1 Samuel 6:2 - ŊWÀʼ NYÙY

² wír vee fóo nèn kùm atàá cù wìr ve á shwéŋ vinyo, e dzə̀r aáwune jii, «Vèr yíi yèe le e ŋkùv mensàŋ Nyùy Tàr? A vèr lò ji á tsə́nsí fo wù‑uù loòn, á tsə̀nsí é dzəə yeé le?»

1 Samuel 6:2 Referans Kwoze

Ŋwàʼ Fəə 7:11

Farao nèn tòóy akiíy wùn à vé ŋgàŋ vəə́, á yiì sa réŋréŋ, e dzəə ye áwune yii sénin sə́m sho.

Kèʼlo 41:8

Ndzə bvəə́shí, e jàv, shilív sə́ shí wáa buʼ, wù nèn tùm ji á toóy á vé fù ve á yii tóʼti njèm, e kfə̀n toóy a akiíy veé wòŋ Ejiv adzə̀m. Á wìy, wù fèr njèm sìy, la wìr yòʼ a dzə wóo toʼtí, e fòn.

Daniel 5:7

Fòn nèn tòŋ kitávín ji á ku wìy a e vé fù ve á yii tóʼti njème wùn aàŋgàa ŋgàŋe, à vé səme adzə̀m, e lì wir dzə̀m wo wù yén virə́ʼ é Babilon. Á wìy, fòn nèn yòŋ e vé si vìyi jii, «A wìr lòo dzə̀, e yòŋ nsáŋtí wo wù dzəə̀n é wǔn ntoʼ, e tòʼtí nsàv, bo wun buʼ ŋgaàŋ e ndzə̀ynjav, e way ŋwey vifa ye á fèrìn e kisha ke mbàm ke baar kí e ŋgaàŋ kilòŋ, e lèm wun ji taà ntoʼ wo ghay vəə́‑əə̀ tóm wó taà ntoʼ woo kitú.»

Daniel 2:2

Wù nèn tsə̀nsí toóy e vé fù ve á yii tóʼti njème, e tòóy aŋgàa ŋgàŋ wùn à vé səme adzə̀m, e tòóy wir dzə̀m wo wù yén virə́ʼ ji á wiy, e tòʼtí a njèm sə́. Á wìykìr, e tìím e wun si.

Matio 2:4

Wù nèn tòóy vitú ve atàá cù wùn à wír ve vé‑eè duŋrì nsər Nyùyi adzə̀m. Á wìy, wù dzə́r aáwune jii, á sà‑aà sàŋ ji á wíy dzəə́ *Mfə̀ə́r wo Nyùy‑iì kàʼàn a dzə̀ feé á?

Aysaya 2:6

Rúrú, Nyùy Tàr, à màʼày ne wír vé. À màʼày ne wír vé vee rám Jakov, bìʼ fo á bìʼnìn ne liì vitum veé mbìv yee fo shùy yii tó. Áwune sì moo vé fù veé Filistia, suúsin a dzə̀ wùn à vitúm vi, jumrì liì wov.

1 Samuel 6:1

Ŋkùv mensàŋ Nyùy Tàr wáa dzə e wòŋ woo Filistia, kí meé ŋwee saàmbà,

1 Samuel 5:8

Áwune nèn beè atǎr saʼ veé Filistia. Á báʼtí adzə̀m, áwune dzə́r jii, «Vèsən lo, e yèe le e ŋkùv mensàŋ Nyùy wìr veé Isray?» Atǎr saʼa bìnèr jii, «Vèsən tsə́nsí é Gat.» Á nèn tsə̀nsí ŋkùv mensàŋ Nyùy wìr veé Isray e Gat.