1 Samuel 24:4 - ŊWÀʼ NYÙY

⁴ Wír Daviri nèn sùúy e wun jii, «Kin ki dzə̀ kishiíy ke Nyùy Tàr‑iì yòŋèn é ghan se wù‑uù suuy e wò jii, ‹M wíy way ŋgaà vibàn wò e wò kiwo, áà lóvtí shó mo à koŋè.› » Davir ŋàŋrì, e dù, e tìn kór kikum ké Saul, la wù yòʼ kìíy.

1 Samuel 24:4 Referans Kwoze

1 Samuel 26:23

Nyùy Tàr yii lo, wù wàa laamé wir dzə̀m fo yiì ye juŋe wùn à yee tìítiyi. Lán və̀n, Nyùy Tàr kì wày ne fon e mǒ kiwo. Yii bèy, la m yòʼ yùyrí fon wo Nyùy Tàr yoʼon.

1 Samuel 24:10

E kishiíy ké lán ki, á yèn ne a e sí rəə́ mo Nyùy Tàr wayin á fon e mǒ kiwo e mbvə̀ʼ fèn. Wír vém ámóʼó kì suuy ji m yúyrí á fon. Yii bèy, m bávtí á wun, e sùúy a jii, ‹Bó yòʼ dzə̀ m nàn á kiwó kém, e kìʼ a tàr wor shó, bìʼ fo yoʼon á Nyùy Tàr wun ji fon.›

1 Samuel 24:18

Lán və̀n, à dìn ne mo à koŋ mo, bìʼ fo à yoʼ lò yùyrí mo, a Nyùy Tàr kì wày ne mo e wò kiwo.

1 Samuel 23:17

Jonatan kfə́n a suúy jii, «Lá à yòʼ a fàn. Bó yòʼ dzə̀ tàr wor Saul wàa ker dzə́ə yée yiì kinyo e wò. À kù wíy a dzə fon woó Isray, é m wáa dzə ntom yè, a tàr wor kì sá bèy.»

1 Samuel 23:7

Á suúy e Saul ji Davir dù a ne e Keyla, Saul bínsí jii, «Nyùy fèn wày ne wun e mǒ kiwo. Mo wù nəən é ŋkàlaʼ ye yí kér kay wùn à shuu se finèn sí, bo wù wày ne kitú kfə́ é sháŋ.»

Ŋwàʼ Jov 31:31

Bó wír ve á dzə́ vèr áwuneé yòʼ‑oò yiì ne yòŋ jii, wìr kì ghàn mo, m tén fó tar ŋgaàŋ.

2 Samuel 4:8

a dù e Hebron, e dù, e fò kitú kìy e Fòn Davir. Fó bèy, suuy jii, «Kitú ke Ish‑Boshet woo wan Saul ki kíne. Dzə̀ kitú ke ŋgaà vibàn fòn. Wù‑uù táŋ ji á laar á fon. Nyùy Tàr siìr ne ŋkfə́tir fòn lán e Saul wùn à rám rəə́.»

Ŋwàʼ Fəə 21:13

Wáa dzə, a bó wù yoʼ yùyrí e kúmé, a kì yiì ne mo woo Nyùy ji kí koóy bey, bo dzə̀ wù lèʼ, e dù e kirə̀ʼ ke m yíi dìn e vèn.

1 Samuel 22:1

Davir nèn lò, e nyèŋ fó Gat, e dù e mbvə̀ʼ ye yì dzəə̀n é ghaa Adullam. Afə́r və́ wùn à kfə́ə tàr woví yú ji wù dzə̀ á fo, e nèn sə̀y fó, e tàtí wun.

Nsùyrì Nyùy 57:1

Éè Nyùy, shám mendzən mem mè, ku shàm mendzən mem mè. M kù lir a dzə̀ e wò wùn. À kiŋsìn mo mo shinə́n shí kùʼtí wán, a m kù yíi a lìr, e meé mo ŋgeʼ si yíi sə̀ʼsì, e shaà.

Nsùyrì Nyùy 142:1

M tóŋ kitávín e Nyùy Tàr, búʼ wó feyì ji wù ku shàm á mo.