1 Samuel 8:7 - ŊWÀʼ NYÙY

⁷ Nyùy Tàr suúy shó jii, «Yuúrí kinyo ke áwune suuy ki. Áwune yòʼ méŋ a dzə̀ wò, á méŋ a dzə̀ mo. Áwune mèŋ ne mo fó fòn wov.

1 Samuel 8:7 Referans Kwoze

1 Samuel 10:19

M dzə̀ Nyùy wo wù‑uù səən ven fo věn ŋgeʼ si, e sə̀ fo věn akíghàʼ. Yii bèy, a vèn mèŋ ne mo lán, a dzər ji m fó á ven fon. Á bèy, vèn báʼtí ri, e tìím e Nyùy Tǎr si, e ram sí ram sí, e tìím aàkáŋ aàkáŋ.› »

Ŋwàʼ Luk 19:27

Á bèy lèn, fo aŋgaà vém vibàn ve vé‑eè tén fo m wáa saʼ áwune, vèn wiy shó lèn, e yùyrí e mǒ si.› »

Ŋwàʼ Luk 10:16

Jesus lòo màysì, e sùúy e vé ntum vìyi jii, «Wìr wo wù yuúri kinyo kén, ŋgaàŋ yuúri a dzə̀ kém. Wìr wáa káy ven, bo ŋgaàŋ káy a dzə̀ mo. A wìr káy mo, bo wù káy a dzə̀ ŋgaà wo wù tumen mo.»

Ŋwàʼ Fəə 16:8

Mooser wáa dzə̀sì, a suúy jii, «Nyùy Tàr yù ne mo vèn ghvəvrì wun. Wù yíi fo ven nyám e ŋkuùr, e kfə̀n fo kibán kijàvndzə, é vèn yí, é ví gháʼ. Vèn ghvəvrì a dzə̀ wun, vèn yòʼ ghvəvrì ver. Vèr yòʼ siì dzə̀ kér ji ala?»

Ŋwàʼ Luk 19:14

«Wù nèn lò, a wír vee wùn wòŋe‑eè ban wun e ŋàŋ, á nèn sìíy, e tsə̀nsí aŋgàa ntum fo bàm jii, bó á yòʼ koŋ a ji wìr və̀n wáa saʼ áwune.

Matio 10:40

«A wìr səə́si ven, bo ŋgaàŋ səə́si a dzə̀ mo. Wìr səə́sí mo, bo wù səə̀sí a dzə̀ Tàr wor wo wù tumen mo.

Joon 13:16

Vèn wáa kiíy rúrú jii, bó wan lìm yòʼ dzə̀ wù shaà tàr wov lìm. A bó yòʼ dzə̀ wír wo á tumen túmén shaà sá wír wo wù tumen wun.

Aysaya 66:4

Bìʼ bey, mo woo Nyùy Tàr yíi màʼ ŋgeʼ aáwuné kitu, e yiì, é kinyo ke áwune fan fànèn kí wáa dzə kíwun ke kí lo, e koóy áwune. M yíi màʼ ŋgeʼ aáwuné kitu, bìʼ fo mò‑oò jàŋèn áwune, á tén fóo ghay, a suŋnín aáwune, á tén fóo yuurí. Áwune ló fó fo, a bùʼtì a dzə̀ vinyo e mǒ si, a dù duùn fó mbìy, e kù toòmé a dzə̀ kinyo ke kisaŋ ki, liì, aá kì ji wù tínsin a mo.»

Kintaŋ 22:20

Nyùy Tàr yiì wìy vitsə́ʼə́, e sùúy sho jii, «A wír vìne wìy ji á taʼ wò, à lò, é vèn áwune wáa dù. Dzə̀ cáʼ ji à ku yiì kinyo, a dzə̀ ke m yíi a yòŋ e wò.»

Atǎr Nsaʼ 8:23

Gidiyon nèn bìnèr aáwune jii, «M yòʼ wíy a saʼ ven, a bó wón vémé yòʼ wíy a saʼ sa. Kù yíi a saʼ Nyùy Tàr ven.»

1 Samuel 8:8

Kèʼ mo mò‑oò fəərin áwune fó Ejiv, e wìy shem lán, áwune lo, á màʼtì mo, a ghvəm anyùy ámóʼó. Kù dzə̀ kinyo kíwun ke á lo a yiì sa e wò.

1 Samuel 8:22

Nyùy Tàr suúy e Samuel jii, «Biímé kinyo ke áwune suuy ki, e fò áwune fon.» Samuel nèn sùúy ji wìr dzə̀m woó Isray wáa kfən a e wun laʼ, a yuurí.

1 Samuel 12:1

Samuel suúy e wír veé Isray adzə̀me jii, «M yiì ne kinyo kidzə̀m e věn jì réŋréŋ mo vèn‑ee yòŋèn, e kòʼór fon wo wù wáa saʼ ven.

1 Samuel 12:12

Yii bèy, e ghan se vèn‑eè yenen ji Nahash woo fon woó Ammon waà sí nəə a ven e rə́r sí, vèn nèn mèŋ Nyùy Tàr woo Nyùy won fo věn fòn, e nèn a suúy e mò jii, ‹Vèr taʼ fon wo wù wáa saʼ ver.›

Jeremia 34:14

a wìr lò, a ker kwàn a dzə̀ wir Hibru mo wù yunen, wù lim fo wun kiyá ntuùfú, kí meé ji saàmbà, wù waà màʼtì. Wù kù kér fó wìy màʼtì, é la wù yòʼ dzə́ə a lìm a e wun sar. Yii bèy, la atàr véné yòʼ yuùrí, a bó á yòʼ fə̀m‑eè ló a gwàrìr nsər yem.

Esiker 2:3

Nyùy Tàr yòŋ e mò jii, «Wàn wìr msòŋ, m túm wò fo wír veé Israyí wùn, kitúm, a dzə̀ ké antavkìtu, á tsə́y kóy vèr áwune. Wùn aàtàr véví‑iì shòʼór nsər sém, e wìy to lán.

Esiker 3:7

Yii bèy, bó wír veé Israyi yòʼ yíi yu kinyo ke à suuyì, bìʼ fo áwune yòʼ koŋ, e yu kinyo ke m yoŋè. Wír veé Isray adzə̀me tàv ne kitú ŋkóŋkóŋ, e lùr.