1 Samuel 8:9 - ŊWÀʼ NYÙY

⁹ Ku yuùrí kinyo ke áwune suuy ki. Yii bèy, naàrì aáwune kijuujùŋ, e yiì, aáwune kiíy kfə́ə liì wo fòn wo wù yíi a saʼ áwune yíi a ker.»

1 Samuel 8:9 Referans Kwoze

1 Samuel 10:25

Samuel nèn naàrì gháy fòn wùn à lím rəə́, e sàŋ vinyo vee shooy e ŋwàʼ, e neèr e Nyùy Tǎr si, e nèn sùúy, wìr dzə̀m wáa kfən e bàm. Á nèn a kfənkír aáwuné melaʼ.

Esiker 46:18

Lá taà saʼ yòʼ wìy jùm wír fo kirə̀ʼ ke dzəə̀n vitsə́ʼ vé kfəə, e faàsì fó. Wù ku fò a dzə̀ kfə́ kee kirə́ʼ ke dzəə̀n və́ vee vitsə́ʼ e wón vəə́, é la kí yòʼ kòóy ji á fəə́r wír fo wír vémé fó kirə̀ʼ ke dzəə̀n və́ vee vitsə́ʼ.»

Esiker 3:18

A m lò, e yòŋ kùm wir liì kisaŋ ji wù kér fó kpu, e yòŋ bèy, a bó à yoʼ kàntì ŋgaàŋ, e tìr wun fo wun yìi kisaŋe, é kí fiʼ sə̀ dzəʼə̀m rə́, bo ŋgaà liì kisaŋ və̀n yíi kpu bìʼ vinyo və́ ve bi ví, yii bèy, é li wò njò rə kpu.

1 Samuel 14:52

Saul kù‑uù rə́si maʼ a dzə̀ rə́r wùn à wír veé Filistiàa ghán sidzə̀m. Wù‑uù yén wír wo dzəə̀n ntav, wù nèn kù lì ji wír və rə̀r.

1 Samuel 2:13

Áwune vee atàá cùu‑uù kér liì wo bi féyì wùn à wír ve vé‑eè wiy ji á yii cúu. Wìr‑iì seé nyam cù, á naa, wàn lìm taà cù nèn wìy e kinsòv ke kí kér mfaʼ sitaár ki,

1 Samuel 8:8

Kèʼ mo mò‑oò fəərin áwune fó Ejiv, e wìy shem lán, áwune lo, á màʼtì mo, a ghvəm anyùy ámóʼó. Kù dzə̀ kinyo kíwun ke á lo a yiì sa e wò.

1 Samuel 12:1

Samuel suúy e wír veé Isray adzə̀me jii, «M yiì ne kinyo kidzə̀m e věn jì réŋréŋ mo vèn‑ee yòŋèn, e kòʼór fon wo wù wáa saʼ ven.

Jeremia 11:7

Ku fìʼtì ji m yoŋ a jii, ‹E kèʼ mo mò‑oò fəərin atàr vén fó nsay Ejiv, a kàntì áwune akàŋ akàŋ, m kù dzəə́ kantì ven, e wìy shem lán ji vèn wáa yunín a mo.