1 Samuel 3:4 - ŊWÀʼ NYÙY

⁴ Nyùy Tàr nèn lò jàŋ Samuel. Wù biímé jii, «Mo və̀ne,»

1 Samuel 3:4 Referans Kwoze

Aysaya 6:8

M yú jí Nyùy Tàr, a yì súŋnin, gháy jii, «Mo‑óò túm la? Yí‑íì li la kirə́ʼ kér, e lò ntum rə̀n?» M nèn bìnèr jii, «M dzə̀ kibáʼtín, túm ri mo.»

Nsùyrì Nyùy 99:6

Mooser wùn Aaron‑eè dzə̀ wír fo atàá cù vəə́ mvəm, Samuel wáa dzə sa wír fo ve vé‑eè li kilíŋ ke wíri, bunrì. Áwune‑eè tòŋ e Nyùy, wù yú tóŋ yév.

Ŋwàʼ Fəə 3:4

Nyùy Tàr yén, a wù kóʼti fo mentsə̀m ji wun leéy, e nèn yòŋ fo mvə̀m kicì jii, «Mooser, Mooser.» Wù biímé jii, «Mo və̀ne.»

Kèʼlo 22:1

Nyùy nèn wìy lò, e mùm Abraham. Wù‑uù jàŋ wun ji Abraham. Wù biímé jii, «Mo və̀ne.»

1 Korin 12:28

A Nyùy‑iì lèm ne wíri, á wáa yiì lim jeéy jeéy é kintatì ke dzəə̀n ké wìr və́ kin. A vé mbìyi dzə̀ ve dzəə̀n aŋgàa ntum Jesus Kristu, ve á batiné dzə̀ wír ve á lo, á wàa yu kinyo fo wun woo Nyùy, a tiisí e wíri, ve á meen ji ataári nén a dzə wír ve á tóʼti kinyo ke Nyùy e wíri. Aámóʼó dzə̀ ve wù‑uù foon vitaáví, á wáa yiì vinyo ve ghaʼtín ví, ámóʼó wáa fèr kév a dzə̀ aŋgàa yàsí. Wù kfən lèm ámóʼó, á wáa sə wíri, ámóʼó wáa sìysì vinyo ve kintatì, ámóʼó lo, á wàa suŋnín lám se bó á yòʼ kiìn.

Lim Aŋgàa Ntum 9:4

Wù gbù fo nsay, e yù, a jì wìr yoŋ wun jii, «Saul, Saul, à ron wúu yém ben bìʼ ká?»

1 Samuel 3:5

e nèn lèʼ, e dù yèn Eli, e sùúy sho jii, «À kì jàŋ mo, mo və̀ne.» Eli suúy shó jii, «M yoʼ lò jàŋ wò. Kfə́n, e dù neèm.» Samuel nèn dù e neèm.

Kèʼlo 22:11

Nshìylav Nyùy Tàr yòŋ fo yuv jii, «Abraham, Abraham.» Wù bìnèr jii, «Mo və̀ne.»