1 Samuel 24:9 - ŊWÀʼ NYÙY

⁹ e sùúy e Saul jii, «Sà bìʼ ka mo á yuúri wír ve á suuy e fòn ji m wày ji m yúyrí wun a?

1 Samuel 24:9 Referans Kwoze

Ŋgàn 29:12

A taà saʼ yuúri fo vé kimboʼtìi, vé lìm və́ adzə̀me bìr.

Jeem 3:6

A kiliímé ki kù dzə̀ moo və́y vən. Vinyo ve bi veé ndzə vidzə̀m vi tàtí, a tiy a dzə̀ é kiliimé, e nèn ràm fo fo, e bìvír wún wìr e dzə̀m. Dzəʼə̀m wìri lo, yí bìr e dzə̀m mo ŋgaàŋ shwì a dzə̀ é və̀y. A kù sə̀ʼ kiliímé və́y woo shooy, a kí lì a dzə̀ fo Satan kiy.

Ŋgàn 26:28

Wìr bóʼti wír, bo wù ban ŋgaàŋ bánen, a leerì yee leèrì wír e shúu kù dzə̀ ji wù maʼ ŋgaàŋ máʼan.

Ŋgàn 25:23

Shúu ŋgaà kinsuʼu kù yii wiy e dòʼshwiíy, mo mbàʼ ye sənér kù yii wiy e wuú.

Ŋgàn 18:8

Jí se ŋgaà kinsuʼ si nyom moo viyíkìr ve juujùŋ vi, nyom bèn, nəə́kir e wìr wùn.

Ŋgàn 17:4

Ŋgaà yiì ye bií yii yuúri a dzə̀ ntir se bi sí, a ŋgaà lam baà fó vituʼùr a dzə̀ é lǎm kisaŋe.

Ŋgàn 16:28

Ayìíkumé samèr melaà e wírí mvəm, a ŋgaà viduu bvəər ŋkar si.

Nsùyrì Nyùy 141:6

Á wíy way áwune e wír ve á tínen nsaʼ yeví kiwo, é wìr dzə̀m nèn biìmé ji kinyo ke Nyùy suuy ki dzə̀ á rú.

Nsùyrì Nyùy 101:5

M yíi laàr wír wo wù tóy kinyo e fər və́ bàm. Bó m yòʼ yíi fo kintóʼ e wìr wo wù kóʼor wún, wír wo wù kù yén a dzə̀ kitú kfə́.

1 Samuel 26:19

Nyàr, á ku yuùrí a kinyo ke m suuyì. A lòo dzə, a yií Nyùy Tàr ji á wáa jwim mo, bo a m yiì cu fo wun, yí kù yiì, wù kùvsín á kwaʼtì rə́. Yii bèy, wáa dzə, a yií wíri, ŋgeʼ Nyùy Tàr kù gbù aáwuné kitu, bìʼ fo á jùmèn ne mo fo Nyùy Tǎr wòŋ ji m wáa dzə e wòŋ wo dzə̀ m kù a ghvəm a dzə̀ anyùy kisaŋe.

Cù 19:16

Lá wìr yòʼ a ghan, a kùnsìn wíri, kìn ji wù tiím vinjen ji fə̀r nəə́ é ŋgeʼ. Dzə̀ mo Nyùy Tàr.

1 Samuel 20:1

Davir nèn lò, e nyèŋ fó Nayiot e Rama, e dù, e yèn Jonatan, e dzə̀r e wun jii, «M yèe le? Jay wom dzə̀ ka? M jày ka e tàr won, é bo wù wáa tàʼ ji wun yúyrí mo?»

1 Samuel 24:8

Davir fəə́ fó bam, e nàn jí, e bùn Saul ji nyàr. Saul bínkír, e lèéy bám. Davir tsə́m ndzəə́, e làʼ kitú e nsay,

1 Samuel 24:10

E kishiíy ké lán ki, á yèn ne a e sí rəə́ mo Nyùy Tàr wayin á fon e mǒ kiwo e mbvə̀ʼ fèn. Wír vém ámóʼó kì suuy ji m yúyrí á fon. Yii bèy, m bávtí á wun, e sùúy a jii, ‹Bó yòʼ dzə̀ m nàn á kiwó kém, e kìʼ a tàr wor shó, bìʼ fo yoʼon á Nyùy Tàr wun ji fon.›

1 Samuel 26:18

Wù kfə́n a dzə̀sì jii, «Fòn sà jwím mo woo ŋgaà və lìm bèn ji ka á? M sà yèe le á? Jay wom sà dzə̀ ka á?

Jeremia 37:18

Jeremia kfən bùn fon jii, «Nyàr, m sà jày ka e fòn wùn à vilìmbìy və́ ví, e jày e wír vìne ye á wáy mo é sháŋ á?

1 Samuel 20:41

Wàn lò, Davir nèn ŋàʼáy fo mbìv tsə̀n tìy, e tsə̀m ndzəə́ e Jonatan si, e làʼ kitú fo nsay akàŋ ataár. Áwune bámnín, e tòŋnín, yii bèy, Davir tóŋ kfə́ é ŋàŋ.