1 Samuel 5:8 - ŊWÀʼ NYÙY

⁸ Áwune nèn beè atǎr saʼ veé Filistia. Á báʼtí adzə̀m, áwune dzə́r jii, «Vèsən lo, e yèe le e ŋkùv mensàŋ Nyùy wìr veé Isray?» Atǎr saʼa bìnèr jii, «Vèsən tsə́nsí é Gat.» Á nèn tsə̀nsí ŋkùv mensàŋ Nyùy wìr veé Isray e Gat.

1 Samuel 5:8 Referans Kwoze

Sekariya 12:3

Wíy lòo dzə e kishiíy fóo fèy, é m yii, é Jerusalem wáa dzə ji lúm kilan, yée ghaʼ vitúm. Kilán, a wìr dzə̀m wo wù shúrí, kù wíy lem. A dzə̀ jii, vitúm vidzə̀m veé kitu ke nsay vi wíy banén, e wìy, a ghiʼ Jerusalem e rə́r sí.

Amos 6:2

Á lo, kù té a dzə̀ lám e wíri jii, «Vèn koŋ, á dù é Kalne, e lèéy woŋ woo shooyi mo á tònèn. Lo fo fo, á dù é Hamat woo ŋkàlaʼ ye wiy. Maysì fo fo, á sə̀y é Gat wo wù dzəə̀n é wòŋ Filistia. Vé‑eè ton bèy, a virə́ʼ vin vi táv moo vitúm vee Isray wùn Juda à? Woŋ wóv féyì feyìi‑iì lo kùʼ, e mèé e wóné á?»

1 Samuel 17:4

Kintav ke wìr wùmòʼ woó Gat, aá yoŋ yír rə́ ji Goliat ki fəə́ fo wír veé Filistiàá kilaʼáy, a wìy ji wun səʼ á wír veé Isray. Vida və́ ví‑iì shaà kóy e kimbéʼ ki.

1 Samuel 5:11

Áwune nèn beè atǎr saʼ veé Filistia. Á báʼtí adzə̀m, wíri suúy aáwune jii, «Vèn siir ŋkùv mensàŋ Nyùy woó Isray fo wù‑uù loòn, fo wù tátí ver, e yùyrí.» Nyùy‑iì lo màʼ ŋgeʼ ye tavín fó, fan ye vé‑eè fan kpúu wáa dzə mvəmlaʼ yee shooy e dzə̀m.

1 Samuel 5:7

Wír veé Ashdodi yén kinyo ke kí kooyì, e nèn a suúy jii, «Lá vèsən yòʼ dzəə màʼtì ŋkùv mensàŋ Nyùy woó Isray e vèsə́n mvəm. Wù màʼ ne ŋgeʼ ye tavín e vèsə́n kitu, e kfə̀n màʼ sa e Dagon woo nyùy wòsən.»

1 Samuel 29:6

Á bèy, Akish toóy Davir, e sùúy sho jii, «M suuy kin, a Nyùy kì, wò‑oò ló a lìm fo mo kijuŋ. M koŋ ji à wáa tom a mo, é wòsò wáa màʼ rə́r. M yoʼ yèn jay wùmòʼ e wòsò nsàn, e kèʼ fo kishiíy ke wò‑oò wìyìn, e yèn mo. Yii bèy, afon ámóʼó yoʼ biìmé wò.

Joshua 13:3

e lì ŋgvən se wìr veé Awim sidzə̀m, e mbìv wòŋ yee tsə́n.» Nyùy Tàr yòŋ bèy, a ké ŋgvən yee lò fó ndzəv yee Shihor, e bìíy wòŋ Ejiv, a kfənér e mbìv yee kuy, a dù e bìíy Ekron, vé‑eè yèn ji dzə̀ á nsay wìr veé Kanan. Ké ŋgvən wìr veé Filistia ki‑iì dzə̀, a kér afon atàn, woó Gasa wùn à woó Ashdod, à woó Ashkelon, à woó Gat, à woó Ekron.

Joshua 15:11

e dù shaà, e dù e bǎm Ekron, a kfən kuy. Yì nen tèém, e kaàrí, a dù e Shikkeron, e tòsín, e dù e Gwan Baala, e fəə̀, e dù e Jabneel, e nèn dù ndzə̀y e Rìbà Ndzə̀v woo Mediteranean.

1 Samuel 6:2

wír vee fóo nèn kùm atàá cù wìr ve á shwéŋ vinyo, e dzə̀r aáwune jii, «Vèr yíi yèe le e ŋkùv mensàŋ Nyùy Tàr? A vèr lò ji á tsə́nsí fo wù‑uù loòn, á tsə̀nsí é dzəə yeé le?»

1 Samuel 17:52

Wír veé Isray wùn à veé Judàa bínsí mbeeteé, e shèm aáwuné bàm, e jùm áwune, e dù, e mèé e Gat, e shaà, e dù, e mèé e shùu kày seé Ekron, wír veé Filistia ve vé‑eè lemkiné wáa gbùkìr, a neŋnín e dzəə, e kèʼ fo Sha‑arayim, e dù, e meé e Gat, e shaà, e dù, e mèé e Ekron.

1 Wòŋ 7:21

e lì wan Tahat woo Tsabad, e lì Shutela woo wan Sabad. Efrayim woo tàr à ràm yév kfə̀n‑eè kér sa wón ámóʼó abaà, a dzə̀ Eser wùn Elead, a wír veé Gat ve dzəə̀n vé nsayi‑iì lò, e yùyrí, aá sə́y é Gat ji á faasi á nyám se wìr vee fó.