1 Samuel 3:10 - ŊWÀʼ NYÙY

¹⁰ Nyùy Tàr wìy, e tìím fo, e kù jàŋ mo wù kì sí jaŋè ji Samuel, Samuel. Samuel nèn yòŋ jii, «Á suŋnín, ŋgaà lìm wò yuúri.»

1 Samuel 3:10 Referans Kwoze

1 Samuel 3:8

Nyùy Tàr kfən jàŋ Samuel fo akàŋ vee ataár, wù túm é yuv, e dù, e yèn Eli, e sùúy sho jii, «À kì jàŋ mo, mo və̀ne.» Eli nèn kìíy ji kì jàŋ á Nyùy Tàr wán və̀n.

1 Samuel 3:9

Á bèy, Eli suúy e Samuel jii, «Dù e neèm. A wù kfə̀n jàŋ wò, à yòŋ jii, ‹Nyùy Tàr, á suŋnín, ŋgaà lìm wò yuúri.› » Samuel nèn dù, e neèm fo wù‑uù néŋé.

1 Samuel 3:11

Nyùy Tàr nèn sùúy e Samuel jii, «Leéy, e yèn, m wíy yiì kinyo ke tavín kí é Isray ke shúu wíy ma wir dzə̀m wo wù wíy yu kinyo kìn.

1 Samuel 3:15

Nyùy súŋnín bey, Samuel kú a neŋ fo. Ndzə yiì ràn, wù mvə̀ʼtì shuu se kibàn ké Nyùy Tàr, a wù fan fóo yòŋ e Eli kinyo ke Nyùy kì ghemen ndzə, e yìi, wù yú.

1 Samuel 3:21

Nyùy kú a wìy e Shilo akàŋ akàŋ, a dìn kitú kfə́ e Samuel, a suŋnín e wun.

1 Samuel 12:2

Vèn sí kér wun lèn ji kilìmbìy kén. M dzə̀n ne kém, e fə̀r fə́rín, a wón vémé dzə̀kìr fen vèn áwune. Mò‑oò dzə̀ kilìmbìy kén, e kèʼ fo meterí, e wìy shem lán.

Joshua 5:14

Wù bìnèr jii, «Nyaa mò, m dzə̀ kém tàá mfòóme Nyùy Tàr, bó m yoʼ wìy wír wùmòʼ.» Joshua nèn gvə̀ʼtí e wun si, e tsə̀m sí fo nsay, a ghvəm wun, a ndzəy jii, «Kfə́ə ntum ye Nyùy Tàr kér bìʼ kwàn və́ bèn dzə̀ ji ka?»