1 Samuel 9:1 - ŊWÀʼ NYÙY

¹ Wìr woó ram Benjamin wùmòʼ wáa dzə, a dzə̀ ŋgaà kav, a yír rəə́ dzə̀ ji Kish, a dzə̀ wan Abiel woo wan Tsəror, woo wan Bekorat wo tàr wov‑iì dzəə̀n wan Afiya.

1 Samuel 9:1 Referans Kwoze

1 Samuel 14:51

Kish woo tàr à Saul wùn à Ner woo tàr à Abner‑iì dzə̀ wón Abiel.

Lim Aŋgàa Ntum 13:21

Áwune wìy lò, a lon fon, Nyùy nèn fò Saul woo wan Kish, a dzə̀ rám Benjamin. Wù sáʼ vifon kiyá mkweè,

1 Samuel 25:2

Wìr wùmòʼ wáa dzə e Maon, a dzə̀ ŋgaà kav. Wù‑uù kér kéŋ e Karmel, bvə́y nsə̀kì, njiì ansə̀kì ataár ve wù lo, wù wàa kom wuy fo wùn wó.

Ŋwàʼ Jov 1:3

Wù‑uù dzə̀ ŋgaà kav, a wù kér njiì nsə̀kì saàmbà, akamer ansə̀kì ataár, anàʼ ve á lim súm ghii tàn, e lì vimbèʼbìy vee vikìy ghii tàn. Wù kfə́n a ker sa wír ve á lim fo wun nyanyày, la wìr yòʼ kfə̀n a dzə wo a dzə̀ wùn wun dzə̀v kiwó fo wù‑uù dzə́, e mbìv yee fo shùy yii tó.

2 Samuel 19:32

Barsilay‑iì dzə̀n ne feyì. Wù‑uù dzə̀ kiyá mwaamé, a dzə̀ ŋgaà kav, a wù‑uù yiir fon e ghan se fòn‑eè dzəə̀n é Mahanayim.

1 Samuel 10:23

Wíri nèn lèʼ, e dù, e fə̀ə́r Saul fo nsàn vibàm. Wù wìy, e tìím e wírí mvəm, a wù dár, e shaà wir dzə̀m, a wír vee ji ve dáa tíy a dzə̀ e wun mbèʼ.

Esta 2:5

Wáa dzə e ghan see shooy, a wìr woó Juda wùmòʼ dzə̀ é Susa, aá yoŋ yír rə́ ji Mordekay. Wù‑uù dzə̀ wan Jayir woo wan Shimey, a Shimey‑iì dzə̀ wan Kish wo yì‑iì dzəə̀n wír woó ram Benjamin.