1 Samuel 6:9 - ŊWÀʼ NYÙY

⁹ Kí lóo dù, vèn wàa leéy. A kí lò a koʼ e dzəə yeé Bet‑Shemesh, a kfən e nsay Isray, bo yiì ŋkùv Nyùy wìr veé Isray kinyo ke biibí kin e vèsən. Kí dzə̀ làa yòʼ a dù bèy, é vèsən nèn kìíy ji ŋgeʼ sesən sí yòʼ lò a dzə̀ á fo fo, bo sí lò a dzə̀ á fo səné.»

1 Samuel 6:9 Referans Kwoze

Joshua 15:10

Bìíy nen tèém fo Baala, a dù e mbìv yee fo shùy yii nəə, e dù, e bàʼ e Gwan Seir, e shaà, e dù, e gwàmrì Gwan Jearim fo mbìv bàbá ye yì kfənen fó kùy, a dzə̀ ji Kesalon. Yì lò fo fo, e sə̀y é Bet‑Shemesh, e shaà, e dù e Timnaa,

Ŋwàʼ Luk 10:31

«A wìr wùmòʼ kì ghán sa e dzəə fóo fèy, a dzə̀ taà cù. Wù yén wír və̀y, e bàr dzə́ə, e nyèŋ nyéŋén.

Ŋgaà Tàrvìnyò 9:11

M kfən kàʼày, e yèn kinyo kímóʼ kí é sar shùy fèn, a kí dzə̀ jii, kileʼ ki yòʼ dzə̀ə́ cáʼ a dzə̀ ké wìr wo wù nyéŋ e ŋàŋ, a bó yòʼ dzə̀ cáʼ ji a rə́r sí maʼà, kù tòn ntav wír, a bó viyíkìr vi yòʼ kù jòʼsì a dzə̀ áàfií, kìn ji vikuʼùy ví kù jòʼsì e wír ve á kiiy jeéyjeéy fó vinyòo, a bó á yòʼ géʼsin e wír ve á kiìn vinyóo jeéy. A dzə̀ vishí vi lo, ví bìr wír, a fə̀m dzə̀ la.

2 Samuel 1:6

Wù bìnèr jii, «M kì dzə̀ é Gwan Gilboa, e yèn Saul, a wù yéʼ e wun kòŋ, a vé rər veé nyàm sií sí méʼ wun, veé vitentén wùn à vé koʼo.

1 Samuel 6:3

Á bìnèr jii, «A vèn tsə́nsi ŋkùv mensàŋ Nyùy wìr veé Isray e wun woo Nyùy, la vèn yòʼ tsə̀nsí kisáŋ. Vèn kù mùm, kìn é dzəə yeé le, e tsə̀nsí wùn à vifá ve cù ye yí su ajay vi. Vèn yii bèy, é vèn nèn bònén, e kfə̀n kìíy kinyo ke kí yiìn, é bo Nyùy dzə làa yòʼ tav tsə̀ʼ ŋgeʼ fo věn wùn.»

Joshua 21:16

à Ayin, à Jutta, à Bet‑Shemesh, yee shó wùn à kwáʼ və́ nyàmé. Ŋkà se laʼ si nèn fəə̀ bvə̀ʼə̀ fo nsay rám Juda wùn à yé Simeone.

Amos 3:6

Aá tòŋ sóŋ rər é ŋkàlaʼ, la wír vee fóo yòʼ a fàn à? A dzə̀ kinyo ke tavín kí kòóy é ŋkàlaʼ, a bó yií Nyùy Tàr á?

Aysaya 26:11

Éè Nyùy Tàr, à nàn ne kóy wó e yuv ji à lo, e màʼ ŋgeʼlàʼ e wír ve bií kitu, yii bèy, a bó áwune yòʼ fə̀m yén, a síi rúné. Nyùy Tàr, ku dìn koŋ ye à kér fo wír vée, é yí yii, aáwune méŋ fo á dzəə̀n. Dòʼshwiiy wò ku baàrí, e tòn aŋgaà vé vibàn.

1 Samuel 6:10

Wíri ku nèn yiì bèy, e lì anàʼ vee shooy, e kùr kiténtén aáwuné wùn, e tsə̀ʼ wón, e dù wày é kày,

1 Samuel 6:12

Anàʼa ku nèn lò, a dù, a dù tìítiy e dzəə yeé Bet‑Shemesh, e làa yòʼ bìn e kirə̀ʼ, du bèy, tóŋé. Atǎr saʼ veé Filistiàa wáa jùmrì anàʼ vìy, e dù, e mèé e bìíy yeé Bet‑Shemesh.

Ŋwàʼ Fəə 8:15

Mo Farao yenen ji rəsìne wàa sì, wù nèn tàv kitú, e làa yòʼ yu Mooser wùn Aaron, kù mo Nyùy Tàr‑iì suuyin ne.

1 Afòn 4:9

à Ben‑Deker wo wù‑uù sáʼ Makas wùn à Sha‑albim, à Bet‑Shemesh, à Elon‑Bet‑Hanan.

2 Wòŋ 25:21

Á bèy, Fòn Jehoash woó Isray nèn kòʼ, wùn Fòn Amatsiya woó Juda tárnín moo vilum bèy, e ghày rər, e Bet‑Shemesh, e nsay Juda.