1 Timoti 2:3 - ŊWÀʼ NYÙY

³ Aá bunrì bèy, bo á yii kijuŋ feyì. Dzə̀ kinyo ke Nyùy koŋ ji vèsən wáa yiì, wun woo Nyùy wo wù‑uù fəərin vèsən fó lòn ji á fiʼ wìy lùŋ.

1 Timoti 2:3 Referans Kwoze

Hibru 13:16

Lá vèn yòʼ a làysìn sa fó a yiì vinyo ve juŋ vi, a jàv vifá vén, a sə wír ámóʼó shó. Vèn wáa kuumé jii, vèn lóo yiì bèy, bo dzə̀ á cu ye Nyùy koŋè.

1 Timoti 1:1

Ŋwàʼ və̀ne sàŋ mo woo Por wo dzəə̀n ŋgaà ntum Jesus Kristu. A m lò ntum rə̀n a dzə̀ mo Nyùy wùn Jesus Kristu‑uù suuyin. A dzə̀ wun woo Nyùy wo wù‑uù fəərin vèsən fó lòn ji á fiʼ wìy lùŋ. Kristu nén a dzə kfə́ wír wo vèsən tiir vifií é wùn wó ji wù wìy lì vèsən, e wày é vijùŋ ve Nyùy kàʼàn vèsən shó.

1 Pita 2:20

A bó yòʼ dzə̀ wù wàa sheʼrí wír wo á ndzə́n, a wù dzə́ ji nyaáŋ, aá ndzə́n a dzə̀ fo wùn jay. Wù kù yii shéʼri a dzə̀ wír wo wù yii kfə́ a dzə̀ vinyo ve ru ví, aá nyavrì sho kisáŋ, a wù kù dzə́ ji nyaáŋ, yú a dzə̀ fo Nyùy.

Ŋwàʼ woó Rom 14:18

A wìr fò kitú kfə́ e Kristu, a yiì vinyo e dzəə foo fèn, Nyùy nèn a sheʼrí ŋgaàŋ, wíri kfə̀n a binsí sa wun.

1 Pita 2:5

Vèn wiy ri fo Nyùy, é wù li sá ven ji tíy, e bòm lav rə ye Kiyoy kfə́ kí wáa dzə sho, é vèn wáa dzə atàá cù wun woo Nyùy, a yu a dzə̀ fo Jesus Kristu, a lìm fo Nyùy shilív shidzə̀m, é wáa dzə cu ye wù koŋ ji dzə̀ wír vəə́ wàa cù wun sho.

1 Tesalonika 4:1

Afə̀r ver, vèr nen kfə̀n a tàʼ ji vèn kuúmé á kinyo ke Tàr wòsən Jesus‑eè yiìn e vèsən, a lon feyì jii, vèn ku màysì, a nəə́ nəə́n é liì wo Nyùy taʼ ji vèn wáa ker. Liì və̀n dzə̀ wo vèr‑iì yeʼeyin ven shó, a dzə̀ woo shooy wo wù bòŋèn Nyùy.

Kolosia 1:10

Vèn kiiyì, é vèn nèn a dzə mo dzə̀ wír Nyùyi wàa dzə, a yiì kinyo a dzə̀ ke kí wáa bòŋ wún Nyùy. Vèn yíi a yiì vinyo ve juŋ vi vidzə̀m, e kfə̀n màysì a kiíy mo wun woo Nyùy dzəə̀n, a dù duùn fó mbìy.

Ŋwàʼ Luk 1:47

a m yú vijuŋ, shéʼri Nyùy woo Ŋgaà Lùŋèr wom.

Filipi 1:11

A vèn wíy a wàrkìr, bìʼ fo vèn à Jesus Kristu tatin ne, wù wáa yiì, vèn wáa ker liì wo dzəə̀n wo wìr Nyùy, a wù din a dzə̀ vikuʼùy vé wun woo Nyùy, kóʼor yír rə́.

1 Timoti 5:4

Lóo dzə wo wù kér wón wùn à wón won vəə́, bo dzə̀ kù a leéy áwune fo yè wov, e bó a leéy dzə́ə. Dzə̀ kirə́ʼ kév lèn fó a leéy fo atàr vév wùn aàyìy véví mo vé‑eè leey fo áwune. Dzə̀ kee shooy ke Nyùy koŋ ji á wáa yiì.

Filipi 4:18

M yèn ji vèn sə̀ á mo féyì, e shaà mo dzə̀ vèn wàa sə. Mo mò‑oò yenen vifá ve vèn tumen Epafraditur sho, m nèn a dzə lèn, a bó m yòʼ dzəə́ búŋ kifá gheéy. Vifá vìn vi dzə̀ cu ye vèn yiìn a dzə̀ e Nyùy, a yí rəm, rəʼtìnè, a wù koŋè.

Aysaya 45:21

Vèn wiy ri e nsaʼ yen, e naàrì. Vèn kfəynin, e rə̀tì, e fə̀ə́r kinyo ki. Vinyo ve ví kooy lèn, yì‑iì yìysí la fó ŋgùʼ? Feyì feyì, yì‑iì yoòyí la fó yàŋgùʼ? Bó yòʼ‑oò yoòyí mo woo Nyùy Tàr a? Nyùy wùmòʼ yòʼ kfə̀n dzə̀ shó, e shaà mo və̀n. M dzə̀ Nyùy wo wù yii vinyo tìítiy, a m dzə̀ Mfə̀ə́r, a bó Nyùy wùmòʼ yòʼ kfə̀n dzə̀.

2 Timoti 1:9

Wù‑uù tìn vèsən fó lòn, á lùŋ, wù lì vèsən ji və́ vee wír. A bó wù yòʼ‑oò li bìʼ kinyo kímóʼ kí ke vèsən‑eè yiìn. Wù‑uù lì a dzə̀ mo kù‑uù sìysìn wun fo yàŋgùʼ ji wun wíy tatí vèsən à Jesus Kristu, e bùʼ ji wír və́.

1 Timoti 4:10

Á kinyo ke kí yii, bo vèr wáa ghìtìr, a lìm e Nyùy kinyò kitávín. Vèr lim, leey a dzə̀ fó mbìy, shiy vijuŋ ve Nyùy kàʼàn vèsən shó. Dzə̀ wun wo wù gòʼòn kàŋ mòʼón, kfə́n a dzə wun Ŋgaà Lùŋèr fo wìr msòŋ e dzə̀m, bo taaka fo ve á wayin shilív e Jesus Kristu wùné.