1 Samuel 8:5 - ŊWÀʼ NYÙY

⁵ e sùúy sho jii, «À dzə̀n ne, a bó wón vée yòʼ jumrì liì wò. Fó ri ver fon wo wù wáa saʼ ver réŋréŋ mo vitúm vidzə̀m vi kér afon ve á sáʼ áwune.»

1 Samuel 8:5 Referans Kwoze

Lim Aŋgàa Ntum 13:21

Áwune wìy lò, a lon fon, Nyùy nèn fò Saul woo wan Kish, a dzə̀ rám Benjamin. Wù sáʼ vifon kiyá mkweè,

1 Samuel 12:17

Bó lèn yòʼ dzə̀ lùm à? Yii bèy, m lo, e bùnrì Nyùy Tàr é wù tsə́nsí wuú wùn à kishèv ki, é vèn nèn kìíy ji dzə̀ á kinyo ke biibí kí féyì ke vèn yiìn e Nyùy Tàr e tàʼ fon.»

Kintaŋ 23:9

M dzə́ e kitu ke virùmèn, yén áwune, dzə́ aàgwan, leey áwune. M yén wíri, aá dzə́ kév áwune áwune, wíri, aá bár vitú vév jeéy fo vitúm vímóʼ ví.

1 Samuel 9:20

Kee kùm vimbèʼbìy ve ví‑ii làyìn é bǎm vishiíy vitaár, lá vèn yòʼ dzə́ə a fàn, bìʼ fó vé‑ee yenen ne. Wìr wo wír veé Israyi kér shií shó lán dzə̀ la, bánlà wò, vèn à kfə́ə tàr woné?»

1 Samuel 12:2

Vèn sí kér wun lèn ji kilìmbìy kén. M dzə̀n ne kém, e fə̀r fə́rín, a wón vémé dzə̀kìr fen vèn áwune. Mò‑oò dzə̀ kilìmbìy kén, e kèʼ fo meterí, e wìy shem lán.

1 Samuel 12:13

«Á bèy lèn, fòn wo vèn shoʼon və̀ne. Vèn‑eè dzə̀r fon, a Nyùy Tàr fò ne e vèn.

Atǎr Nsaʼ 8:22

Wír veé Israyi nèn yiì lò, e yòŋ e Gidiyon jii, «À kù wíy a saʼ ver, é rám yée ku wìy a saʼ sa fo bàm, bìʼ fo à fəərin ver fo wír veé Midiané wo.»

1 Samuel 10:19

M dzə̀ Nyùy wo wù‑uù səən ven fo věn ŋgeʼ si, e sə̀ fo věn akíghàʼ. Yii bèy, a vèn mèŋ ne mo lán, a dzər ji m fó á ven fon. Á bèy, vèn báʼtí ri, e tìím e Nyùy Tǎr si, e ram sí ram sí, e tìím aàkáŋ aàkáŋ.› »