1 Samuel 7:6 - ŊWÀʼ NYÙY

⁶ Áwune ku nèn a baʼtí e Mispa. Á báʼtí, e tù mendzə́v, e cuùrì ji cu Nyùy Tàr, e lèm jíŋ kishiíy kifur. Áwune wáa tunrí ajay vév, a suúy jii, «Vèr jày ne e Nyùy Tàr.» Nén a dzə e Mispa fèy fo Samuel‑iì fəəsin ji tàr nsaʼ wìr veé Isray.

1 Samuel 7:6 Referans Kwoze

2 Samuel 14:14

Wìr dzə̀m waà wíy kpu. Vèr áwune kù dzə̀ á moo mendzə́v me a mè səə̀rìn, la á yòʼ dzəə koò kifá. Yii bèy, bó Nyùy yòʼ kù dzə̀ ji wun wáa yiì, é wìr wáa kpu. Wù yii lo, wù dìn dzə́ə ye dzə̀ wìr woó kwaʼ nsàm shaà shó, e wìy, e yèn wun.

1 Samuel 1:15

Hanna bìnèr jii, «Àáy taàtá wòm, m dzə̀ wiíy, a m dzə̀ é mvə̀m nyar. M yoʼ nò meluʼ, fə̀m à mené mè. M kì bunrì, neer ŋgeʼ sém e Nyùy Tǎr si.

Atǎr Nsaʼ 10:10

Wír veé Israyi nèn a toŋ e Nyùy Tàr, a suúy jii, «Vèr jày ne e wò, bìʼ fo vèr meŋen ne wò, a ghvəm a dzə̀ mebvə̀m mee nyùy woo Baal.»

Joel 2:12

Yii bèy, Nyùy Tàr kù dzəə́ kér shíi won. Wù suuy e vèn jii: «Vèn kfə́n é bàm e mǒ wùn shilív shén shidzə̀m, a lèm jíŋ, a toŋ, a dìy.»

Jeremia 9:1

Wìr ku lì ji kitú kém kí kì dzə̀ ntoò ndzə̀v, a sí yémé dzə̀ dàn mensiy, bo m kì diy e shùy, diy vitsə́ʼə́, bìʼ wír vér ve á yuyrin.

Nsùyrì Nyùy 106:6

Vèr jày ne, kù mo atàr vérí‑iì jáyí. Vèr kù‑uù táv a dzə̀ kitú, buʼtì vinyo ve bi ví.

Nsùyrì Nyùy 62:8

Éè wìr vem, vèn tiír vifií ví a dzə̀ e wun wùn ghán sidzə̀m. Vèn neer akíghàʼ véné adzə̀m a dzə̀ e wun si. Kù dzə̀ Nyùy kikfə́vsì kesən.

Ŋwàʼ Luk 15:18

Mo‑óò wáa dù, e yèn tàr wor, e sùúy sho jii, tàr, mò‑oò jày ne, e yiì kinyo ke bi kí e Nyùy, e kfə̀n yiì sa e wò,

Nsùyrì Nyùy 119:136

M sə́ʼər mensíy e ŋàŋ, bìʼ fo wíri ŋwáy Nsər yè.

1 Afòn 8:47

aáwune dù e wòŋ foo fèy, e màʼtì jay wov, e bìnèr melív mev, a toŋ e wò, a suúy jii, ‹Vèr jày ne, vèr yiì ne yii ye bií,›

Esiker 20:4

«Wàn wìr msòŋ, mo wò‑óò sov kinyo kév á? Wò‑óò wáa sòv a? Kuúmé ri jooně atàr véví aáwune,

Yòvdìy 3:49

Sí yémé kù wíy a dìy, là meemè, é mensíy mè kú a dàn dànèn fó fo,

Yòvdìy 2:11

M tòŋ ne bèn, síi kóʼkír fo mǒ kitu, a bàŋ. M sì a dzə̀ é mvə̀m nyar. Tímé kpù ne fo mǒ bvə̀m, a dzə̀ bìʼ aŋgàa vibàn ve á laàrìn ne wír vém veé Jerusalem. Wón ve á kàŋkìn ne wùn à ve terií sí toóŋe jíŋ, ghán ghanén é shuù se dzəə seé ŋkàlaʼ.

