1 Samuel 4:12 - ŊWÀʼ NYÙY

¹² Wìr woó Benjamin wùmòʼ léʼ fó shùu rər é kishiíy fóo fèy, a dù e Shilo, a wù sátí ne ndzə̀y fó wùn, e kfə̀n yòʼ nsay e kitu.

1 Samuel 4:12 Referans Kwoze

Joshua 7:6

Joshua yú, e nèn saàsì ndzə̀y sə́, e gbù fo nsay, e tsə̀m sí wùn à kfə́m sé wìr veé Isray si wáa neŋ e mbìy ŋkùv mensàŋ Nyùy Tàr, e dù, e meé e ŋkuùr, aá yóʼ ne kibvər e kitu.

Ŋwàʼ Jov 2:12

e yiì lòo màʼ sí, e yèn Jov, aá dzə̀ə́ fo shintàm, e làa yòʼ dzə́ə kiíy wír woo shó. Á nèn waàmé a dzə̀ tóŋ, e sàtì vikúm fó wùn, a dìy, a kuúy kibvər, a waŋ e yuv,

Nehemia 9:1

Wáa dzə e kishiíy kee nshòv sikweè e mbaà, e ŋwee wo wú meen ji saàmbà və̀n, wír veé Israyi nèn kfə̀n bàʼtí ji á wàá lem á jíŋ, aá máʼ ne ndzə̀y sé mendzə̀n, e fə̀vrì vitú e kibvər ki.

2 Samuel 15:32

Fòn Davir kóʼ, e mèé e kitu ke gwan fo vé‑eè lo, á wàa cù Nyùy, Hushay woo wír woó Arek wìy ji wun yén á wun. A wù wiy e kibvər kí kitu, a ndzə̀y sí dzə̀ sisaasìn.

2 Samuel 1:2

Vishiíy ví lòo meé vitaár, wánlè nsùm wùmòʼ bvə́y fó, e ndzə̀y sí sisaasìn, e kibvər ki é kitu, a wù léʼ fo Saul kilaʼáy. Wù wìy bèy, e gbù e Davir si, e làʼ kitú fo nsay.

2 Samuel 13:19

Wù nèn saàsì ndzə̀y seé kilùm se wù‑uù màʼàn, e yòʼ kibvə́ e kitu, e neèr wó e kitu, a dù a toŋ kitávín.

Jeremia 26:6

bo m lo, e lovtí e lav cù rə̀n mo mò‑oò lovtin e Shilo, é vitúm veé kitu ke nsay vi wáa lì yír ŋkàlaʼ rə̀n ji liy ye á kuu wíri shó.› »

Esiker 24:26

M wíy yiì kinyo kìn e kishiíy kee shó, é wìr wo wù bòyìn léʼ fó fo, e wìy, e yòŋ e wò, áà yú e vituʼùr vé vi.

Esiker 27:30

Áwune wíy a bùr tóŋ, a dìy wò. Lóo toŋ, lóo dìy, aá wáa koʼór kibvər, a buʼ e kibvə.