5

Ŋgaà ŋkeè yén ji Saul kpù á ne, e nèn lì rə́ə yee nyùy rə̀r, e gbù sa e kitu wo, e nèn kpù.

1 Afòn 16:18

Mo Simri yenen ji á sí ton a ŋkàlaʼ Tirsa, wù nèn dù, e nə̀ə́ e kirə̀ʼ ke tavín kí é mvə̀m ntoʼ, e wày və́y shó, e shwì.

2 Samuel 17:23

Fo ké Ahitofel ki, mo wù yenen ji á yoʼ jùmrì a ntir rə, wù nèn kùr kimbèʼbìy kfə́, e kòʼ, a dù e wun laʼ aáwuné ntèʼ. Wù dù, e sìysì vinyo vee wun lav, e nèn kèsìn. Á dzəə̀mè wun fo vé‑eè dzəəmè wír veé kfəə.

2 Samuel 1:20

Lá à yòʼ yiì, é wír veé Gati kiíy, lá à yòʼ fùŋ é dzəə seé Ashkelon, fo wón veé Filistia vee vikìyí wáa sheʼrí, fo wón wìr vee fó laʼ vee vikìyí wáa yu vijuŋ.

1 Samuel 17:36

M yùyrí ne abvərə̀ʼ, e yùyrí nyám yee bear, a kù dzə̀ sá réŋréŋ mo m yíi lovtí e kiŋgà ké méŋnyùy keé Filistia kìn ki, ke kí taʼ mànjòŋ Nyùy ntéŋ, Nyùy wo wù dzəə̀n shó e tin.

1 Samuel 17:26

Davir dzə́r e wír ve vé‑eè tíy e wun ghaŋe jii, «A wìr lòo dzə e yùyrí wír woó Filistia və̀n, e tsə̀ʼ nshoórmé fo wír veé Israyí kitu, á fò ka e ŋgaàŋ? Kiŋgà ké méŋnyùy keé Filistia kìn ki dzə̀ la, bó a dzə ji wun shoór vé rə́r Nyùy wo wù dzəə̀n shó e tin.»

1 Samuel 14:6

Jonatan kfən sùúy e wánlè nsùm wo wù‑uù kér ŋkeè və rə̀r jii, «Wòsò líysín fésə e kilaʼáy ké améŋnyùy veé Filistia vìsə, ghanmóʼ, é Nyùy Tàr sə́ wòsò. Yòʼ dzə̀ kinyo ki jìvír Nyùy Tàr fo wù luŋer wíri, e shaà fo wír vee aníne, kìn fo vee ashàri.»

Atǎr Nsaʼ 16:21

Wír veé Filistiàa nèn koò wun, e fə̀tí sí rə́, e lì wun, e sə̀y shó e Gasa. Á meé fó, e nèn kùr wuú rə́ aàsháŋ ve á fèrìn e kisha kee *brons ki, e lèm wun, wù wáa jò kibán e laʼ sháŋ.

Atǎr Nsaʼ 15:18

Kilòŋ kí nèn a yum Samson e ŋàŋ, wù tóŋ e Nyùy Tàr, e sùúy sho jii, «À fò ne ŋgaà wò lìm vitaáví, wù yóv nsiì e wír vìné kitu, bo à lo, e màʼtì, é m kpú kilòŋ ke yumén kí, é wír ve á yoʼ sàŋ mbèʼ sév víne koó mo a?»

Atǎr Nsaʼ 9:54

Wù nèn jàŋ wánlè nsùm wo wù‑uù béʼ vifá və́ vé rər cércér, e sùúy sho jii, «Ku shòʼ nyùy yè rə̀r, e yùyrí mo shó fo wíri yiì a sheʼ ji kì yùyrí á wiíy mo.» Wánlè nsùm və̀y nèn sòv, wù kpú.

2 Samuel 1:6

Wù bìnèr jii, «M kì dzə̀ é Gwan Gilboa, e yèn Saul, a wù yéʼ e wun kòŋ, a vé rər veé nyàm sií sí méʼ wun, veé vitentén wùn à vé koʼo.

1 Wòŋ 10:3

Rə́r sí‑iì gìm Saul e dzəə ye tavín, mvəne koó wun, e lèmér.