Jeremia 31:19

Vèr‑iì bìn ndzə̀m e wò, lèn wáa dzə, a vèr sí rəm ntéŋ. Mo à yiìn, vèr kiíy jay wor, vèr nén a dzə e nsòvkìtu, a ker woómé wùn à dzə̀rkìtu, bìʼ ajay ve vèr‑iì yii, aá dzəə́ kúy kuyín.› »

Nsùyrì Nyùy 42:3

Viyíkìr vém ví kù jòʼsì ne mensíy. M kù diy dìyìn e shùy, diy vitsə́ʼə́, a wíri kù jaʼ mo ghán sidzə̀m jii, «Nyùy wò tèn fóo sə wò bìʼ ka?»

Nsùyrì Nyùy 6:6

M dìy ne, e dòr é mvə̀m ŋgeʼ. M kù su kikún kém súun e mensíy mè vitsə́ʼ vidzə̀m. M dìy ne e ŋàŋ, mbuùy yem wáa rə̀ ji shàm.

Ŋwàʼ Jov 42:6

M kù sí kér a dzə̀ dzə̀rkìtu bìʼ vinyo ve mò‑oò fəərin fó shuù. M fə̀tí ne wó yém fó fo, a ser a dzə̀ é kibvə̀r, kìn é kibvə.»

Ŋwàʼ Jov 40:4

‹Nyaa mò, m koó e gha? A dzə̀ m sùúy kém ji ka? M kù tsə̀m ne a dzə̀ kiwó e shuù.

Ŋwàʼ Jov 33:27

Á bèy, ŋgaàŋ yíi lòo leéy wíri, é wù wáa tunrí jii, ‹Mò‑oò jày ne, e jwìvrì kinyo kee tìítiy, a bó Nyùy yòʼ‑oò lo màʼ ŋgeʼ e mǒ kitu mo jay wom dzəə̀n.

Ŋwàʼ Jov 16:20

Ŋkar sém sí jaʼ mo, a m kù tóŋ, kan a dzə̀ Nyùy ji wù sə́ á mo.

Nehemia 9:27

À nèn wày áwune áàŋgaà vév vibàné wo, á wáa nə̀ʼsì. Áwune yú ntéŋ, a toŋ, a kàn wò, à yú tóŋ yév é yuv bìʼ shammèndzə̀n wò wo ghaʼán, e tsə̀nsí vé səə, á sə́ áwune fo aŋgaà vév vibàné wo.

2 Wòŋ 20:3

Fòn Jehoshafat yú kinyo kìy, wúné beémé wun, wù wáy ji wun‑éè bee á Nyùy Tàr shó. Wù nèn fò sáʼ ji á lem á jíŋ woŋ Juda e dzə̀m.

Atǎr Nsaʼ 3:10

Kiyoy ke Nyùy Tàr kí wìy fo wun, e tàvír wun ji wù wáa dzə tàr nsaʼ wìr veé Isray. Nyùy Tàr yiì, wù fəə́ rə́r, e tòn Fòn Kushan‑Rishatayim woo fon woó Mesopotamia.

Cù 26:40

«Yii bèy, aáwune fen tuùné vinyo vév ve bi ví, à vé atàr véví, atàr vév ve vé‑eè ŋwayin mensaŋ mem, e mèŋ mo,

Kèʼlo 31:49

Á kinyo ke á yoŋ fó ji Galeed bèy. Laban kfən sùúy jii, «Mo wòsò sí javsìnè, Nyùy kù yíi a sàyrì kinyo ke à yii, e kfə̀n a sàyrì sa ke m yii.» Á nen kfə̀n yòŋ sa kirə́ʼ kee shooy ji Mispa.

Cù 16:29

«Nsər ye yì kù wíy a tiy ghán sidzə̀m nén a dzə jii, wíy lòo dzə e kishiíy ke kí meen ji ghvə̀m fo ŋwee wo wú meen ji saàmbà, é vèn nəʼsi vitú vén, e lèm kishiíy kee shooy ji ké bam, kìn dzə̀ ven vee wón nsay, kìn viŋgwìy ve ví dzə́ e věn mvəm.

