1 Samuel 8:3 - ŊWÀʼ NYÙY

³ Bó áwune yòʼ‑oò ló a jùmrì liì tàr wov. Vé‑eè koŋ a dzə̀ yíkísáŋ, sə́ kòyàr, nèn shwiv nsaʼ si.

1 Samuel 8:3 Referans Kwoze

Remrí 16:19

Lá áwune yòʼ wìy tìnén nsaʼ e kiloʼ ki. Lá á yòʼ wìy a sə kòyàr, bìʼ fo kí yíi yiì, é wìr tínén nsaʼ kintéŋ, a ŋgaàŋ fə̀m dzə̀ fií, kìn wír wo wù lo, wù yiì kinyo tìítiy.

1 Timoti 6:10

Kfə́ə se vinyò ve bi ví sidzə̀m si kù ghán a dzə̀ é bǎm mbàm se wìr wáy vifií shó. Kù dzə̀ mo wír ámóʼó màʼàyìn ne kinyo ke Nyùy ke dzəə̀n ke ru kí, e nə̀ə́ e mvə̀m vinyò vinín, a rəsí, a rə̀m ntéŋ, a dzə̀ bìʼ shií wo á kér e mbàm.

Nsùyrì Nyùy 15:5

Dzə̀ wír wo wù foor wíri mbàm, e làa yòʼ a dzər visókì, a bó wù yòʼ sə́ kòyàr fo wìr ji wun tiím vinjen ve kisaŋ vi. Wìr wo wù kér liì woo ben, kinyo ki yòʼ wíy sə̀ʼ wun.

Ŋwàʼ Fəə 23:8

Lá wìr yòʼ sə̀ kòyàr, bìʼ fo wù yíi yiì, é wìr wo wù sí yén virə́ʼ kfə́n ji mfìr, aá shwiv nsaʼ wìr woo là jay.

Ŋwàʼ Fəə 18:21

Kiiyì, áà nèn nə̀ə́ e wìr dzə̀m mvəm, e shòʼtí wír vee jwáʼ ve á fan Nyùy, suuy suuyrú, kfə̀n ban yíkísáŋ, e lèm, aá wáa dzə vilìmbìy ve wíri. À shóʼti, áà javti é viliŋ viliŋ, é kilìmbìy kimòʼón kimòʼón fo kiliŋ kímóʼ kí wáa saʼ wír nsə̀kì nsə̀kì, é veé kiliŋ kímóʼ kí wáa saʼ wír wií wií, é vee kímóʼ kí wáa saʼ wír mtàn mtàn, é vee kímóʼ kí wáa saʼ wír e ghvə̀m ghvə̀m.

1 Timoti 3:3

Bó yòʼ dzə̀ wàa dzə wír wo wù nó meluʼ e ŋàŋ, a bó yòʼ dzə̀ wàa dzə wo wù wámri wíri. Kù kér fó a dzə wir kiman, e làa yòʼ a taŋnín, é la yòʼ a dzə sa wír wo wù kér shií é mbàm.

Aysaya 33:15

Kù dzə̀ kfə́ə wìr wo wù yúnin Nyùy, ghán e wun mbòv, suuy kinyo a dzə̀ ke ru kí. Wír, a wù ŋwáy seʼ mbóʼmé ŋwayín, tén fó a sə kòyàr. Ŋgaàŋ yòʼ kóŋ yu kinyo kee ji á yúyrí wír, kù fə́ti wó rə́ fətín fó kinyò ke bi kí.

2 Samuel 15:4

Wù lo, wù kfə̀n a suúy jii, ‹Á kì yèe fóo lèm a dzə̀ mo ji m wáa tinén nsaʼ si é wòŋàn, bo a wìr wìy e nsaʼ, e yèn mo shó, m kù tìnén kijuŋ, e fò e wun.› »

Ŋgaà Tàrvìnyò 2:19

Dzə̀ kìíy la mo wù wíy a dzə? Kìn wù wíy a dzə fií, kìn kiyúŋ. Kù sí wìy yòv wun kéŋ yém ye mò‑oò wayin vifií, e gìsín, e kèŋ é nsay fèn. Kin ki kù dzə̀ sá lím kisaŋe.

Nsùyrì Nyùy 26:10

wír ve á ŋeʼrì gheéy, wáy wó e vinyò ve bi ví, kù ramsì a dzə̀ kiwó, sə́ kòyàr.

Ŋwàʼ Fəə 23:6

«Ŋgaà kitàn lóo tiy e kibàʼ ke nsaʼ, vèn wàa yen fó shwìv nsaʼ rə.

1 Samuel 2:35

A m wíy yiì kee ji yiì a mo, é taà cù woo jwáʼ wáa dzə wo wù wíy a yiì kinyo kidzə̀m ke m koŋè. M wíy səə̀vì wun, é rám rəə́ wìy a lìm ji atàá cù fòn wo m wíy koʼór, e yoʼ.

1 Samuel 12:2

Vèn sí kér wun lèn ji kilìmbìy kén. M dzə̀n ne kém, e fə̀r fə́rín, a wón vémé dzə̀kìr fen vèn áwune. Mò‑oò dzə̀ kilìmbìy kén, e kèʼ fo meterí, e wìy shem lán.

Aysaya 1:23

Atǎr wòŋ véné tsə́y kóy wùn à Nyùy, kfə̀n suúsin wùn aàshóŋé. Áwune adzə̀me kù diy a dzə̀ kòyàr, leey ji wìr bvə́n kiwó aáwune. Bó á yòʼ fə̀m kiŋsìn gháy wón tsə̀, a bó á yòʼ bin nsaʼ, fó e wiíy ŋkfə.

Mayka 3:11

Atǎr saʼ vee fóo kù sə́ a dzə̀ kòyàr, e bó a saʼ, aàtàá cùu sə́ mbvə́nkíwó, e bó a toʼtí nsər se Nyùy, aàŋgàa ntum Nyùyi kù maʼ sa kiwó, e bó a tiisí vinyo ve ví yíi a koóy. Áwune sə́ bèy, dzəv nsaŋ, suuy jii, «Nyùy Tàr dzə̀ vèr áwune, a dzə̀ sə̀ʼ ka ver.»