1 Samuel 9:2 - ŊWÀʼ NYÙY

² Kish‑iì kér wán, a yír rəə́ dzə̀ Saul, a wù meé é wánlè nsùm. Wìr yòʼ‑oò ló a dzə e Isray wo wù‑uù bòŋèn moo Saul. Wù kfə̀n‑eè dàr, e shaà wir dzə̀m.

1 Samuel 9:2 Referans Kwoze

1 Samuel 16:7

Nyùy Tàr suúy e Samuel jii, «Lá à yòʼ a leéy wun a dzə̀ fó si, kìn fó vidà, m kìnèn woo shoon. M yòʼ yii leey wír a dzə̀ mo wíri leeyì. Wìr lo, wù wàa leéy wír a dzə̀ fó si, a m leey kém a dzə̀ fó shiliv.»

Kintaŋ 13:33

Vèr kfən yèn wír veé Nefilim fo, vimà vé wìr ve dzəə̀n kfə́ə Anak. Vèr‑iì dzə̀ kér fó moo vintàn, a kù dzə̀ sá mo áwune‑eè yén ver bey.»

Kèʼlo 6:2

Wón Nyùy ámóʼó yén, a wón wíri vee vikìyí bóŋkír é ŋàŋ, yén ve á toon sí yév, á kù nèn a lì liìn ji vikìy vév.

Jeremia 9:23

Nyùy Tàr kfə́n a suúy jii, «Lá ŋgaà kìíy yòʼ a sùmrì wún bìʼ kiíy rə́. Lá ŋgaà vitaàví yòʼ a dzə̀v nsaŋ bìʼ vitaáví və́. Lá ŋgaà bùʼ yòʼ a koʼnín bìʼ bùʼ və.

1 Samuel 17:4

Kintav ke wìr wùmòʼ woó Gat, aá yoŋ yír rə́ ji Goliat ki fəə́ fo wír veé Filistiàá kilaʼáy, a wìy ji wun səʼ á wír veé Isray. Vida və́ ví‑iì shaà kóy e kimbéʼ ki.

1 Samuel 9:3

Vimbèʼbìy vé Kish woo tàr à Saul vi nèn wìy lò, e lày. Kish suúy e wan və Saul jii, «Lì wir lìm wùmòʼ, é vèn wun du, e tàʼ vimbèʼbìy ve ví làyìn.»

1 Samuel 10:21

Samuel yòŋ, rám Benjamine fəə́ é melav melav, Nyùy nèn shòʼ lav Matri. Lav Matri fəə́, Nyùy shóʼ Saul woo wan Kish, á wáa leéy wun, e làa yòʼ a yen.

1 Wòŋ 8:33

Ner‑iì dzə̀ tàr à Kish, a Kish dzə̀ tàr à Fòn Saul, a Fòn Saul dzə̀ tàr à Jonatan wùn à Malkishua, à Abinadav, à Eshbaal.