1 Wòŋ 1:4 - ŊWÀʼ NYÙY

⁴ Lamek woo tàr à Noa. Noa‑aà kér wón ataár, aá dzə̀ jii, Shem wùn à Ham, à Jafet.

1 Wòŋ 1:4 Referans Kwoze

Kèʼlo 5:32

Noa dzə̀ʼə̀m kiyá ghii tàn (500), e nèn dzə̀ə́ Shem wùn à Ham, à Jafet.

Kèʼlo 9:18

Wón Noa‑aà dzə̀ jii, Shem wùn à Ham, à Jafet, a kù dzə̀ áwune ve wùn à Noa‑aà fəən fó kikoŋ. A wàn Ham‑eè dzə̀ Kanan.

2 Pita 2:5

A bó wù yòʼ‑oò ló a bavtí sa wír ve vé‑eè méŋ wun fo ŋgùʼ. Wù‑uù fə̀ə́r ndzə́v, yí lì kitú ke nsay kidzə̀m, e bàvtí a dzə̀ Noa wùn à wír vəə́ saàmbà, bìʼ fo wù‑uù din e wíri mo dzə̀ á ghàn é dzəə yee réŋ.

Hibru 11:7

Noa wáa dzə sa, a wù‑uù wày shilív e Nyùy wùn féyì, Nyùy tír wun fo kinyò ke kí‑iì wíy koóy, a bó wù yòʼ fə̀m sí yén kisəəm, wù ku nèn biìmé, a yiì mo Nyùy suuyin. Wù‑uù bàʼrì lúm kikoŋ ji wùn à kfə́ə rəə́ nəə́ shó, e fíʼ wìy bòy fo ndzəv. Mo kù‑uù yuun wun ntir Nyùy rə̀n wùn mòʼón, wù nèn a dìn ji kibér ke wìr veé ndzə adzə̀m ki kù‑uù sì wír ve bií. Nèn a dzə wun woo Noa wo Nyùy‑iì liìn ji wír woo là jay, bìʼ fo wù‑uù wayin shilív e wun wùn.

Ŋwàʼ Luk 17:26

A wù wíy lòo wìy, é wíri wáa dzə réŋréŋ mo vé‑eè dzə́ e Noa ghan.

Ŋwàʼ Luk 3:36

A Shela dzə̀ wan Kaynan woo wan Arfasad, wo yì‑iì dzəə̀n wan Shem woo wan Noa, wo yì‑iì dzəə̀n wan Lamek.

Esiker 14:14

A fə̀m kì dzə̀ ji wír vee ataár vee Noa, wùn à Daniel, à Jov kì dzə̀ é wòŋ foo fèy, bo njiìn wov wo juŋ yíi bòyìr a dzə̀ áwune vin. Suuy mo woo Nyùy Tàr woo Taà Ndzə.

Kèʼlo 9:29

Wù‑uù dzə̀ʼə̀m viyá kishóv mtàn e ghiì bvə̀ʼə̀ (950), e nèn kpù.

Kèʼlo 7:1

Nyùy Tàr nèn lò, e sùúy e Noa jii, «Lì kfəə́ yee wò lavi e dzə̀m, é vèn áwune nəə́ é kikoŋ. M yèn ne ji kù mày a wò fo ŋgwàʼ yee lán, wo à yii mo m taʼà.

Kèʼlo 9:19

Rám wìr veé nsayi‑iì ràm a dzə̀ fo wón Noa vee ataár vìne, vee Shem, Ham, à Jafet.

1 Wòŋ 1:3

Jared‑iì dzə̀ tàr à Enok wo yì‑iì dzəə̀n tàr à Metusela, a Metusela dzə̀ tàr à Lamek,

1 Wòŋ 1:5

Wón Jafeti‑iì dzə̀ jii, Gomer wùn à Magog, à Maday, à Javan, à Tubal, à Meshek, e lì Tiras. Á wír ve vé‑eè kèʼèn vitúm ve ví kér yír sév.

Kèʼlo 10:1

Rám wón Noaá rə̀ne. Wón Noa vee vilume‑eè dzə̀ jii, Shem, Ham, à Jafet. Mo ndzə́ví‑iì kèʼèn, e mày fo kitu ke nsay, áwune nèn a dzə, a ker wón vee vilum, é bo vitúm vi ram fó fo jeéy jeéy.