1 Samuel 7:4 - ŊWÀʼ NYÙY

⁴ Wír veé Israyi ku nèn tsə̀ʼ mebvə̀m me nyùy woo *Baal, à me nyùy woo Ashtoret mè, a cù a dzə̀ Nyùy Tàr.

1 Samuel 7:4 Referans Kwoze

Hosea 14:8

Wír veé Isray, m yòʼ kfə̀n kér fó wìy yu kinyo kímóʼ kí ji mebvə̀m me vèn ghvə́mé. Dzə̀ mo wo m yú bunrì yén, leey fo vèn. M dzə̀ moo kicí ké dzəʼə̀y ke kí teʼ, boʼrì ghán sidzə̀m, kiŋsìn ven. Kisəəvì kén kidzə̀m ki kù lo a dzə̀ fo mò.»

Hosea 14:3

Yòʼ dzə̀ wír veé Assiriyàa bòyìr ver, a vèr yòʼ yíi a koʼ nyám se ŋkoʼ, a yòy, a tiír sho. Vèr yòʼ dzəə́ wìy yòŋ mebvə̀m ji nyùy wor, vifá, a fer ver e wó yérí. Rúrú, Nyùy Tàr, kù dzə̀ wò wo à shám mendzən me wón tsə̀.»

1 Afòn 11:33

M yíi yiì bèy, bìʼ fo Solomon wùn à wír vəə́ bìnèn ne ndzə̀m e mò, e nèn a cù a dzə̀ Ashtoret woo nyùy woo wiíy woó Sidon wùn à Kemosh woo nyùy woó Moav, à Molek woo nyùy woó Ammon. Áwune yòʼ ghán e mǒ mbòv. Áwune yòʼ dzəə́ yii kinyo ke kí wáa gheén mo, aá yòʼ dzəə́ yú sáʼ yém, a bó á yòʼ dzəə́ jumrì vinyo ve m tínen mo Davir woo tàr à Solomon‑eè jumrì.

Atǎr Nsaʼ 2:13

Áwune‑eè bìn ndzə̀m e Nyùy Tàr, e nèn a ghvəm a dzə̀ mebvə̀m mee Baal, à mee *Ashtoret mè.

Atǎr Nsaʼ 2:11

Á bèy, wír veé Israyi nèn lò, a yiì vinyo ve bi ví, a tinsín Nyùy Tàr shó. Áwune‑eè lò kév, a ghvəm mebvə̀m mee *Baal,

1 Samuel 7:3

Samuel nèn yòŋ wír veé Isray adzə̀m, e sùúy aáwune jii, «A vèn sí taʼ e kfən fo Nyùy Tàr, vèn à shilív shén shí shidzə̀m, vèn fə̀tí anyùy kisaŋe fo věn mvəm, bo taaka mebvə̀m me nyùy woo wiíy woo *Ashtoret, e fò vitú vén e Nyùy Tàr, a cù a dzə̀ wun. Vèn yii bèy, é wù nèn yiì fə̀ə́r ven fo wír veé Filistiàá wo.»

1 Samuel 7:5

Samuel nèn sùúy jii, «Wír veé Isray adzə̀m, vèn báʼtí é Mispa, é m bunri Nyùy Tàr e fò e vèn.»

1 Afòn 8:48

á wáa toŋ bèy, a kìʼ nsay rə̀n ye wò‑oò foon aàtàr véví, a kìʼ ŋkàlaʼ ye wò‑oò shoʼon, e kfə̀n a kìʼ lav ye m bàʼrìn ji á wáa cù wò sho rə̀n, aá fen kùvsín rú kwaʼtì yév e dzə̀m, à shilív shév shí shidzə̀m e wòŋ vikwàn fóo fèy,

1 Afòn 11:5

Wù‑uù ghvə́m *Ashtoret woo nyùy woo wiíy woó Sidon, kfə̀n ghvə́m *Molek woo nyùy wìr veé Ammon, a dzə̀ nyùy, a wù kòʼóy feyì.

2 Afòn 23:15

Fòn Josia‑aà kètì sá kíy cù woó Betel wùn à kirə́ʼ ké anyùy ke Jeroboam woo wan Nebat‑iì bàʼrìn fó ki. Dzə̀ wun woo Jeroboam wo wù‑uù domsì wír veé Isray, aá yii vinyo ve bi ví. Josia‑aà sàʼày kíy cù woo shooy wùn à kirə́ʼ ké anyùy ki, e tàtí, e tòn, e jò kibér ke vifa, kí kfə́n é kibvə. Wù kfən tòn sa wúr nyùy woo Ashera.