1 Samuel 3:7 - ŊWÀʼ NYÙY

⁷ Kí wáa koóy bèy, a bó Samuel yòʼ‑oò ló ne kìíy mo Nyùy Tàr yii súŋnin e wìr.

1 Samuel 3:7 Referans Kwoze

Lim Aŋgàa Ntum 19:2

e dzə̀r aáwune jii, «Kiyoy ke Ranén kí‑iì lo wìy fo vèn é ghan se vèn‑eè wayin shilív e Nyùy wùn á?» Áwune bìnèr jii, «Vèr yòʼ‑oo yií ne yù ji kímóʼ kí dzə̀ á Kiyoy ke Ranén kí.»

Jeremia 9:24

Ghèén é wìr wáa sùmrì wún a dzə̀ ji, wun kìíy ne a mo kijuujùŋ, ji m dzə̀ á Nyùy Tàr wo wù yii shám wíri, tínen kinyo tìítiy, yii vinyo réŋ é kitu ke nsay. Á vinyo ve m yii tíy sho. Suuy mo woo Nyùy Tàr.»

1 Korin 13:11

Yì‑iì dzə̀ é ghan se mò‑oò dzəə̀n wánlè, a m súŋnin moo wánlè, kwàʼtì kinyo moo wánlè, yén vinyo moo wánlè. Yii bèy, m kúy, e nèn màʼtì liì wónlè woo shooy.

1 Samuel 3:6

Nyùy Tàr kfən jàŋ Samuel. Wù nànèn, e dù yèn Eli, e sùúy sho jii, «À kì jàŋ mo, mo və̀ne.» Eli yòŋ jii, «Wan wòm, m yoʼ lò jàŋ wò. Kfə́n, e dù neèm.»

1 Samuel 3:8

Nyùy Tàr kfən jàŋ Samuel fo akàŋ vee ataár, wù túm é yuv, e dù, e yèn Eli, e sùúy sho jii, «À kì jàŋ mo, mo və̀ne.» Eli nèn kìíy ji kì jàŋ á Nyùy Tàr wán və̀n.