1 Samuel 3:12 - ŊWÀʼ NYÙY

¹² Kishiíy kí wíy gheén, é m maʼ ŋgeʼ sidzə̀m se mò‑oò yòŋèn e Eli kfəə, é la yìmòʼ yòʼ bèr.

1 Samuel 3:12 Referans Kwoze

Ŋwàʼ Luk 21:33

Yúv wùn à nsay wìy mày, a jí sém sí kù wíy a tiy fo.

Sekariya 1:6

Yii bèy, kinyo kidzə̀m ke mò‑oò yiìn aŋgàa ntum vémé yíysí, e kàntì atàr vén shó, kí kù‑uù ghèén aáwuné kitu. Áwune nèn bìnèr melív mev, e sùúy jii, ‹Nyùy Tàr woo Taà Mànjòŋ lòvtí e vèr mo wù‑uù kàʼàn, réŋréŋ mo liì wor kisaŋ wùn à njiìn wor wo bi‑iì dzəə̀n.› »

Joshua 23:15

Mo Nyùy Tàr yiìn ne vinyo ve juŋ ve wù‑uù kàʼàn ven shó vidzə̀m, bo kù dzə̀ sá mo dzə̀ wù wìy yiì ve bi ví vidzə̀m, e màʼ ŋgeʼ e věn kitu, e meé mo wù‑úù laar ven fó nsay ye juŋ ye wun woo Nyùy Tàr woo Nyùy won‑eè foon e vèn.

Kintaŋ 23:19

Nyùy yòʼ dzə̀ wir msòŋ, e bó a boʼtí kimboʼtì. Wù yòʼ dzə̀ wan wìr msòŋ, e bó a kuvsín kwaʼtì rə́. Wù‑uù yiì ne sùúy kinyo, e làa yòʼ wìy yiì a? Wù‑uù yiì ne kàʼ kinyo, e làa yòʼ wiy yiì kíwun a?

Esiker 21:5

Á bèy, é wìr dzə̀m nèn kìíy ji mo woo Nyùy Tàr, m shòʼ á ne nyùy rə̀r, a bó yòʼ dzə̀ m kfə̀n siìr fo.›

Atǎr Nsaʼ 4:24

Vitaáví vé wìr veé Isray vi nèn kù a kuy, a dù duùn, á wáa fùnèn Jabin kitávín kitávín, e meé e ghan se vé‑eè laàrìn wun woo fon woó Kanan.

1 Samuel 4:11

Wír veé Filistiàa kfən faàsì ŋkùv mensàŋ Nyùy, e yùyrí sa wón Eli vee abaà vee Hofni wùn Finehas.

1 Samuel 4:17

Wìr wo wù kì wìyìn e sáʼka və̀y bìnèr jii, «Wír veé Filistiàa tòn ne wír veé Isray, e yùyrí e dzəə ye biibí. Wón vé vee abaà vee Hofni wùn Finehasi sì aŋkfə. Á faàsì ne ŋkùv mensàŋ Nyùy.»

1 Samuel 4:21

Wù shù yír wan ji Ikabod, shu bèy, suuy jii, «Viwìr veé Isray vi dù ne.» A wù‑uù shu bèy, bìʼ fo vé‑eè faàsìn ne ŋkùv mensàŋ Nyùy, tàr à lum və kpú, á kfən yùyrí lúm və.

1 Samuel 4:22

Wù nen kù yòŋ jii, «Viwìr veé Isray vi dù ne, bìʼ fo á faàsìn ne ŋkùv mensàŋ Nyùy.»