1 Samuel 7:3 - ŊWÀʼ NYÙY

³ Samuel nèn yòŋ wír veé Isray adzə̀m, e sùúy aáwune jii, «A vèn sí taʼ e kfən fo Nyùy Tàr, vèn à shilív shén shí shidzə̀m, vèn fə̀tí anyùy kisaŋe fo věn mvəm, bo taaka mebvə̀m me nyùy woo wiíy woo *Ashtoret, e fò vitú vén e Nyùy Tàr, a cù a dzə̀ wun. Vèn yii bèy, é wù nèn yiì fə̀ə́r ven fo wír veé Filistiàá wo.»

1 Samuel 7:3 Referans Kwoze

Ŋwàʼ Luk 4:8

Jesus bìnèr sho jii, «Vé‑eè sàŋ é Ŋwàʼ Nyùy jii, ‹Wìr wáa ghvəm Tàr wov Nyùy, a yu a dzə̀ fó fo.› »

Remrí 13:4

Vèn ku wìy shèm a dzə̀ e Nyùy Tàr woo Nyùy wón bàm, a ghvəm wun, a lèm nsər sə́, a yunín wun, a lìm fo wun, e kù a tàŋèn a dzə̀ é wùn wó.

Matio 4:10

Jesus wám jii, «Satan, kóʼtí fo mǒ ghaŋ. Vé‑eè sàŋ é Ŋwàʼ Nyùy jii: « ‹Wìr wáa ghvəm a dzə̀ Nyùy Tàr woo Nyùy və, a yu a dzə̀ fo wun cáʼ.› »

Remrí 6:13

Vèn wáa ghvəm Nyùy Tàr woo Nyùy won, a yu a dzə̀ fó fo, lóo yiì kilìʼ, vèn wàa kàn a dzə̀ yír rə́.

Aysaya 55:7

Wír ve á méŋ Nyùyi ku màʼtì liì wov kisaŋ, é wír ve bií maʼti kwaʼtì sév sé kisaŋ si. Áwune ku kfə̀n é bàm e Nyùy Tǎr wùn, é wù fiʼ shàm áwune. Á ku kfə̀n e Nyùy wòsə́n wùn, bìʼ fo wù yíi làysìn ajay vév, e làa yòʼ kìm wùmòʼ.

Joshua 24:14

Joshua nèn sùúy lèn jii, vèn wáa ghvəm a dzə̀ Nyùy Tàr, a cù wun rúrú, e kfə̀n a tiy tìítiy e wun kinyò. Vèn maʼti anyùy ve atàr véné‑eè cu e Mesopotamia, à ve vé‑eè cu e Ejivi. Vèn kú a cù a dzə̀ Nyùy Tàr.

Joshua 24:23

Wù suúy aáwune jii, «Vèn fəə́r ri anyùy vitum ve vèn kéríi, e wày shilív shén a dzə̀ e Nyùy Tàr woo Nyùy woó Isray wùn.»

Joon 4:24

Nyùy dzə̀ Kiyoy, a wír ve á bunrì wune kér fó a yu a dzə̀ fo Kiyoy ke Nyùy ki, e bó a bùnrì wun e dzəə yee rú.»

Remrí 10:20

Vèn wáa ghvəm Nyùy Tàr woo Nyùy won, a lìm fo wun, e kù a yeʼtí e wùn wó, lóo yiì kilìʼ, vèn wàa kàn yír rə́.

1 Afòn 8:48

á wáa toŋ bèy, a kìʼ nsay rə̀n ye wò‑oò foon aàtàr véví, a kìʼ ŋkàlaʼ ye wò‑oò shoʼon, e kfə̀n a kìʼ lav ye m bàʼrìn ji á wáa cù wò sho rə̀n, aá fen kùvsín rú kwaʼtì yév e dzə̀m, à shilív shév shí shidzə̀m e wòŋ vikwàn fóo fèy,

Matio 6:24

«Bó yòʼ dzə̀ wìr wàa lìm atàr abaà. A wù lò, a lìm bèy, bo wù yíi a bàn wùmòʼ, a kòŋ wùmòʼ, a yu kinyo ke wùmòʼ woo wír, a kay wùmòʼ. Bó yòʼ dzə̀ vèn wàa lìm fo Nyùy, e kfə̀n a lìm fo mbàm si.

