1 Samuel 5:1 - ŊWÀʼ NYÙY

¹ Mo wír veé Filistiàa faàsìn ŋkùv mensàŋ Nyùy, e nèn lì fo Ebeneser, e dù sho e Ashdod.

1 Samuel 5:1 Referans Kwoze

1 Samuel 7:12

Samuel lì tíy, e tùúy e kintìntìn ke Mispa wùn Shen. Wù‑uù shù yír kirə̀ʼ kin ji Ebeneser, shu bèy suuy jii, «E wìy meé lán, Nyùy Tàr kù sə́ ver.»

1 Samuel 4:1

Á bèy, kisúŋnìn ke Samuel ki ghánén woŋ Isray e dzə̀m. Wír veé Israyi nèn lò, e fəə̀ ji á du, e fùnèn wír veé Filistia. Áwune dù beè e Ebeneser, wír veé Filistiàa beè e Afek.

1 Samuel 4:22

Wù nen kù yòŋ jii, «Viwìr veé Isray vi dù ne, bìʼ fo á faàsìn ne ŋkùv mensàŋ Nyùy.»

Joshua 13:3

e lì ŋgvən se wìr veé Awim sidzə̀m, e mbìv wòŋ yee tsə́n.» Nyùy Tàr yòŋ bèy, a ké ŋgvən yee lò fó ndzəv yee Shihor, e bìíy wòŋ Ejiv, a kfənér e mbìv yee kuy, a dù e bìíy Ekron, vé‑eè yèn ji dzə̀ á nsay wìr veé Kanan. Ké ŋgvən wìr veé Filistia ki‑iì dzə̀, a kér afon atàn, woó Gasa wùn à woó Ashdod, à woó Ashkelon, à woó Gat, à woó Ekron.

Lim Aŋgàa Ntum 8:40

Filiv lòo sìn, a wù sì é ntèʼ yee Asotur. Wù nèn a shaà, a fìʼtì sáʼka Nyùy wo juŋ ntèʼ sidzə̀m, e dù, e mèé e mvə̀mlaʼ Sisaria.

1 Samuel 4:11

Wír veé Filistiàa kfən faàsì ŋkùv mensàŋ Nyùy, e yùyrí sa wón Eli vee abaà vee Hofni wùn Finehas.

Joshua 11:22

Bó kiŋgáʼ ke wìr ki yòʼ‑oò lo bèr e wír veé Israyí nsay. Kù‑uù mày Gasa wùn à Gat, à Ashdod fo wír vìne‑eè berin ashàr.

Nsùyrì Nyùy 78:61

e màʼtì, aŋgaà vév vibàné faásí ŋkùv mensàŋ, kisəəm ke kí din vijuŋ wùn à vitaáví və́ kí láy fó wòŋ.

Aysaya 20:1

Yì‑iì dzə̀ é ghan se Fòn Sargon woo fon woó Assiriya‑aà tsənsin kitú kfə́ ké vé rər é Ashdod, kí dù, e ghìʼ ŋkàlaʼ rə̀n e rə́r sí, e tòn,

Amos 3:9

Kí nén a dzə jii, á ku dù, e fùŋ á e ntoʼ yeé Ashdod, e fùŋ sáa e yeé Ejiv jii, áwune ku fəə̀, e bàʼtí aàgwan veé Samaria, e yèn á mbvəərì wo wù dzəə̀n fó, á leéy á táy ye á táy wíri fó.

1 Samuel 6:1

Ŋkùv mensàŋ Nyùy Tàr wáa dzə e wòŋ woo Filistia, kí meé ŋwee saàmbà,