1 Samuel 4:9 - ŊWÀʼ NYÙY

⁹ Wír veé Filistia, vèn kúr shilív shí. Vèn tiím moo vilum. Là bey, bo vèsən yíi a dzə akwǎn wìr veé Isray mo áwune‑eè dzəə̀n akwàn vesən. Vèsən funen moo vilum.»

1 Samuel 4:9 Referans Kwoze

1 Korin 16:13

Kén kí nén a dzə jii, vèn ku wày a dzə̀ á vifií, a tiy kitávín é kinyò ke Jesus Kristu ke vèn biimen. Vèn ghár melív men, é mè táv.

Atǎr Nsaʼ 13:1

Wír veé Israyi kfən lò, a yiì vinyo ve bi ví, a tinsín Nyùy Tàr, wù nèn wày áwune e wír veé Filistiàá sar, á sáʼ áwune kiyá mkweè.

2 Samuel 10:12

Kúr shilív shí, e tìím kitávín, é vèsən funen bìʼ wír vesən. Á ku fùnèn bìʼ ŋkà se laʼ se Nyùy wo wù kér vèsən, é wun woo Nyùy Tàr yii á kinyo ke kiìn wun.»

Aysaya 33:1

Lòné dzə̀ wón, ven ve vèn laar wíri, aá yòʼ‑oò ghàn ne laàr ven. Lòné dzə̀ wón, ven ve vèn kár menàŋ e wírí bàm, aá yòʼ‑oò ghàn ne kàr e věn bàm. Vèn yíi laàr, kén kí mayì, aá laar sá ven. Vèn yíi kar, méen mè mayì, aá fiine sá ven.

Atǎr Nsaʼ 10:7

Dòʼshwiiy Nyùy Tàr ŋáʼáy kùm wír veé Isray e dzəə ye biibí, wù nèn wày áwune e wír veé Filistia wùn à veé Ammoné wo.

Aysaya 14:2

Wír veé Israyi wíy kfən e bàm aáwuné wòŋ, a wíy lì vitúm áwune, e bóo kfən sho. Á kfə́n e nsay ye Nyùy‑iì foon aáwune, aá nèn yòv vitúm vìn, à wiíy, à lùmèn, aá wáa dzə fo ji wír vév kibàm. Á bèy, é wír veé Israyi nèn yòv lèn wír ve vé‑eè koorin áwune fó mbìy, a fo sáʼ lèn e wír ve vé‑eè rə́si nəʼsì áwuneé.

1 Samuel 4:8

Ŋgeʼ si dzə̀r ne e vèsə́n kitu. Yíi fəə́r la vèsən fo anyùy ve tavín viné wo? Dzə̀ anyùy vee shooy ve vé‑eè màʼàn kfəə́ se ŋgeʼ se tavkín sí sidzə̀m e wír veé Ejiví kitu e woʼ.

1 Samuel 14:21

A wír veé Isray ámóʼó‑oò lò, e tàtí ŋgoo wìr veé Filistia, é bo á wiy, a koʼ e kilaʼáy. Vee shooyi nèn lò, e jàv ŋgoo lèn e tàtí wír veé Isray ve vé‑eè dzəə̀n wùn à Saul, à Jonatan.