1 Samuel 5:9 - ŊWÀʼ NYÙY

⁹ Mo wù meen é Gat, Nyùy Tàr màʼ ŋgeʼ ye tavín é ŋkàlaʼ foo fèy, e yiì, vinto vi tó wír vee fó, à ŋgàywìr, à wánlè. Fan ye tavíné wáa dzə fo.

1 Samuel 5:9 Referans Kwoze

1 Samuel 5:6

Nyùy Tàr nèn kfə̀n màʼ ŋgeʼ ye tavín e wír veé Ashdodí kitu, e kfə̀n màʼ sa e wír vee áwuné ghaŋe, e yiì, vinto vi tó áwune.

1 Samuel 7:13

Á bèy, wír veé Israyi tòn wír veé Filistia e kishiíy fóo fèy, la wír veé Filistiàa yòʼ kfə̀n dzəə nə̀ə́ áwune e rə́r sí. Nyùy Tàr yòʼ‑oò lo fò kintóʼ e wír veé Filistiàa e Samuel ghan.

Remrí 2:15

Rúrú, kiwó ke Nyùy Tàr kí‑iì roomè áwune, aá kpúkirì, e dù, e meé mo vé‑eè màyìn fó kibeèy.

1 Samuel 12:15

Yii bèy, a vèn dzə̀ làa yòʼ a yu Nyùy Tàr, e kfə̀n tèn fó a yunín nsər sə́, bo wù yíi meŋ ven réŋréŋ mo wù‑uù meŋen atàr vén.

Nsùyrì Nyùy 78:66

Wù túmnín, e kù nèn tàʼár aŋgaà vév vibàn, e wày woómé aáwuné kitu, e dù, e jòʼsì.

Amos 5:19

Kishiíy kin ki wíy a dzə, kù moo ji wìr sòsìn fo bvərə̌ʼ wo, e lèʼ, e dù, e tò e nyàm ye á yoŋ ji *bear wo. Kìn moo wír wo wù nəə e wun lav, e lòo toomé wún lav, yò té.

1 Samuel 6:11

e nèn tìír ŋkùv mensàŋ Nyùy Tàr é kitentén, e kfə̀n lì shiŋkùv she shí kér vimfìʼìr ve mbàv wùn à vé vinto vi, e tìír sa fo.

1 Samuel 5:11

Áwune nèn beè atǎr saʼ veé Filistia. Á báʼtí adzə̀m, wíri suúy aáwune jii, «Vèn siir ŋkùv mensàŋ Nyùy woó Isray fo wù‑uù loòn, fo wù tátí ver, e yùyrí.» Nyùy‑iì lo màʼ ŋgeʼ ye tavín fó, fan ye vé‑eè fan kpúu wáa dzə mvəmlaʼ yee shooy e dzə̀m.

1 Samuel 5:10

Á nèn tsə̀nsí ŋkùv mensàŋ Nyùy e Ekron. Wù meé fó, wír vee fóo nèn a taŋnín taŋnín, a suúy jii, «Á wìy ne e ŋkùv mensàŋ Nyùy wìr veé Isray e věr nsay ji wù tátí á ver, e yùyrí.»