1 Samuel 7:5 - ŊWÀʼ NYÙY

⁵ Samuel nèn sùúy jii, «Wír veé Isray adzə̀m, vèn báʼtí é Mispa, é m bunri Nyùy Tàr e fò e vèn.»

1 Samuel 7:5 Referans Kwoze

Atǎr Nsaʼ 20:1

Wír veé Israyi ku nèn fəə̀ wir dzə̀m, e kèʼ fo Dan, e dù, e mèé e Beersheba, à fó nsay Gilead, e bàʼtí e Nyùy Tǎr si e Mispa ji kitú kimòʼón.

Joel 2:16

Vèn báʼtí wíri, e *kfə̀mrí, ye dzə̀ á wàa koʼtí e mǒ si. Vèn báʼtí ŋgày sé wìr si, e bàʼtí wóné, à vé vine shó. A fə̀m dzə̀ wír, aá tátí vijín vifíy, á kù màʼtì lav vijìn, e wìy.

Nehemia 9:1

Wáa dzə e kishiíy kee nshòv sikweè e mbaà, e ŋwee wo wú meen ji saàmbà və̀n, wír veé Israyi nèn kfə̀n bàʼtí ji á wàá lem á jíŋ, aá máʼ ne ndzə̀y sé mendzə̀n, e fə̀vrì vitú e kibvər ki.

2 Afòn 25:23

Vilìmbìy ve rər vidzə̀m wùn à vé rər ve á yòʼ‑oò ló ne fò shiŋkfə́ŋe nèn lò, e yù ji fòn woó Babilon kòʼór ne a Gedalia ji taà saʼ, á nèn wìy wùn à wír véví, e tàtí Gedalia e Mispa. Vilìmbìy ve rər vin vi‑iì dzə̀ jii, Ishmael woo wan Netania, Johanan woo wan Karea, Serayia woo wan Tanhumet woó Netofa, e bóo lì Jaasania woó Maakat.

1 Samuel 12:23

Fo kém kí, Nyùy wáa teér mo fo m jáy e wun, e làa yòʼ a bùnrì fo vèn. M kù wíy a dùŋrì ven dzə́ə ye juŋ wùn à yee tìítiy.

1 Samuel 10:17

Samuel nèn lò, e jàŋrì wíri, á báʼtí e Nyùy Tǎr si e Mispa,

1 Samuel 7:16

Wù‑uù lo, wù fəə̀ kiyá kidzə̀m, a ghan, a dù e Betel, a dù e Gilgal, a dù e Mispa, a tinén nsaʼ se wìr veé Isray fo.

1 Samuel 7:12

Samuel lì tíy, e tùúy e kintìntìn ke Mispa wùn Shen. Wù‑uù shù yír kirə̀ʼ kin ji Ebeneser, shu bèy suuy jii, «E wìy meé lán, Nyùy Tàr kù sə́ ver.»

Joshua 15:38

Dilean, Mispe, Jokteel,

Kèʼlo 20:7

Siìr ri wiiy lumèn və̀y sho. Wù dzə̀ *ŋgaà ntum wom. Wù yíi bùnrì fo wò, áà wáa dzə e tin. Aà lòo dzə, e làa yòʼ siìr, à wàa kiíy ji vèn à wír vée kù waà yíi kpukír.»

Kèʼlo 31:49

Á kinyo ke á yoŋ fó ji Galeed bèy. Laban kfən sùúy jii, «Mo wòsò sí javsìnè, Nyùy kù yíi a sàyrì kinyo ke à yii, e kfə̀n a sàyrì sa ke m yii.» Á nen kfə̀n yòŋ sa kirə́ʼ kee shooy ji Mispa.

Atǎr Nsaʼ 10:17

Kú a dzə e ghan fóo fèy, wír veé Ammone báʼtí é Gilead, a taamé rə́r, wír veé Israyi nèn bàʼtí vév vé rərí é Mispa.

1 Samuel 7:4

Wír veé Israyi ku nèn tsə̀ʼ mebvə̀m me nyùy woo *Baal, à me nyùy woo Ashtoret mè, a cù a dzə̀ Nyùy Tàr.

1 Samuel 8:6

Mo áwune yòŋèn ji Samuel fó á áwune fon wo wù wáa saʼ áwune, kí nyár Samuel, wù wáa bùnrì, a bi Nyùy Tàr.

1 Samuel 12:17

Bó lèn yòʼ dzə̀ lùm à? Yii bèy, m lo, e bùnrì Nyùy Tàr é wù tsə́nsí wuú wùn à kishèv ki, é vèn nèn kìíy ji dzə̀ á kinyo ke biibí kí féyì ke vèn yiìn e Nyùy Tàr e tàʼ fon.»

Jeremia 40:6

Jeremia nèn dù e Mispa, e yèn Gedalia woo wan Ahikam, wùn áwune, à wír ve vé‑eè berin é nsay Judàa wáa dzə.

Joshua 18:26

Mispe, Kefira, Mosa,

Hosea 5:1

Nyùy Tàr kú a suŋnín, a suúy jii: «Ven vee atàá cù, vèn yuúrí. Éè vilìmbìy veé Isray, vèn yuúrí. Ven vee wón ntoʼ, vèn yuúrí kinyo kìn ki. Vèn kì yíi a tinén vinyo e nsànloŋ, mo vèn yàrìn, bo nsaʼ sí lo, e bìnkìr e věn kitu. Vèn cu anyùy e Mispa, cu e Gwan Tabor, a sì kitám ke wíri li sho, lálán, wo á ndzə́v sho.