1 Samuel 7:12 - ŊWÀʼ NYÙY

¹² Samuel lì tíy, e tùúy e kintìntìn ke Mispa wùn Shen. Wù‑uù shù yír kirə̀ʼ kin ji Ebeneser, shu bèy suuy jii, «E wìy meé lán, Nyùy Tàr kù sə́ ver.»

1 Samuel 7:12 Referans Kwoze

2 Korin 1:10

Wù‑uù lo fə̀ə́r ver fó ŋgeʼ ye tavín fen, a wù kù kfə̀n wíy fəə́r. Vèr ku nèn a way vifií a dzə̀ e wun wùn, a kiíy jii, a vèn fen tàtí, a bùnrì fo vèr, bo wù kù kfə̀n wíy sə a ver. Vèn lóo bùnrì bèy, é kí nèn wìy a dzə jii, mo vèn lón fo Nyùy wír anín bìʼ ver, wù wíy sə ver, aá nèn a sheʼrí wun sa anín, a beèrì wun.

Joshua 4:9

Joshua kfən tàʼ tíy yímóʼó nshòv sibaà e ghvə̀m, e tùúy e kirə̀ʼ fo atàá cùu‑uù tíy e ndzəv, kér ŋkùv mensàŋ. A tíy sin si kù dzəə́ tíy fo e shem lán.

Lim Aŋgàa Ntum 26:22

Yii bèy, Nyùy kú a sə mo ghán sidzə̀m, e meé lán. M nén a tiy sa fèn lèn, a fìʼtì ntum yem, e wír ve kuʼkìné wùn à wír vee viyi. A m kù fiʼtì a dzə̀ kinyo ke Mooser wùn aàŋgàa ntum Nyùyi‑iì tiísi ji kí wíy koóy.

Kèʼlo 22:14

Abraham nèn yòŋ kirə́ʼ kee shooy jii, «Nyùy Tàr yíi fo.» Kèʼ fo ghan fóo fèy, e wìy meé lán, á lo, á nèn a yòŋ jii, «E Nyùy Tǎr gwan, wù kù yíi fo.»

Kèʼlo 35:14

Jakov siíy, e tùúy tíy é kirə̀ʼ kee fo Nyùy‑iì suŋnin e wun kìy, e sə̀r meluʼ sho, e yòʼ e meŋgvə́r mè,

1 Samuel 5:1

Mo wír veé Filistiàa faàsìn ŋkùv mensàŋ Nyùy, e nèn lì fo Ebeneser, e dù sho e Ashdod.

Aysaya 19:19

Wíy lòo dzə e ghan fóo fèy, aá bóm kíy cù e Ejiv, a dzə̀ fo á wíy a ghvəm Nyùy Tàr. Á wíy tuúy tíy é bìíy wòŋ, e fíʼ dìn ji á ghvə́m a Nyùy Tàr.

Nsùyrì Nyùy 71:17

Éè Nyùy, à mèrìr ne mo, e kèʼ fo meterí, a m kù dzə́, fiʼtì viŋgaʼnìn ve vinyò ve à yii.

Nsùyrì Nyùy 71:6

Kèʼ mo vé‑eè dzəən mo, m kù yéʼti a dzə̀ e wò wùn. Dzə̀ wò wo wò‑oò fəərin mo fo yè wór bvə̀m.

1 Samuel 4:1

Á bèy, kisúŋnìn ke Samuel ki ghánén woŋ Isray e dzə̀m. Wír veé Israyi nèn lò, e fəə̀ ji á du, e fùnèn wír veé Filistia. Áwune dù beè e Ebeneser, wír veé Filistiàa beè e Afek.

Ŋwàʼ Fəə 17:15

Mooser nèn lò, e bòm *kíy cù, e shù yír jii, «Yahweh dzə̀ cícíwàr wóm.»

1 Samuel 7:11

Wír veé Israyi fəə́ fó Mispa, e shòʼ e wír veé Filistiàá bàm, e yùyrí áwune é dzəə, e dù, e mèé e kirə̀ʼ keé mbìv tsə̀n Bet‑Kar.

1 Samuel 14:35

Saul nèn bòm *kíy cù Nyùy Tàr, a yì‑iì dzə̀ wó mbìyi wo wù‑uù bomen.