1 Samuel 3:2 - ŊWÀʼ NYÙY

² Yì‑iì dzə̀ é ghan sin, a sí Elií sí səə́ne, a bó wù yòʼ dzəə́ yèn virə́ʼ kijuŋ. Wáa dzə vitsə́ʼ vímóʼ ví, Eli wáa neŋ, a buuné e wun mbìv,

1 Samuel 3:2 Referans Kwoze

Nsùyrì Nyùy 90:10

Dzəʼə̀m wìri kù sí mee a dzə̀ kiyá msaàmbà, kìn mwaamé fo wo wù tavin, yii bèy, a kù dzə̀ sorkìr wùn à ŋgeʼ si. Dzəʼə̀me nèn kù mày, vèr nèn shaà shaàn.

Kèʼlo 48:10

Wáa dzə e ghan sin, a sí Israyi sí səə́ne, a bó wù yòʼ dzəə́ yén virə́ʼ kijuŋ bìʼ vidzəənè, Joosev nèn lì wón viy, e kòʼór e tàr wov Isray mentsə̀m. Wù shàʼtì áwune, e baàmé,

Kèʼlo 27:1

Aysi wìy dzə̀ʼə̀m, e dzə̀n, síi fìr. Wáa dzə e kishiíy kímóʼ kí, wù jàŋ Esav woo wán və mbìy, e sùúy sho jii, «Wan wòm.» Wù biímé jii, «Mo və̀ne.»

Kèʼlo 48:19

Tàr wov sháʼnín, e sùúy jii, «M kì mbà, wan wòm. M kì. Wù wíy a dzə sa kitúm ke kuʼùn kí. Yii bèy, bám rəə́ wíy kùʼ, e shaà wun, é rám rəə́ wáa dzə vitúm vitúm.»

Ŋgaà Tàrvìnyò 12:3

Rúrú, wánlè nsùm, kú a kuumé ŋgaà mbom wò, é bo shwín sé si wìy a yàʼ, é lav yè gbu. Kù dzə̀ ghán se ntav wíy kivín a ŋgòʼ se kiban si yòʼ dzə̀ə́ sinín, a vileèy vi sí leékirì.

1 Samuel 2:22

Yì‑iì dzə̀ é ghan sin, a Eli dzə́n ne feyì. Wù kú a yu vinyo vidzə̀m ve wón vəə́‑əə̀ yii e wír veé Israyi, kfə̀n yú sa mo vé‑eè néŋ e vikìy ve vé‑eè lim e shùu kibàn ké Nyùy Tàrí.

1 Afòn 14:4

Wiiy ntoʼ ku nèn yiì mo fòn kì suuyin, e dù fo Ahija wùn e wun laʼ e Shilo, a Ahija yòʼ dzəə́ yén virə́ʼ, bìʼ fo wù‑uù dzə̀nèn ne, sí rəə́ wáa səəné.