1 Samuel 4:18 - ŊWÀʼ NYÙY

¹⁸ Mo wù toʼon ji á faàsì a ne ŋkùv mensàŋ Nyùy, Eli gbù fo ntaʼ kindzə̀msìbàm é shùu kày, e kìv kilòŋ, e kpù, bìʼ fo wù‑uù siìn ŋgàywìr, a wù kfə̀n dzərì. Wù wáa kpu bèy, a wù sáʼ ne wír veé Isray ji tàr nsaʼ kiyá mkweè.

1 Samuel 4:18 Referans Kwoze

Nsùyrì Nyùy 69:9

M kér shií fo wò lav e ŋàŋ, a wù baári e mǒ shiliv moo və́y. Liy se wíri shur wò sho si nen bìnkìr, e kfə̀n a dzə̀ e mǒ kitu.

Nsùyrì Nyùy 42:10

Aŋgàa vibàn vémé shur mo, e liy si, a m koó mo á sòv kiváv ké wìr e njoŋ kifa. Á jaʼ mo jáʼan jii, «Nyùy wò tèn fóo sə wò bìʼ ka?»

Nsùyrì Nyùy 42:3

Viyíkìr vém ví kù jòʼsì ne mensíy. M kù diy dìyìn e shùy, diy vitsə́ʼə́, a wíri kù jaʼ mo ghán sidzə̀m jii, «Nyùy wò tèn fóo sə wò bìʼ ka?»

Nsùyrì Nyùy 26:8

Nyùy Tàr, m koŋ lav yè ye à dzə́ sho, kirə́ʼ ke wíri yén vikuʼùy vé fo.

1 Samuel 4:13

Wù meé fó, a Eli dzə́ e wun ntaʼ e ghaa dzəə, yuúri virə́ʼ, bìʼ fo wù‑uù yaʼ feyì ji tàm kinyo ki kòóy á ŋkùv mensàŋ Nyùy. Eli‑iì dzə̀ kiyá nshòv waamé e mbvə̀ʼə̀ (98), a sí rəə́ səə́né ne, a bó wù yòʼ dzəə́ yén virə́ʼ. Mo wìr və̀y nəən é ŋkàlaʼ, e yòŋ kinyo ke kí kooyin, ŋkàlaʼ dzə̀m waámé tóŋ. Eli yú tóŋ rə̀y, e dzə̀r jii, «Kfə́ə toŋ yee béne dzə̀ yeé le?» Wìr və̀y nèn nyèŋ, e dù yèn Eli,

Cù 10:3

Mooser nèn yòŋ e Aaron jii, «Á kinyo ke Nyùy Tàr‑iì suuy e ghan se wù‑uù yòŋèn jii, ‹Fo wìr ve dzə̀ á wàa koʼtí e mǒ ghaŋ, m kù wíy a dìn mo m dzəə̀n jeéy, e ránén, a m wíy a ker ghvə́m e wìr dzə̀m si.› » Aaron yú bey, e kù nèn gòʼ kisə́sə.

1 Samuel 4:17

Wìr wo wù kì wìyìn e sáʼka və̀y bìnèr jii, «Wír veé Filistiàa tòn ne wír veé Isray, e yùyrí e dzəə ye biibí. Wón vé vee abaà vee Hofni wùn Finehasi sì aŋkfə. Á faàsì ne ŋkùv mensàŋ Nyùy.»

1 Samuel 4:19

Wiiy Finehas woo wán və wáa dzə e bvə́me, a wù sì fó mentsə̀m me dzə̀ə́. Wù yú sáʼka woo ji á faàsì a ne ŋkùv mensàŋ Nyùy, e kfə̀n yù ji tàr à lum və kpù á ne, lum və kpú á sa, wù nèn sàsìn a lum, e lùm bey, e nèn dzə̀ə́ wán. Wù‑uù lùm é ŋàŋ, vitaáví ví mày,

Atǎr Nsaʼ 15:20

Samson nèn a dzə tàr nsaʼ wìr veé Isray e ghan se wír veé Filistiàa‑aà kér vitaáví é nsay foo fèy, e sàʼ kiyá mbaà.