1 Samuel 5:6 - ŊWÀʼ NYÙY

⁶ Nyùy Tàr nèn kfə̀n màʼ ŋgeʼ ye tavín e wír veé Ashdodí kitu, e kfə̀n màʼ sa e wír vee áwuné ghaŋe, e yiì, vinto vi tó áwune.

1 Samuel 5:6 Referans Kwoze

1 Samuel 5:11

Áwune nèn beè atǎr saʼ veé Filistia. Á báʼtí adzə̀m, wíri suúy aáwune jii, «Vèn siir ŋkùv mensàŋ Nyùy woó Isray fo wù‑uù loòn, fo wù tátí ver, e yùyrí.» Nyùy‑iì lo màʼ ŋgeʼ ye tavín fó, fan ye vé‑eè fan kpúu wáa dzə mvəmlaʼ yee shooy e dzə̀m.

Lim Aŋgàa Ntum 13:11

Kú a kiíy ji lǒn Nyùyi koò ne wò, aà kù lo lèn, e fìr, e làa yòʼ dzə́ə a yen virə́ʼ fó ghan símóʼ sí.» Elimar ku nèn yù, a kifá ki sə́tí sí rə́ moo mbàʼ ye sənér, wù wáa kar, a ghaà wír wo dzə̀ wù ghàr wun, a caàcà.

Nsùyrì Nyùy 32:4

Wò‑oò ndzə́n mo é ŋàŋ, ndzə́n e shùy, ndzə́n vitsə́ʼə́. Vitaáví ví máy fo mǒ wùn, may màyìn mo vibuushì ví yòvrí e lùm.

Remrí 28:27

Nyùy Tàr wíy tsəm ven e yàsi vinto woó Ejiv wùn à viváv ví, à vintàŋ vi, à kinjùr ki, a bó yòʼ dzə̀ á fèr.

Ŋwàʼ Fəə 9:3

bo Nyùy Tàr yíi màʼ yàsí wo tavín e nyám sé se sí dzəə̀n é kwaʼ si, nyám se ŋkoʼ wùn à vimbèʼbìy ví, aàkameri, à nàʼ, à bvə́y si.

Nsùyrì Nyùy 78:66

Wù túmnín, e kù nèn tàʼár aŋgaà vév vibàn, e wày woómé aáwuné kitu, e dù, e jòʼsì.

1 Samuel 5:7

Wír veé Ashdodi yén kinyo ke kí kooyì, e nèn a suúy jii, «Lá vèsən yòʼ dzəə màʼtì ŋkùv mensàŋ Nyùy woó Isray e vèsə́n mvəm. Wù màʼ ne ŋgeʼ ye tavín e vèsə́n kitu, e kfə̀n màʼ sa e Dagon woo nyùy wòsən.»

Ŋwàʼ Jov 31:3

Bó ké wìr ve á kér liì kisaŋ ki yòʼ kù jòʼsì ŋgeʼ, ké wìr ve á buʼtì vinyo nyár à?

1 Samuel 5:9

Mo wù meen é Gat, Nyùy Tàr màʼ ŋgeʼ ye tavín é ŋkàlaʼ foo fèy, e yiì, vinto vi tó wír vee fó, à ŋgàywìr, à wánlè. Fan ye tavíné wáa dzə fo.

Nsùyrì Nyùy 145:20

Nyùy Tàr yii kiŋsìn wír ve á koŋ wun, a wù wíy laàr wír ve á méŋ wun láarin.

Nsùyrì Nyùy 147:6

Nyùy Tàr yii nan wír ve á nəʼsì áwune, sə́ʼsi wír ve á méŋ wun e kibvə̀r.

Kèʼlo 41:31

é wíri laysin á ghán se vifá ve yi vi‑iì jamtìn jàmtìn, bìʼ fo jìŋ ye yì wíy koo wíy a dzə e gháʼán.