1 Samuel 9:5 - ŊWÀʼ NYÙY

⁵ Áwune kfən dù, e mèé e ŋgvən Tsuv, Saul nèn sùúy e wìr lìm wo wùn wun‑eè dzəə̀n jii, «Wòsò wáa kfən e bàm, fo tàr wor shaa kinyo ke vimbèʼbìy, a rə̀m a dzə̀ kesò.»

1 Samuel 9:5 Referans Kwoze

1 Samuel 10:2

À yíi màʼtì mo lán, lóo dù, é vèn à vilum tárnín abaà e Racel ghaa sày e Tsəlsa wo wù dzəə̀n é bìíy nsay Benjamin. Áwune yíi suúy e wò ji á yèn á ne vimbèʼbìy ve vèn‑ee taʼà, a tàr won shaà ne lèn kinyo ke vimbèʼbìy, a rə̀m a dzə̀ á wò, a ghay jii, mo‑óò yée le e kee bìʼ wán wom kí?

1 Samuel 1:1

Wìr wùmòʼ‑oò dzə̀, a dzə̀ wir kfəə Tsuv ye dzəə̀n rám Efrayim, a yír rəə́ dzə̀ ji Elkana. Wù‑uù dzə́ e ŋkàlaʼ yee Rama e mbìv agwan veé nsay Efrayim, a dzə̀ wan Jeroham woo wan Elihu, woo wan Tohu, Tohu wo wù ràmèn fó Tsuv.

Ŋwàʼ Luk 12:11

Vèn wáa kiíy ji ghán sí wíy gheén, aá wáa koorí ven, a dù, a saʼ nsaʼ yen é ŋgày se bùnrì, e kfə̀n a saʼ e vé wòŋe wùn à vitú ve saʼ ví si. Vèn wíy du, lá vèn yòʼ a rə̀m ji vèn sà yíi a tunér kitú kén é le á, vèn sà yíi a suúy ji kaá.

Ŋwàʼ Luk 12:22

Wù nèn a suúy lèn a dzə̀ e wón və́ lìme jii, «M tír ven ji lá vèn yòʼ a dìy wún á ji vèn sà yíi a yi ka, a kur ka moo ndzə̀y á.

Matio 6:28

«Mo kí dzəə̀n bey, yiì ka, bo vèn wáa dìy ndzə̀y? Vèn leéy mo vibuushì veé kwaʼ vi teʼ, boŋkìrì. Bó vikwiíy ví yòʼ yii lim lim, a bó ví yòʼ yii bá ndzə̀y.

Matio 6:25

«Mo Tàr won siìn Nyùy, lá vèn yòʼ a dìy wún jii, á sà wíy a yi ka, a no ka, a kur ka moo ndzə̀y á? Vèn wáa kiíy ji dzəʼə̀me shaà vifá ve yi, wúné shaá ndzə̀y.

Matio 6:34

Kí nén a dzə jii, lá vèn yòʼ a yaŋrí a kifá ke kí bvəə́shi, a dzə a dzə̀ kibvəə́shí. A dzə̀ á kù a kiíy kee shooy, a sì kibvəə́shí. Lá vèn yòʼ a lì kinyo keé kishiíy ke sən kí, a dzə̀sì e ke sən kí kitu. Ŋgeʼ yeé kishiíy fó kù ghèén a dzə̀ é kishiíy fóo fèy.