1 Samuel 4:1 - ŊWÀʼ NYÙY

¹ Á bèy, kisúŋnìn ke Samuel ki ghánén woŋ Isray e dzə̀m. Wír veé Israyi nèn lò, e fəə̀ ji á du, e fùnèn wír veé Filistia. Áwune dù beè e Ebeneser, wír veé Filistiàa beè e Afek.

1 Samuel 4:1 Referans Kwoze

1 Samuel 29:1

Wír veé Filistiàa nèn lò, a baʼtí vé rər vév adzə̀m e Afek, wír veé Israyi wáa tam kév é ghaa ntoò ndzə̀v yeé ghaa Jesreel.

1 Samuel 7:12

Samuel lì tíy, e tùúy e kintìntìn ke Mispa wùn Shen. Wù‑uù shù yír kirə̀ʼ kin ji Ebeneser, shu bèy suuy jii, «E wìy meé lán, Nyùy Tàr kù sə́ ver.»

1 Samuel 5:1

Mo wír veé Filistiàa faàsìn ŋkùv mensàŋ Nyùy, e nèn lì fo Ebeneser, e dù sho e Ashdod.

1 Afòn 20:30

Kibér ke wìr ki léʼ, e dù e ŋkàlaʼ yee Afek, kayi dù, e keèsì, e yùyrí áwune wír nsə̀kì nshòv saàmbà e mbaà. Fòn Ben‑Hadad léʼ, e làáy e ŋkàlaʼ, e lav yee fó mvəm.

1 Samuel 3:11

Nyùy Tàr nèn sùúy e Samuel jii, «Leéy, e yèn, m wíy yiì kinyo ke tavín kí é Isray ke shúu wíy ma wir dzə̀m wo wù wíy yu kinyo kìn.

Joshua 19:30

Umma, Afek, e lì Rehov. Ŋkà se laʼ sév sidzə̀m si wáa dzə nshòv sibaà é mbaà, e bóo lì ntèʼ sév.

Joshua 15:53

Janim, Bet‑Tappua, Afeka,

Joshua 12:18

fon woó Afek, fon woó Lasharon,

Joshua 13:4

Nyùy suúy jii, «A dzə̀ á kù sə̀ nsay wìr veé Kanan e dzə̀m fo mbìv yee tsə́n, e kfə̀n sə̀ Meara wo kér wír veé Sidon, e sə̀ Afek e bìíy ŋgvən wìr veé Amor.

1 Samuel 4:2

Wír veé Filistiàa fəə́r vé rər vév, á dù tàrnín wùn à wír veé Israyi. Rə́r sí tám, áwune táv, e ghàʼ wír veé Isray, e yùyrí áwune ansə̀kì akweè.

Nsùyrì Nyùy 83:7

à veé Gebal wùn à veé Ammon, à veé Amaleki, e lì veé Filistia wùn à veé Tayàa.

Remrí 29:10

«Vèn sí tíy fèn e kishiíy ké lán ki, e Nyùy Tàr woo Nyùy wón si. Vèn tíy wir dzə̀m, a dzə̀ ji atǎr ram sí wùn à vilìmbìy vi, à ntom se saʼ si, e lì wir dzə̀m woó Isray.

1 Samuel 10:19

M dzə̀ Nyùy wo wù‑uù səən ven fo věn ŋgeʼ si, e sə̀ fo věn akíghàʼ. Yii bèy, a vèn mèŋ ne mo lán, a dzər ji m fó á ven fon. Á bèy, vèn báʼtí ri, e tìím e Nyùy Tǎr si, e ram sí ram sí, e tìím aàkáŋ aàkáŋ.› »

1 Afòn 20:26

Nèn a dzə e kimgbù ke wuu, Fòn Ben‑Hadad wùn à wír veé Siiriàa báʼtí rə́r, e kòʼ é Afek ji á funen á wír veé Isray.