Matio 15:8

« ‹Wír vìne ghvə́m mo a dzə̀ fó shuù, a bó melív mev mè yòʼ tíy e mǒ wùn.

Atǎr Nsaʼ 10:6

Wír veé Israyi kfən lò, a yiì vinyo ve bi ví, a tinsín Nyùy Tàr shó. Áwune kù‑uù ghvə́m mebvə̀m mee *Baal, à mee *Ashtoret, kfə̀n ghvə́m anyùy veé Siiria wùn à veé Sidone, à veé Moavi, à veé Ammone, e lì veé Filistia. Áwune‑eè bìn ndzə̀m e Nyùy Tàr, e làa yòʼ dzə́ə a sùyrì wun gheéy.

1 Wòŋ 22:19

Lèn və̀n, vèn tiír vifií vén wùn à shilív shén shí a dzə̀ e Nyùy Tàr woo Nyùy wón wùn. Vèn keʼ, a bàʼrì lav cù Nyùy, wun woo Nyùy Tàr, aá fiʼ lì ŋkùv mensàŋ Nyùy Tàr wùn à vifá ve cù vee jeéy ví, e wìy sho e lav cù ye á lo, e bàʼrì, a cù Nyùy Tàr shó.»

Kèʼlo 35:2

Jakov nèn sùúy e kfə́ə rəə́ wùn à wír ve wùn áwune‑eè dzəə̀né jii, «Vèn tsəʼ mebvə̀m me anyùy vitume fo věn ghaŋ, mebvə̀m me vèn kérí. Vèn bvəti vishí vén, e màʼ ndzə̀y se ranén sí.

Esiker 18:31

Vèn maʼay vinyo ve bi ví ve vèn bùʼtìn vidzə̀m, e tìnsín mo shó. Vèn wáa ker shilív she fíy shi, a ker kiyoy ke sən kí. Vèn koŋ kpú ji ká wìr veé Isray?

1 Wòŋ 28:9

«Wówò Solomon woo wán wom, kiíy Nyùy wo tàr won ghvə́mé. Á ghvəm vèn à shilív shé shi shidzə̀m, à kwaʼtì yée e dzə̀m, bìʼ fo Nyùy Tàr yii tar melív medzə̀m, a wù kfə̀n yii kiiy kwaʼtì e dzə̀m ye yí dzəə̀n e wìr vifii. Aà yiì a tàʼ wun, áà wáa yen. Yii bèy, à maʼay wun, bo wù yíi bìn ndzə̀m e wò, e màʼày wò ŋkuuŋkùŋ.

Ŋgàn 16:1

Ntaŋ wo baán dzə̀ kinyo ke wìr msòŋ, a binèri kù lo a dzə̀ fo Nyùy Tàr.

2 Wòŋ 19:3

Yii bèy, a fòn dzə̀ a yií á vinyo ve juŋ vímóʼ ví. Á laàr ne a cú nyùy woo *Ashera fo wun nsay, e wày ŋàŋ ji á wáa kiíy a dzə̀ á Nyùy.»

Atǎr Nsaʼ 10:16

Wír veé Israyi nèn tsə̀ʼ mebvə̀m mee anyùy kisaŋe fo áwuné ghaŋ, a sùyrì a dzə̀ Nyùy Tàr. La Nyùy Tàr yòʼ dzəə yù fóo kur tím, a yen mo wír veé Israyi yén ŋgeʼ e ŋàŋ.

Hosea 14:1

Éè wìr veé Isray, vèn kfə́n é bàm fo Nyùy Tàr woo Nyùy wón wùn, vèn ku yèn ri mo ajay véné màʼàn ne ven.

2 Wòŋ 30:19

Wù ku làysìn a ajay wìr dzə̀m wo wù tiir shilív sə́ e wun wùn, wun woo Nyùy atàr vév, fə̀m mo áwune yoʼ kfə̀mrí vitú vév mo nsər yeé lav cù dinè.

Atǎr Nsaʼ 2:13

Áwune‑eè bìn ndzə̀m e Nyùy Tàr, e nèn a ghvəm a dzə̀ mebvə̀m mee Baal, à mee *Ashtoret mè.

