1 Samuel 9:6 - ŊWÀʼ NYÙY

⁶ Wìr lìm və̀y suúy e Saul jii, «Yén mbà, wìr Nyùy wùmòʼ dzə̀ é wòŋàn, a wíri ghvə̀m wun e ŋàŋ, bìʼ fo wù suuy kinyo, kí kù ghèén. Wòsò du fó lèn, ghanmóʼ, é wù suúy e wòsò fo dzə̀ á yèn vimbèʼbìy vin.»

1 Samuel 9:6 Referans Kwoze

Remrí 33:1

Bo Mooser woo *ŋgaà ntum Nyùy wáa kpu, wù‑uù lòn kisəəvì bìʼ rám seé Isray.

1 Afòn 13:1

*Ŋgaà ntum Nyùy wùmòʼ ku nèn bvə̀ysín fo, a yì‑iì tùm Nyùy Tàr wun fo Juda ji wù wiy á e Betel. Wù wáa meé fo, a Jeroboam tíy e ghaa kiy cù ji wun yii a cu.

1 Timoti 6:11

Ké wò woo Timoti ki nén a dzə, aà dzə̀ ké ji ŋgaà lìm Nyùy. Kú a leʼ vinyo vee shooy vi léʼén vidzə̀m. Ku wày vifií ví cáʼ ji à wáa yiì a dzə̀ á vinyo ve ru ví, a yiì moo wír wo dzəə̀n wo Nyùy, a way shilív é wùn wó, a kòŋ wir dzə̀m, a tiy e Nyùy wùn kitávín, a lì vinyo vidzə̀m ji weè.

1 Tesalonika 5:13

Vèn wáa ghvəm áwune kijuŋ, a kòŋ shilív shidzə̀m, bìʼ fo áwune lim bìʼ ven. Vèn kfə́n a kuumé ji lá vèn yòʼ a taŋnín ven ven.

1 Tesalonika 2:10

Vèn‑eè ló a yen, Nyùy wáa yen sa, mo liì wor‑iì dzəə̀n e ven vee aŋgàa biimée mvəm. Bó vèr yòʼ‑oò ló a shwìv wír wùmòʼ gheéy. Vèr‑iì yii vinyo réŋréŋ là kiloʼ.

Matio 24:35

Yúv wùn à nsay wíy mày, a jí sém sí ku wíy a tiy fo.

Aysaya 44:26

Yii bèy, ŋgaà lìm wom yíysi kinyo, m yiì, kí kòóy, ŋgaà ntum fiʼtì ntum yem, m yiì, yì ghèén. Kù dzə̀ mo wo m suuy ké Jerusalem ji wíri kfə̀n wíy a dzə fo, suuy ké ŋkà se laʼ seé Juda ji á kfə̀n wíy nàn fó, é virə́ʼ ve ví‑iì sàʼkìn ne vi kfə́n fó.

2 Afòn 6:6

Elisha nèn dzə̀r jii, «Yì tò a dzə̀ feé?» Wù ròm fo yì kì toon. Elisha shèr kicí, e màʼ e mvəm fóo fèy, e nèn yiì, njàm kóʼ, a laʼ e kitu ke ndzəv.

1 Samuel 2:27

*Ŋgaà ntum Nyùy wùmòʼ nèn wìy, e yèn Eli, e sùúy e wun ji Nyùy Tàr suuy a jii, «Yì‑iì dzə̀, a tàr won Aaron wùn à kfə́ə rəə́ dzə̀ə́ akwǎn fòn woó Ejiv, bó m yòʼ‑oò lo dìn kitú kém e Aaron à?

Kèʼlo 24:42

«M wíy, e mèé e ndzəv lán, e bùnrì jii, ‹Éè Nyùy Tàr, Nyùy woo wo tàr wor lìm Abraham, ku yiì, é ghán ye m wìyìn fen rə̀ne boŋ.

1 Samuel 9:8

Wìr lìm və̀y bìnèr jii, «Leéy, m kér shimbàm, a dzə̀ shimbàsìn she *shekel. Mo‑óò fó e wun, é wù nèn sùúy fo dzə̀ wòsò yèn vimbèʼbìy vin.»

2 Samuel 15:27

Fòn kfən sùúy e Tsadok woo taà cù jii, «Kí à yén mo vinyo vi dzəə̀n. Vèn à Abiyatar ku lì wón vén vee abaà vee Ahimaas woo wan wò wùn Jonatan woo wan Abiyatar, é vèn áwune kfə́n é bàm é ŋkàlaʼ, e dù a dzə fo nyaáŋ.

2 Afòn 5:8

Elisha yú ji fòn woó Isray saàsì a ndzə̀y sə́, e nèn tsə̀nsí ntum, e dzə̀r e fòn jii, «À saàsì ndzə̀y sé ji ka? Tsə́nsí wír woo shooy fo mǒ wùn, é wù fiʼ kìíy ji ŋgaà ntum Nyùy dzə̀ á e Isray.»

Nsùyrì Nyùy 25:12

Wìr wo wù yúnin Nyùy Tàr bèé? Nyùy Tàr kù yíi tir wun mo wù wáa tiír kiwúu kfə́.