1 Samuel 5:4 - ŊWÀʼ NYÙY

⁴ Á kfən bvəə̀shí kijàvndzə, e lòo lò e yuv, e yèn a Dagon kfə́n ne gbù, e tsə̀m sí fo nsay e mbìy ŋkùv mensàŋ Nyùy Tàr, a kitú kfə́ wùn à wó si kóykír ne, a neŋ e kikùr ke shùu lav, Dagon nèn jòʼsì wún wún.

1 Samuel 5:4 Referans Kwoze

Mayka 1:7

Á yíi bvəʼə́y mebvə̀m me á titin fó, é mè kfə́n é kfəʼ si, e tòn kifá kidzə̀m ke asàkì veé lav cùu sə́ fo vilum. Mebvə̀m meé Samaria mè kù yíi a neŋnín, a sì vimbvə́ʼ. Vé‑eè fó mbàm se visàkì, é bo á wáa fèr mebvə̀m mee visha ve mbàm vi, a vitúm vi yíi tayrí vimbvə́ʼ lèn ji á du, e kfə̀n làʼ a dzə̀ asàkì sho.»

Jeremia 50:2

A yì dzə̀ jii: Á ghán á e vitúm ví mvəm, e fìʼtì sáʼka woo kùm Babilon. Á kóʼór á cícíwàr, é wú wáa naàrì kinyo kìn. Lá á yòʼ sə̀r a sáʼka və̀n, á kú a fìʼtì a ji á tòn ne a Babilon. Á shòór ne a Bel woo nyùy wov, wun woo Merodak wáa yàʼ. Á shòór ne a vibámmbó vév, mebvə̀m mev mè wáa yàʼ.

Jeremia 10:11

Á suúy e wíri jii, mo anyùyi dzəə̀n a bó yòʼ‑oò bòm áwune yúv wùn à nsay, á wíy bvəʼə́y, e lày fo kitu ke nsay.

Daniel 11:8

Wù wíy kuúy mebvə̀m mee anyùy vév, e tatí wùn à vikáŋ vév vee *kisha ke mbàm ke fəvír kí, à vee ke baar kí, ve dzəə̀n vifá vév ve ghaʼtín ví, e dù sho e Ejiv. Wù du bèy, é la wù yòʼ dzəə ghìʼ fon woó Siiria e rə́r sí e bǎm viya vinín.

Aysaya 27:9

Rám Jakovi‑iì du bèy ji á fiʼ làʼ njò ye á kér wùn à Nyùy. Nyùy Tàr wíy lòo jì ji wù wáa sù njò yev ŋkuuŋkùŋ, aáwune ku nèn bvə̀ʼə́y sə́y se kiy cù anyùy kisaŋe, e gwàtì wúr sé nyùy woo *Ashera, e kètì virə́ʼ ve á ton kiláy, yii cu sho, a bó kfəʼ kifa feyì yòʼ wíy gòʼ, a tiy.

1 Samuel 6:5

Vèn ku fèr vimfìʼìr ve vintokìr wùn à vé mbàv ve ví bívir woŋ wón, e fíʼ dìn ji vèn gbù a ne Nyùy wìr veé Isray, ghanmóʼ, é wù yar fó a màʼ ŋgeʼ e věn kitu, e yàr fóo màʼ aànyùy véné kitu, e màʼtì sa nsay yen nyaáŋ.

Aysaya 40:20

Ŋgaà kitàn lo, wù tàʼ kfə́ kicí ke bó yòʼ dzə̀ kí tàv fòy, e nèn tàʼ wír wo wù yii sém shibvə̀m ji wù sém shee nyùy və. Sémé, é wù tuúy é dzəə ye bó yòʼ dzə̀ shí gbù.

Jeremia 10:14

Ké wìr msòŋ kí dzə̀ a dzə̀ viyúŋ adzə̀m, a bó á yòʼ kér vifií. Vé kilàme sí woóme, bìʼ mebvə̀m me á fèrìn. Vibámmbó ve áwune fèrìn ví dzə̀ kimboʼtì, ví yòʼ dzə̀ vitin.

Jeremia 10:15

Kù dzə̀ kifá kisáŋ ke á wáa kèŋ kèŋèn. Kishiíy ké nsaʼ ki gheenè, aá bvə́ʼə́y, é ví lay láyin.