1 Timoti 3:1 - ŊWÀʼ NYÙY

¹ Kinyo ke á yii suuy kímóʼ kí nén a dzə, a kí dzə̀ rú féyì. A wìr koŋ ji wun wáa dzə kilìmbìy ke kintatì, bo wù shóʼ a dzə̀ lim ye juŋe.

1 Timoti 3:1 Referans Kwoze

Titur 1:7

Mo lèmèn Nyùy ŋgaàŋ ji kilìmbìy ke wìr və́, kí yoʼ ghèén ji wù wáa ker nsem e dzəə yìmòʼ. Kìn dzə̀ ji wù wáa koʼnín, e kfə̀n a nyarnín, a no meluʼ e ŋàŋ, a tàʼ melaà, a dìy a dzə̀ shuu və́.

Lim Aŋgàa Ntum 20:28

Vèn siiy, vèn wàa leéy fo věn vitu, e kfə̀n a leéy fo kintatì ke Nyùy ke Kiyoy ke Ranén kí wayin e věn kiwo. Vèn wáa leéy fo fo réŋréŋ mo nshìy lèéy fo wùn njiì, a kuumé ji Nyùy‑iì tìn kintatì kìn a dzə̀ e mensə́ me Wan və Jesus mè ji wáa dzə wír və́.

1 Pita 5:2

A m tír ven jii, vèn kú a leéy a fo kintatì ke Nyùy wayin e věn kiwo ki, a dànèr mo wìr yii danèr njiì və. Vèn wáa leéy feyì kijuŋ ji kòŋ a ven, e làa yòʼ a leéy mo á kàn ven kánen. Lá vèn yòʼ a leéy, a dìy mbàm, bìʼ fo kee shooy ki dzəə̀n woómé se kuʼùn sí.

1 Timoti 1:15

Duŋrì yee jii, Jesus Kristu‑uù lo wìy e ndzə fèn ji wun sə́ aŋgàa vinyò ve bi ví, aá fíʼ lùŋe dzə̀ rú féyì. A dzə̀ wìr kù wày shilív sə́ shó shidzə̀m. A m dzə̀ fon aŋgàa vinyò ve bi vee shooy.

1 Pita 2:25

Vèn‑eè dzə́ fo mbìy, ján janén moo njiì wo wù jayin dzə́ə, a vèn kfə̀n ne lèn fo Nshìy won wo wù danèr ven, shiy melív men.

Hibru 12:15

Vèn wáa yen fo wìr maʼay Nyùy, e ràn kilíŋ ke wù bùʼùn wun sho, a yen sa fo wìr wáa màʼ ŋgoòy kinyò ke bi kí, é kí ram e věn mvəm, e bìvír wír anín.

2 Timoti 2:11

Kinyo ke dzə̀ vèsən wàa tiy sho ki dzə̀ ke á yii suuy jii: A vèsən tàtí, e kpù vèsən à Jesus, bo wù kù wíy lùŋèr vèsən, é vèsən áwune wáa dzə.

1 Timoti 4:9

Duŋrì rə̀ne dzə̀ kinyo ke ru kí ke dzə̀ wír, wù tìír vifií shó vidzə̀m.

Filipi 1:1

Ŋwàʼ və̀ne sàŋ mo woo Por vèr Timoti ve dzəə̀n aŋgàa lìm Jesus Kristu. Vèr sàŋ a dzə̀ fo vèn vee wír Nyùy ve á dzəə̀n é Filipi adzə̀m ve vèn à Jesus Kristu tatin. A wú dzə̀ fo vèn à vilìmbìy vén ví, à wír ve á lim e věn mvəmé adzə̀m.

Ŋwàʼ Luk 15:10

Vèn wáa kiíy jii, kù dzə̀ sá réŋréŋ mo nshèelav se Nyùy si shéʼri ŋgaà vinyò ve bi ví e mòʼón wo wù bìnèrìn shilív sə́.»

Titur 3:8

Kinyo ke m suuyin kin ki dzə̀ ke ru kí, a m taʼ ji à kú a ratí ghán sidzə̀m, é wír ve á wayin shilív e Nyùy wùné fíʼ way vitú vév, a yiì a dzə̀ vinyo ve juŋ vi. Á vinyo ve dzə̀ Nyùy wàa kòŋ ji wìr wáa yiì, é wìr dzə̀m kfə́n a yu vijuŋ fo fo.

Efesor 4:12

A wù jav vifií vé vinyò vìn jeéy jeéy, é wír Nyùy adzə̀me fíʼ a dzə ve dzə̀ á wàa lìm kinyo, é kintatì ke dzəə̀n wún Kristu ki fiʼ tùúy, a tav, a dù fo mbìy,

Lim Aŋgàa Ntum 1:20

Pita kfə́n a suúy jii, «Ke Fòn Davir‑iì saŋen é Ŋwàʼ Nsùyrì Nyùy Nyùy ki dzə̀ jii: « ‹Lav rə kú a tiy e vifə̀m, é la wìr yòʼ a shiíy sho.› Wù kfən sàŋ jii: ‹Wìr wùmòʼ kér fó lì kirə́ʼ kfə́ ké lìm.›

1 Pita 4:15

Yii bèy, lá kí yòʼ kòóy ji á wáy wír fo vèn e ŋgeʼ a dzə̀ bìʼ kinyo ke ŋgaàŋ jayin. Kìn dzə̀ ji ŋgaàŋ yùyrí wír, kìn wù shòŋ kifá, kìn wù jày a dzə̀ ka, kìn ji wù wáyri shuu e wírí vinyò.

1 Tesalonika 5:14

Afə̀r ver, a vèr kfə̀n lón sa ji vèn kú a ker wir dzə̀m ji weè, a tir wír ve á dzə́ kisáŋ, a tavír wír ve melív mev mè dzəə́ yaʼà, e kfə̀n a sə wír ve bó á yóʼ ne kìíy vinyo.

Ŋwàʼ woó Rom 11:13

Kinyo ke m yíi a suúy lèn ki dzə̀ fo vèn ve bó yòʼ dzəə̀n wír veé Isray. Nyùy‑iì shòʼ mo ji m wáa dzə ŋgaà ntum Kristu a dzə̀ fo vèn. M nén a tiisí ntum yee shooy, a sàvnìn, a suúy kitú kém ji

Ŋgàn 11:30

Wìr wo wù yúnin Nyùy dzə̀ moo kicí ke wíri kfə́rí, á lùŋ fó fo. A wìr wo wù yii ji wíri luŋ, dzə̀ wo á bínsi ji wù kér vifií.