1 Samuel 8:8 - ŊWÀʼ NYÙY

⁸ Kèʼ mo mò‑oò fəərin áwune fó Ejiv, e wìy shem lán, áwune lo, á màʼtì mo, a ghvəm anyùy ámóʼó. Kù dzə̀ kinyo kíwun ke á lo a yiì sa e wò.

1 Samuel 8:8 Referans Kwoze

Ŋwàʼ Fəə 32:1

Wír veé Israyi yiì lò, e yèn ji Mooser dù ne, e laàtí a e gwan, e làa yòʼ dzə́ə səy, áwune nèn bàʼtí e Aaron ghaŋ, a ghiʼ wun jii, «Shaà, e fèr nyùy, e fò e vèr, é wù wáa dànèr ver. Ké Mooser və̀y wo wù‑uù fəərin ver fó wòŋ Ejiv, bó vèr yòʼ kì kinyo ke kí kooyin wun.»

Atǎr Nsaʼ 13:1

Wír veé Israyi kfən lò, a yiì vinyo ve bi ví, a tinsín Nyùy Tàr, wù nèn wày áwune e wír veé Filistiàá sar, á sáʼ áwune kiyá mkweè.

Atǎr Nsaʼ 6:1

Wír veé Israyi kfən lò, a yiì vinyo ve bi ví, a tinsín Nyùy Tàr. Wù nèn wày áwune e wír veé Midiané wo, áwune nə́ʼsí wír veé Isray kiyá saàmbà.

Atǎr Nsaʼ 4:1

Yì‑iì dzə̀ é ghan se Ehud‑iì kpuun, wír veé Israyi kfən siì yiì vinyo ve bi ví, e tìnsín Nyùy Tàr.

Atǎr Nsaʼ 2:20

Á bèy, dòʼshwiiy Nyùy Tàr ŋáʼáy kùm wír veé Isray e dzəə ye biibí, wù suúy jii, «Mo wír vìne yaʼayin ne *mensaŋ me mò‑oò gwàrìn vèr aàtàr véví, e tèn fó yunín jí yem,

Remrí 9:24

Rúrú, e kèʼ fo ghan se mò‑oò kiiyin ven, vèn kù‑uù sí táv kitú fo Nyùy Tàr.

Kintaŋ 16:41

Wáa dzə kibvəə́shí, màŋgòŋ woó Isray e dzə̀m nèn a ghvə̀ʼ Mooser wùn Aaron, a suúy jii, «Vèn yùyrí ne wír Nyùy Tàr.»

Ŋwàʼ Fəə 17:2

Wíri nèn a tàʼ melaà wùn à Mooser, à Aaron, a suúy jii, «Vèn fó ver mendzə́v, é vèr nó.» Mooser dzə́r aáwune jii, «Vèn taʼ melaà vèsən ben bìʼ ka? Vèn ghíʼ Nyùy Tàr ji wù ku yiì kinyo ji ka?»

Ŋwàʼ Fəə 16:3

a suúy aáwune jii, «Yì‑iì bòŋ ke Nyùy Tàr yúyrí ver é Ejiv fo vèr‑iì dzə́, yí kibán e nyàm, a bvəm yérí kúrí, e shaà ke vèn li ver, e wìy sho fèn, e màʼtì ji màŋgòŋ və̀n e dzə̀m kpú jíŋ.»

1 Samuel 8:7

Nyùy Tàr suúy shó jii, «Yuúrí kinyo ke áwune suuy ki. Áwune yòʼ méŋ a dzə̀ wò, á méŋ a dzə̀ mo. Áwune mèŋ ne mo fó fòn wov.

1 Samuel 8:9

Ku yuùrí kinyo ke áwune suuy ki. Yii bèy, naàrì aáwune kijuujùŋ, e yiì, aáwune kiíy kfə́ə liì wo fòn wo wù yíi a saʼ áwune yíi a ker.»

Jeremia 34:14

a wìr lò, a ker kwàn a dzə̀ wir Hibru mo wù yunen, wù lim fo wun kiyá ntuùfú, kí meé ji saàmbà, wù waà màʼtì. Wù kù kér fó wìy màʼtì, é la wù yòʼ dzə́ə a lìm a e wun sar. Yii bèy, la atàr véné yòʼ yuùrí, a bó á yòʼ fə̀m‑eè ló a gwàrìr nsər yem.

Esiker 2:3

Nyùy Tàr yòŋ e mò jii, «Wàn wìr msòŋ, m túm wò fo wír veé Israyí wùn, kitúm, a dzə̀ ké antavkìtu, á tsə́y kóy vèr áwune. Wùn aàtàr véví‑iì shòʼór nsər sém, e wìy to lán.

Nsùyrì Nyùy 78:8

é la á yòʼ dzəə wìy a dzə moo atàr vév. Vé‑eè táv kitú, tsə́y kóy wùn à Nyùy, ŋgwàʼ ye bó yì yòʼ‑oò wáy shilív e Nyùy wùn ŋkuuŋkùŋ, a bó yì yòʼ tíy e Nyùy wùn shilív shimòʼón.