1 Samuel 3:11 - ŊWÀʼ NYÙY

¹¹ Nyùy Tàr nèn sùúy e Samuel jii, «Leéy, e yèn, m wíy yiì kinyo ke tavín kí é Isray ke shúu wíy ma wir dzə̀m wo wù wíy yu kinyo kìn.

1 Samuel 3:11 Referans Kwoze

Habakuk 1:5

«Vèn ku wày sí e vitúm ví wùn, é vèn yén viŋgaʼnìn ve vinyò, é shúu má ven. M sí lo, e yiì kinyo e věn ghan, e dzəə ye a kì suuy wír, la vèn yòʼ biìmé.

Lim Aŋgàa Ntum 13:41

« ‹Ven ve á shéʼ Nyùyi yuúrí. Vèn wíy a ker gháʼ, a kpukír. M wíy yiì kinyo e věn ghan, é vèn wáa yu, e làa yòʼ a biimé.› »

Jeremia 19:3

M yií du, m yòŋ á jii, éè afon veé Juda wùn à wír veé Jerusaleme, á yuúrí á kinyo ke Nyùy Tàr woo Taà Mànjòŋ, wun woo Nyùy wìr veé Isray suuy ki. Wù suuy jii, «Vèn yuúrí e yù, m yíi màʼ ŋgeʼ ye tavín é kirə̀ʼ fen, wìr wíy yú, é wúné kuúsí wun.

2 Afòn 21:12

Á bèy, mo woo Nyùy Tàr, Nyùy wìr veé Isray nén a suúy jii, m lo, e màʼ ŋgeʼ ye tavín e Jerusalem wùn Juda kitu, e màʼ e dzəə ye shúu má wir dzə̀m wo wù yíi yu.

Ŋwàʼ Luk 21:26

Wíri wíy a fàn, a yàʼ, bìʼ fo á wíy səə̀m ji kimbeemè ke kinyò ki sí wìy koóy e nsay. Vifá ve ví sə́ŋnin e yuv ví wíy a nyeŋnín vidzə̀m,

Aysaya 29:14

Bìʼ bey, m kù yíi shaà fo mbìy, a yiì vinyo ve ví wáa shaà ve a dzə̀ wìr msòŋ yiì, m lóo yiì, é shuu wóví wáa ma. Kitan ke vifii kí wíy koo afií vév, é la akiíy véví yòʼ dzə́ə a kiíy jeéyjeéy fó vinyò.»

Aysaya 28:19

Kúŋ wíy a fəə, a fə̀m dzə̀ é ghàn ka, é wù kú a leér ven. Ke kí dzəə̀n kí dzə̀ jii, wù wíy a fəə mo kijàvndzə ki dzəə̀n, a fəə e shùy, a fəə vitsə́ʼə́.» A vèn yù ntum rə̀n, e kìíy nsàv, bo tímé kù‑úù kpú fo věn bvə̀m.

1 Samuel 3:10

Nyùy Tàr wìy, e tìím fo, e kù jàŋ mo wù kì sí jaŋè ji Samuel, Samuel. Samuel nèn yòŋ jii, «Á suŋnín, ŋgaà lìm wò yuúri.»

1 Samuel 4:10

Á bèy, wír veé Filistiàa nèn fùnèn, e tòn wír veé Isray, kibér ki léʼkír, e dù aáwuné melaʼ. Kilày ki‑iì dzə̀ kigháʼán. Wír veé Israyi lày vé rərí nsə̀kì mtaár, aàdzə̀me‑eè dzə̀ ve vé‑eè ghán e kiwuú kí.

Ŋwàʼ Jov 41:9

«Rúrú, kwaʼtì yee ji a dzə̀ wìr koò wune shaà fo ghaŋ. Wìr yén wun, vitaáví ví wèʼ wéʼen, wù gbù gbúun é nsay.