1 Samuel 7:9 - ŊWÀʼ NYÙY

⁹ Samuel lì wan njiì wo wù‑uù dzəə́ nyóŋ vín, e tòn e dzə̀m, e cù Nyùy Tàr shó ji cu ye tonèné. Wù wáa toŋ, a kàn Nyùy Tàr bìʼ wír veé Isray, Nyùy Tàr yú tóŋ rə́.

1 Samuel 7:9 Referans Kwoze

Jeremia 15:1

Nyùy Tàr nèn yòŋ e mò jii, «A fə̀m wìy Mooser wùn Samuel, a tiy e mǒ si, a lon, bo bó yòʼ dzə̀ m kùvsín kwaʼtì yém, e lèéy wír vìn. Jùm áwune fo mǒ si, aá dukir.

Nsùyrì Nyùy 99:6

Mooser wùn Aaron‑eè dzə̀ wír fo atàá cù vəə́ mvəm, Samuel wáa dzə sa wír fo ve vé‑eè li kilíŋ ke wíri, bunrì. Áwune‑eè tòŋ e Nyùy, wù yú tóŋ yév.

Nsùyrì Nyùy 50:15

Vèn wáa toŋ rì e mò é ghan sé ŋgeʼ, é m wìy fə̀ə́r ven fó fo, é vèn wáa burí mo.

1 Samuel 7:17

Wù maysì, wù nèn a kfən e Rama fo láʼ rəə́‑əə̀ dzəə̀n, a dzə fo, a tinén nsaʼ se wìr veé Isray. Wù‑uù bòm *kíy cù Nyùy Tàr fó.

Jeem 5:16

M nén a tir ven jii, wìr jáy kinyo e wìr, wù tuùné kitú kfə́ e ŋgaàŋ, é wìr kfə́n a lon ji Nyùy sə́ wùmòʼ woo wír. Vèn lóo yiì bèy, é Nyùy nèn a fèr ayàsí vén. Vèn wáa kiíy jii, a wìr tíy réŋ wùn Nyùy, e kàn wun e kinyò, Nyùy kù yiì kinyo ke tavín kí.

1 Samuel 16:2

Samuel dzə́r jii, «M yíi ghan e le? A kinyo kìn ki tò e Saul kitùʼùr, bo wù yùyrí ne mo.» Nyùy Tàr nèn sùúy e wun jii, «Lì wan nàʼ, a dù sho, du, à sùúy ji à wìy a fóo cù Nyùy Tàr.

1 Samuel 10:8

Á bèy, áà nèn a səy fo mǒ mbìy e Gilgal. M yíi wìy, e yen wò fo, e yiì cu ye tonèné wùn à cu kikòŋnìne. À yíi dzə̀ʼə̀m fo kishiíy saàmbà, é bo m wiy, e naàrì wò kinyo ke à wáa yiì.»

1 Samuel 9:12

Áwune bìnèr jii, «Wù du e věn mbìy fèy. Vèn shúr wúné, wù kì wiy e mvə̀mlaʼ lán, bìʼ fo wíri kér cu e kirə̀ʼ ké cù.

Atǎr Nsaʼ 6:28

Wír veé ŋkàlaʼa bvəə́shí, e ŋàʼáy e yuv kijàvndzə kee shooy, e yèn, aá kétí ne kíy cù Baal, e kfə̀n gwàtì wúr nyùy woo Ashera wo wú‑uù tíy e ghaŋ wo, jòkìnyàʼ, aá kfə́n ne lì mbòŋ woo kiyá saàmbà və̀y, e yiì cu sho e kiy cù wo vé‑eè bomen.

Atǎr Nsaʼ 6:26

À ketì, à bòm kíy cù Nyùy Tàr woo Nyùy won é kitu ke kilan foo fèy mo wú kì kér fó a dzə. Bómé, à nèn bàʼtí vimbéʼ ve wúr Ashera, e tòn e kiy cù, e nèn lì lúm nyàm woo kiyá saàmbà və̀y, e neèr e kitu ke və̀y fóo fèy, e tòn ji cu ye tonèné.»

Cù 22:27

«Nyàm dzəə wán, kìn dzə̀ nàʼ, kìn dzə̀ njiì, kìn dzə̀ bvəy loŋ, bo wàn dzəʼtì kishiíy saàmbà wùn à kiyìy kí. Wàn mee kishiíy waamé, bo dzə̀ á lì lèn, e cù Nyùy Tàr shó ji cu ye və́yí bin fo fo.

Remrí 9:26

M nèn bùnrì, e tòŋ e Nyùy Tàr jii, ‹Éè Nyùy Tàr woo Taà Ndzə, lá à yòʼ laàr wír ve dzəə̀n ji vé feyì, wír, a wò‑oò tìn fó vikwàn e vitaáví vé ve wiy ví. Dzə̀ wír ve wò‑oò fəərin fó wòŋ Ejiv e kóy wó wo tavíné.

1 Samuel 2:35

A m wíy yiì kee ji yiì a mo, é taà cù woo jwáʼ wáa dzə wo wù wíy a yiì kinyo kidzə̀m ke m koŋè. M wíy səə̀vì wun, é rám rəə́ wìy a lìm ji atàá cù fòn wo m wíy koʼór, e yoʼ.

1 Samuel 12:17

Bó lèn yòʼ dzə̀ lùm à? Yii bèy, m lo, e bùnrì Nyùy Tàr é wù tsə́nsí wuú wùn à kishèv ki, é vèn nèn kìíy ji dzə̀ á kinyo ke biibí kí féyì ke vèn yiìn e Nyùy Tàr e tàʼ fon.»