1 Samuel 8:6 - ŊWÀʼ NYÙY

⁶ Mo áwune yòŋèn ji Samuel fó á áwune fon wo wù wáa saʼ áwune, kí nyár Samuel, wù wáa bùnrì, a bi Nyùy Tàr.

1 Samuel 8:6 Referans Kwoze

1 Samuel 15:11

«M kér mendzən ji mò‑oò kòʼór á Saul ji fon. Wù bìn ne ndzə̀m e mò, e làa yòʼ dzə́ə a jùmrì kinyo kém.» Samuel yú kinyo kìn, kí bír wun, wù tóŋ e Nyùy Tàr vitsə́ʼ vifur.

Jeem 1:5

Wìr méŋ mo dzə̀ wù yiì, wù kù a lon a dzə̀ fo Nyùy, é wù naari mo dzə̀ wù ghàn. A dzə̀ mo wù kù yii kér shilív sə́ tèéter, naarì wir dzə̀m, e làa yòʼ a saʼ wír wo wù dzə́r dzə́ə.

1 Samuel 12:17

Bó lèn yòʼ dzə̀ lùm à? Yii bèy, m lo, e bùnrì Nyùy Tàr é wù tsə́nsí wuú wùn à kishèv ki, é vèn nèn kìíy ji dzə̀ á kinyo ke biibí kí féyì ke vèn yiìn e Nyùy Tàr e tàʼ fon.»

Nsùyrì Nyùy 109:4

M koŋ áwune, bunrì fo áwune, aá kù tóy vinyo tóyín e mǒ bàm.

Kintaŋ 16:46

Mooser suúy e Aaron jii, «Lì kikáŋ ké ki, e lì və́yí fó kiy cù, e wày shó, e neèr kiláy shó, e dù sho cér fo màŋgòŋ dzəə̀n, e *kfə̀mrí áwune, bìʼ fo dòʼshwiiy Nyùy Tàr koʼon ne, a kifə̀ʼ ki sì e wírí mvəm.»

Kintaŋ 16:22

Yii bèy, Mooser wùn Aaron gbù, e tsə̀m sí fo nsay, a toŋ jii, «Éè Nyùy, dzə̀ wò Nyùy wo wù fó kiyoy e wìr msòŋ e dzə̀m, a dzə̀ wìr mòʼón jày kinyo, à shwìíy kilòŋ e màŋgòŋ dzə̀m à?»

Kintaŋ 16:15

Mooser yú, a shwiíy kilòŋ é ŋàŋ, e sùúy e Nyùy Tàr jii, «Lá à yòʼ səə̀sí cu yév. M yòʼ‑oò ló a nə̀ʼsì wír fo áwune. A fə̀m dzə̀ kimbèʼbìy ké wìr, bo bó m yoʼ faàsì.»

Ŋwàʼ Fəə 32:32

Ku làysìn jay wov. Aà dzə̀ làa yòʼ làysìn, à fə̀ə́r yír yém fo wò ŋwàʼ wo à saŋen yír sé wìr vé sho.»

Ŋwàʼ Fəə 32:21

Mooser dzə́r e Aaron jii, «Wír vìne kì yèe le e wò, é bo à yii, aáwune jáy kfə́ə jay və̀n?»

Filipi 4:6

Lá vèn yòʼ a yaŋyáŋ bìʼ kinyo kímóʼ kí gheéy. Vèn kú a bùnrì a dzə̀ Nyùy, a neèr vinyo ve ví gháʼ ven ví e wùn si. Lóo bùnrì, á wàa beèrì sa wun fo vinyò ve wù rə́si yii e vèn.

1 Samuel 7:5

Samuel nèn sùúy jii, «Wír veé Isray adzə̀m, vèn báʼtí é Mispa, é m bunri Nyùy Tàr e fò e vèn.»

1 Samuel 10:19

M dzə̀ Nyùy wo wù‑uù səən ven fo věn ŋgeʼ si, e sə̀ fo věn akíghàʼ. Yii bèy, a vèn mèŋ ne mo lán, a dzər ji m fó á ven fon. Á bèy, vèn báʼtí ri, e tìím e Nyùy Tǎr si, e ram sí ram sí, e tìím aàkáŋ aàkáŋ.› »

1 Samuel 12:12

Yii bèy, e ghan se vèn‑eè yenen ji Nahash woo fon woó Ammon waà sí nəə a ven e rə́r sí, vèn nèn mèŋ Nyùy Tàr woo Nyùy won fo věn fòn, e nèn a suúy e mò jii, ‹Vèr taʼ fon wo wù wáa saʼ ver.›

Hosea 13:10

Ké lèn ki, fòn won bèé, é wù sə́ ven? Atǎr saʼ vee věn ŋkà se laʼa bèé lèn? Áwune ve vèn‑eè lonen ji m ku fò ven afon wùn à vé saʼa.

1 Samuel 12:19

Á nèn a suúy e Samuel jii, «Bùnrì Nyùy Tàr woo Nyùy wò fo aŋgàa lìm vée, fo á kpúkír. Vèr kfə̀n yiì ne kinyo ke bi kí mó a tàʼ fon, e tatí vímóʼ ví ve vèr‑iì sí yii.»

1 Samuel 12:23

Fo kém kí, Nyùy wáa teér mo fo m jáy e wun, e làa yòʼ a bùnrì fo vèn. M kù wíy a dùŋrì ven dzə́ə ye juŋ wùn à yee tìítiy.