1 Samuel 7:15

Samuel kú a saʼ ji tàr nsaʼ wìr veé Isray, e dù, e meé mo kpúu‑uù liìn wun.

Jeremia 36:9

A kí dzə̀ jii, yì‑iì dzə̀ é ŋwee wo wú‑uù meen ji bvə̀ʼə̀ fo kiya ke kí meen ji tàn, mo Jehoyiakim woo wan Fòn Josia woó Juda‑aà yiin vifon, wìr dzə̀m wo wù‑uù dzəə̀n é Jerusalem wùn à woo lò fó ntèʼ seé Juda sidzə̀m shóʼ kishiíy ji wìr dzə̀m lem á jíŋ, e bàʼtí e lav cù.

Joshua 18:26

Mispe, Kefira, Mosa,

Atǎr Nsaʼ 2:4

Mo nshìylav Nyùy Tàr suuyin vinyo vìn e wír veé Israyi, e màysì, áwune fúŋ tóŋ.

Atǎr Nsaʼ 10:15

Wír veé Israyi bìnèr e Nyùy Tàr jii, «Vèr yiì ne kinyo ke bi kí e wò. Yiì kinyo ke kí gheenen wò ki e vèr. Ke vèr lón wò lán cáʼ ki dzə̀ ji à ku bòyìr a ver.»

Atǎr Nsaʼ 20:23

Áwune báʼtí bey, e nèn kòʼ e Nyùy Tǎr kirə̀ʼ ké cù, a dìy e wun si kishiíy kifur, a lon ji wù ku tìr áwune á ji a sà dzə̀ áwune kfə̀n dù, e ghìʼ afə́r vév vee wír veé Benjamin e rə́r sí á? Nyùy Tàr bìnèr jii, «Áwune wàá ku dù.»

Atǎr Nsaʼ 20:26

Wìr dzə̀m woó Isray nèn kfə̀n kòʼ e Nyùy Tǎr kirə̀ʼ ké cù e Betel, a dìy e wun si, e dìy bèy, e lèm jíŋ kishiíy kifur. Á lèm bèy, e cù Nyùy Tàr e cu ye tonèné, à yé kikòŋnìne.

1 Samuel 10:17

Samuel nèn lò, e jàŋrì wíri, á báʼtí e Nyùy Tǎr si e Mispa,

1 Samuel 12:10

Á wáa toŋ e Nyùy Tàr, a suúy jii, ‹Vèr jày ne, bìʼ fo vèr meŋen ne Nyùy Tàr, a ghvəm a dzə̀ mebvə̀m me *Baal, à mee *Ashtoret. Lèn, ku sə̀ ver fo aŋgàa vibàn vérí wo, é vèr yiì a cù a dzə̀ wò.›

1 Wòŋ 11:18

Á bèy, antav vee ataár vìyi nèn dù, e tòʼnín kiláʼáy ké wìr veé Filistia e vitaáví ví, e tù mendzə́v fó ndzəv ye tuŋén rəy, e wìy sho, e fò e Fòn Davir. Yii bèy, la wù yòʼ fə̀m nò. Wù cuùrì fo nsay ji wun cu a Nyùy Tàr shó,

Ŋwàʼ Jov 3:24

«Shwéme kù sì vém vee viyíkìr, a m kónsi moo ndzə́v.

Yòvdìy 5:16

Nsiì wo vèr‑iì bínsi lày ne, lòné shóv ver, bìʼ ajay vér.

Hosea 5:1

Nyùy Tàr kú a suŋnín, a suúy jii: «Ven vee atàá cù, vèn yuúrí. Éè vilìmbìy veé Isray, vèn yuúrí. Ven vee wón ntoʼ, vèn yuúrí kinyo kìn ki. Vèn kì yíi a tinén vinyo e nsànloŋ, mo vèn yàrìn, bo nsaʼ sí lo, e bìnkìr e věn kitu. Vèn cu anyùy e Mispa, cu e Gwan Tabor, a sì kitám ke wíri li sho, lálán, wo á ndzə́v sho.