1 Samuel 31:10

Vé‑eè lèm vifá ve rər vé Saul e kirə̀ʼ ké nyùy woo *Ashtoret, e kùr dzə́n rə́ é wǔn kày ye boméné yeé ŋkàlaʼ yee Bet‑Shan.

Joshua 13:31

Yì kfən tàtí sa kintoʼnìn ke Gilead wùn à Ashtarot, à Edrey, a dzə̀ ntèʼ se sí‑iì tíy vitú e Fòn Og woó Bashan wòŋ. Á nsay ye vé‑eè foon e kintoʼnìn ke rám Manasse ki mo kfə́ə sév sí‑iì dzə̀kìn, a yí‑iì sàn fo Makir woo wan Manasse.

1 Afòn 11:33

M yíi yiì bèy, bìʼ fo Solomon wùn à wír vəə́ bìnèn ne ndzə̀m e mò, e nèn a cù a dzə̀ Ashtoret woo nyùy woo wiíy woó Sidon wùn à Kemosh woo nyùy woó Moav, à Molek woo nyùy woó Ammon. Áwune yòʼ ghán e mǒ mbòv. Áwune yòʼ dzəə́ yii kinyo ke kí wáa gheén mo, aá yòʼ dzəə́ yú sáʼ yém, a bó á yòʼ dzəə́ jumrì vinyo ve m tínen mo Davir woo tàr à Solomon‑eè jumrì.

Jeremia 24:7

M wíy fo áwune shilív she á kiíy ji m dzə̀ á Nyùy Tàr, aáwune nèn a dzə wír vém, é m wáa dzə Nyùy wov. Áwune wíy kfən e mǒ wùn shilív shév shidzə̀m.

Jeremia 36:3

Sáŋ ó, e ghanmóʼ, é wír veé ram Judàa yú ŋgeʼ ye m báʼti ji m maʼ aáwuné kitu, é wìr dzə̀m maʼti yii rə́ ye bií, é m laysin ajay vév wùn à vinyo vév ve bi ví.»

Esiker 14:6

«Kí nén a dzə jii, yòŋ e wír veé Israyi jii, ke suuy Nyùy Tàr woo Taà Ndzə ki dzə̀ jii, ‹Vèn binkir fo věn mebvə̀m fèn, e bìn ndzə̀m e vifá vén vé joònè ví vidzə̀m.

Remrí 4:29

A vèn wìy a dzə fo, a tàʼ Nyùy Tàr woo Nyùy won, bo vèn wíy yen wun, a vèn fen fò kitú kén shó kidzə̀m, a tàʼ wun shilív shén shidzə̀m.

Atǎr Nsaʼ 2:11

Á bèy, wír veé Israyi nèn lò, a yiì vinyo ve bi ví, a tinsín Nyùy Tàr shó. Áwune‑eè lò kév, a ghvəm mebvə̀m mee *Baal,

2 Afòn 17:39

Vèn kù yíi a ghvəm a dzə̀ Nyùy Tàr woo Nyùy won, é wù yiì fə̀ə́r ven fo aŋgàa vibàn véné wo.»

2 Afòn 23:15

Fòn Josia‑aà kètì sá kíy cù woó Betel wùn à kirə́ʼ ké anyùy ke Jeroboam woo wan Nebat‑iì bàʼrìn fó ki. Dzə̀ wun woo Jeroboam wo wù‑uù domsì wír veé Isray, aá yii vinyo ve bi ví. Josia‑aà sàʼày kíy cù woo shooy wùn à kirə́ʼ ké anyùy ki, e tàtí, e tòn, e jò kibér ke vifa, kí kfə́n é kibvə. Wù kfən tòn sa wúr nyùy woo Ashera.

2 Wòŋ 20:33

Yii bèy, virə́ʼ vé anyùy vi‑iì gòʼ là ketì. Bó wíri yòʼ‑oò lo wày shilív shidzə̀m e Nyùy woo Nyùy atàr vév wùn.

Jeremia 4:1

«Éè Isray, a vèn sí koŋ e bìnkìr, vèn kù kfə̀n é bàm, e yèn a dzə̀ mo. Suuy mo woo Nyùy Tàr. Vèn ku tsə̀ʼ joonè wón woo mebvə̀me fo mǒ si, e làa yòʼ kfə̀n a dzən tùʼtàn.