1 Timoti 3:2 - ŊWÀʼ NYÙY

² Aá wáa kiíy jii, kilìmbìy ke kintatì ki kù kér fó a dzə a wír wo bó yòʼ dzə̀ wíri wàa ndzəə. A wù kù kér fó a ker wiíy e mòʼón cáʼcáʼ, a dzə wír wo wù lo ji weè, kfə̀n kwaʼtì vinyo kijuŋ, é kfə́n a dzə sa wír wo wíri wáa yu. A kù kfə̀n kér fó a dzə wír wo wù koŋ vé kiŋgàné, kfə̀n kiiy mo dzə̀ wù yèʼéy wíri kijuŋ.

1 Timoti 3:2 Referans Kwoze

2 Timoti 2:24

A bó kí yoʼ ghèén ji wìr wo wù lim lim Nyùy wáa taŋnín gheéy. A dzə̀ wù kù a ker a dzə̀ shilív she juŋ shi fo wìr dzə̀m, a yeʼéy wíri é dzəə ye dzə̀ á yù, a kfəmén.

Ŋwàʼ woó Rom 12:13

Wìr yén, a fər və woo ŋgaà biìmé búŋ kifá, wù kù kòóy kifá, e sə̀ wun sho. Vèn kfə́n a səəsí afə́r vén e věn melav.

1 Timoti 5:9

Ké vikǐy ŋkfə ve dzə̀ wàa leéy kintatì fo fo ki nén a dzə jii, a dzə̀ woo bey, wù kù a dzə kiyá mntuùfú, é wáa dzə wiíy wo wù kù‑uù dzə́ a dzə̀ wùn lum və, e làa yòʼ fəə.

1 Pita 4:9

Vèn wáa sənín vitú vén, é wìr wáa səəsí wír e wùn lav, a ker kijuŋ, e làa yòʼ a ghvə̀vrì.

1 Pita 5:8

Vèn wáa yen, a tiy, a kiíy, bìʼ fo Satan woo ŋgaà won vibàn woóne, taʼ wír wóo laàr. A wù beéme moo bvərə̀ʼ wo wù lóo nyàmkìr, virə́ʼ ví wàa sə̀ʼ.

Hibru 13:2

Lá vèn yòʼ a làysìn fó a səəsí viŋgwìy e věn melav. Vèn wáa kiíy ji wír ámóʼó‑oò yiì ne bèy, e səə̀sí a dzə̀ nshèelav se Nyùy, a bó á yòʼ kì kì.

Titur 2:2

Lóo dzə vilum vee aránsisi, à wàa tir áwune ji lá á yòʼ a way a vifií é melùʼ. Á wáa way vifií a dzə̀ á e vinyò ve áwune yii, a yiì réŋ mo ví dzəə̀n. Á ku ghàr a dzə̀ á kinyo ke Nyùy kitávín, a kòŋ wíri, a lì ŋgeʼ sidzə̀m ji weè, e làa yòʼ a wàʼ.

Filipi 2:15

é vèn nèn a dzə e wírí si là njò, e làa yòʼ a ker nsem yìmòʼ gheéy. Vèn lóo yiì bèy, é vèn nèn a dzə wír Nyùy ŋkuuŋkùŋ, là jay e ndzə ye wíri yii joonè shó, kér melív me bi mè rə̀n. A vèn yíi a njàʼkìr e wír vee shooyí mvəm moo mejiy,

1 Pita 4:7

Vèn kì sá jii, ghán se ndzə wíy mày si mèʼ ne a fo mentsə̀m. Kí nén a dzə jii, vèn wáa tiy lèn, a kiíy, a yu kinyo kimòʼón ji bunrì.

Hibru 3:14

Kifá ke Kristu kér kidzə̀m ki sì sá késən, a vèsən fèn tíy a dzə̀ é kinyò ke vèsən‑eè wayin shilív shó fo mbìy, e dù, e jòʼsì.

1 Timoti 4:3

Á wíy lò, aá nèn a shaʼnín fo wìr wáa ker wiíy, e kfə̀n a suúy ji wíri wáa nyeŋ a vifá ve yi vímóʼ ví. A kù‑uù fèr Nyùy vifá vìn vidzə̀m ji wír ve á wayin shilív e Jesus wùn, a kiíy kinyo ke dzəə̀n ke ru kií wáa lì, a beèrì wun, a yi.

Ŋwàʼ Luk 1:6

Wùn wiiy və wáa yiì vinyo réŋréŋ mo Nyùy taʼà, a yu sáʼ Nyùy, e kfə̀n a lèm nsər sə́ sidzə̀m, a dzə là nsem.

Aysaya 56:10

Vilìmbìy veé Isray ve dzəə̀n aŋkiyi sì ji amfìr. Áwune vee anshìyi yòʼ kér vifií, á kù sì ji jwí se sí buúne buùnén, a sí yòʼ dzəə́ wámé. Áwune kù sí néŋ, a njèm si shí áwune, kù koŋ, a boʼ a dzə̀ mbuùné.

Ŋwàʼ Luk 2:36

Wáa dzə e ghan sin, a wiíy wùmòʼ dzə̀ é Jerusalem fèn, aá yoŋ ji Ana, a dzə̀ wiíy wo wù‑uù lo, wù wàa yu vinyo fo Nyùy, a tiisí e wíri. Wù‑uù dzə̀ wan Fanuwer woo rám Asher, a wù dzə́n ne feyì. Wùn lum‑eè dzə̀ʼə̀m kiyá saàmbà cáʼcáʼ, wù nèn kpù.

1 Timoti 3:8

Ké wìr ve á sə́, yii lim seé kintatì ki nén a dzə sa réŋréŋ bey. Áwune kù kér fó a ker liì wo juŋ, a dzə wír ve dzə̀ á wàa lìm shilív shimòʼón. A bó yòʼ dzə̀ wàa dzə wír ve á wáy vifií é melùʼ, kìn ve á diy a dzə̀ séʼ.

1 Timoti 3:12

Wír ve á lim e kintatì vìne kú a ker wiíy e mòʼón mòʼón cáʼcáʼ, a kiíy mo dzə̀ á lèéy fo áwuné nsaàlav kijuŋ, a dànèr wón vév é dzəə ye juŋ.

1 Timoti 5:10

A dzə̀ kù a dzə sa wiíy wo wìr dzə̀m bínsi ji wù kù‑uù rə́si yii a dzə̀ á vinyo ve juŋ vi, dan wón və́ é dzəə yee réŋ, kér wíri e wùn lav, yii lim seé kintatì ke wìr Nyùy, kfə̀n sə́ vé ŋgeʼe. Kú a dzə wiíy wo wù‑uù liìn kitú kfə́ ji wun wáa yiì a dzə̀ á vinyo ve juŋ vi, ji a fəə̀ lim fèé, wun kù a yiì a yiìn.

1 Timoti 5:22

Kí kfə́n a dzə sa jii, làa yòʼ a gìr gìrìn, a neèr wó e wìr kitu, a lèm ji wir lìm Nyùy, fo wù wìy sìíy, a yiì liì kisaŋ, é kí wáa dzə ji à tómri a liì woo shooy. Kú a kìm kitú ké ki fó nəə́ e jay.