1 Samuel 5:3 - ŊWÀʼ NYÙY

³ Wír veé Ashdodi bvəə́shí kijàvndzə, e lòo lò e yuv, e yèn, a Dagon gbú ne, e tsə̀m sí e nsay e mbìy ŋkùv mensàŋ Nyùy Tàr. Áwune nèn shùr, e siìr fo wù‑uù dzəə̀n.

1 Samuel 5:3 Referans Kwoze

Aysaya 19:1

Sáʼ Nyùy yee kùm Ejivi rə̀ne. Yí dzə̀ jii: Vèn yuúrí, Nyùy Tàr sí du e Ejiv, a wù du a dzə̀ é mvə̀m mbàʼ ye yì shaa ji ghàár. Wù yíi meé fo, áànyùy veé Ejivi wáa fàn, a yàʼ, é tím wìr dzə̀m woó Ejivi kpú, e rə̀.

Aysaya 46:7

Vé beʼe shúr shibvə̀m shìn, neer e mbèʼ, á nèn dù, e tùúy. Á du, tiir fo á kì naŋsin ne, la shí yòʼ kfə̀n wàʼ fo fo, wìr wàa wìy, a mbaà aàgháʼka vəə́, a bó yòʼ dzə̀ shí bìnèr, a bó yòʼ dzə̀ shí yù, e sə̀ wun.»

Tsəfaniya 2:11

Nyùy Tàr wíy lovtí aáwune, aá wáa yàʼ, a fàn. Wù wíy laàr anyùy ve wíri ghvə́m e nsay adzə̀m, é wìr dzə̀m wìy a ghvəm a dzə̀ wun woo Nyùy Tàr. Á wíy a ghvəm wun virə́ʼ vidzə̀m, kitúm kitúm, aáwuné nsay.

Maak 3:11

Wír ve *anyùyi‑iì jívir áwuneé wáa yen Jesus, a gbù e si wo, anyùyi wáa yiì, á wáa rəəmé jii, «À dzə̀ Wan Nyùy.»

Jeremia 10:8

Áwune adzə̀me dzə̀ viyúŋ, aá kfə̀n jiŋè. A dzə̀ áwune yèʼéy ka fo mebvə̀m mè, aá sém a dzə̀ kicí?

Aysaya 41:7

Wìr woo taà kilàm lo, wù tàvír ŋgaà wo wù sheŋrì visha, ŋgaà wo wù dzəvtì visha wàa tavír wo wù náŋsin, navtì. Wù wàa tavír, a binsí ji lim rə̀ne dzə̀ e juŋ. Á fer shibvə̀m shìn, á nèn tùúy e nsay, e tà e mban si, fo shí gbu.

Aysaya 40:20

Ŋgaà kitàn lo, wù tàʼ kfə́ kicí ke bó yòʼ dzə̀ kí tàv fòy, e nèn tàʼ wír wo wù yii sém shibvə̀m ji wù sém shee nyùy və. Sémé, é wù tuúy é dzəə ye bó yòʼ dzə̀ shí gbù.

Nsùyrì Nyùy 97:7

Woómé si koò ne wir dzə̀m wo wù ghvə́m vibámmbó, wir dzə̀m wo wù kóʼor wún áànyùy kisaŋe, bìʼ fo anyùy adzə̀me kù kér fó a gvəʼtí e Nyùy Tǎr si, a sùyrì wun.

Ŋwàʼ Fəə 12:12

«M wíy shaà e Ejiv vitsə́ʼ vee shooy, e yuyrí wón wíri, e yuyrí vé nyàm si adzə̀m ve dzəə̀n dzə́ə mbìyi, a kfə̀n dzə̀ vilum, e kfə̀n siì màʼ ŋgeʼ se tavkín sí aànyùy veé Ejiví kitu. Dzə̀ mo Nyùy Tàr.

1 Samuel 6:5

Vèn ku fèr vimfìʼìr ve vintokìr wùn à vé mbàv ve ví bívir woŋ wón, e fíʼ dìn ji vèn gbù a ne Nyùy wìr veé Isray, ghanmóʼ, é wù yar fó a màʼ ŋgeʼ e věn kitu, e yàr fóo màʼ aànyùy véné kitu, e màʼtì sa nsay yen nyaáŋ.

1 Samuel 6:1

Ŋkùv mensàŋ Nyùy Tàr wáa dzə e wòŋ woo Filistia, kí meé ŋwee saàmbà,

1 Afòn 18:26

Áwune lì nàʼ wo vé‑eè foon aáwune, e nèn bàʼtí, a bùnrì nyùy woo Baal, e kèʼ fo kijàvndzə, e dù mèé e ntìntìn shùy. Aá bunrì bèy, tóŋ jii, «Éè Baal, ku yù bunrì yérí.» Yii bèy, bó á yòʼ yú kighiísí, bó á yòʼ yú binèr. Áwune nèn a liy, a kaarí kíy cù wo áwune‑eè bomen.

Nsùyrì Nyùy 115:7

Á kér wó, a bó yòʼ dzə̀ á mùmrì kifá sho, kér wuú, a bó yòʼ dzə̀ á ghàn. Jòkìnyàʼ, a bó yòʼ dzə̀ jì fəə̀ fo áwuné shuù.