1 Samuel 7:1 - ŊWÀʼ NYÙY

¹ Wír veé Kiriat‑Jearime nèn wìy, e lì ŋkùv mensàŋ Nyùy Tàr, e dù sho e Abinadav lav e gwan fo wù‑uù shiiyì. Á shóʼ wán və woo Eleasar ji wír woo jeéy wo wù wáa leéy fo ŋkùv mensàŋ Nyùy Tàr.

1 Samuel 7:1 Referans Kwoze

Aysaya 52:11

Vèn ŋáʼáy, vèn lokir, vèn fəə́ fó wòŋ woo Babilon. Ven ve á béʼ vikáŋ veé lav cù, ven fəə́ fó fo, e *kfə̀mrí vitú vén ví. Vèn lóo fəə, lá vèn yòʼ kùm kifá ke *kifàn kí.

Nsùyrì Nyùy 132:6

Vèr‑iì yù léŋ ŋkùv mensàŋ Nyùy Tàr é Efrata, e nèn dù, e yèn é ŋgvən Jaar, a suúy jii,

1 Samuel 6:21

Á gháynín bey, e nèn tùm wíri fo wír veé Kiriat‑Jearimé wùn, á dù, e tiìsí jii, «Wír veé Filistiàa siìr ne ŋkùv mensàŋ Nyùy Tàr. Vèn sə́y, e lì, a koʼ sho.»

Joshua 18:14

Bìíy nèn dù, e bàʼ e mbìv gwan ye yì kiʼ fo shùy yii nəə, e rə̀ʼə́m, e kù a dù tsə́n tsə́n, e dù bèy, e bàʼ e ŋkìʼnìn Bet‑Horon, e dù, e jòʼsì e Kiriat‑Baal, a dzə̀ sá ji Kiriat‑Jearim, a dzə̀ ŋkàlaʼ rám Juda. Á bìíy nsay Benjamin e mbìv yee fo shùy yii nəə.

Joshua 9:17

Á nèn ŋàʼáy, a dù fo. Á ghán vishiíy vitaár, e nèn mèé e wír vìyí ŋkà se laʼ, a sí‑iì dzə̀ jii, Gibeon wùn à Kefira, à Beerot, à Kiriat‑Jearim.

1 Samuel 7:2

Kèʼ fo kishiíy fóo fèy, ŋkùv mensàŋ ku nèn a dzə e Kiriat‑Jearim, e dzə̀ʼə̀m fo ntàmda moo kiyá mbaà bey. Wír veé Israyi nèn lò a toŋ, a lon ji bo á kì kfə́n a fo Nyùy Tàr.

1 Wòŋ 13:3

é vèsən áwune du, e lì ŋkùv mensàŋ Nyùy wòsən, e kfə̀n shó e bàm, bìʼ fo vèsən‑eè màʼàyìn é ghan se Saul‑iì dzəə̀n fon.»