1 Samuel 23:2 - ŊWÀʼ NYÙY

² wù nèn beè Nyùy Tàr, e dzə̀r jii, «A dzə̀ m dù, e fùnèn wír veé Filistia a?» Nyùy Tàr biímé, e sùúy e wun jii, «Dù, e fùnèn, e bòyìr wír veé Keylàa.»

1 Samuel 23:2 Referans Kwoze

1 Samuel 23:4

Á bèy, Davir kfən beè Nyùy Tàr, Nyùy Tàr suúy e wun jii, «Sə́y é Keyla, bìʼ fo m yíi yiì, é vèn ton wír veé Filistia.»

2 Samuel 5:23

Davir kfən dù, e beè Nyùy Tàr. Wù suúy e wun jii, «Lá à yòʼ kèʼ rə́r fó mbìv fen. Dù, e kèʼ a dzə̀ fó bàm é ŋkìʼnìn vicì vé *balsam.

2 Samuel 5:19

Davir nèn beè Nyùy Tàr, e dzə̀r jii, «A dzə̀ m dù, e fùnèn wír veé Filistia a? À yíi way áwune e mǒ kiwo a?» Nyùy Tàr biímé jii, «Kóʼ fó, m kù yíi way wír veé Filistia e wò kiwo.»

Jeremia 10:23

«Éè Nyùy Tàr, m kì ji bó yòʼ dzə̀ wìr tìr kitú kfə́, a bó yòʼ jòʼsì wír, wù kìíy mó a tiír kiwuú kfə́, a fìʼ.

1 Samuel 30:8

Davir nèn dzə̀r e Nyùy Tàr ji wun sa nyoòrì wír ve á nəən wun vìn a? Nyùy Tàr biímé ji wù wàá nyoori, wù waà ló koo a áwune, e faàsì a wíri wùn à vifá ve á kuuyin ví.

1 Samuel 23:6

A kù‑uù dzə̀ é Keyla fèn fo Abiyatar woo wan Ahimelek‑iì wìyìn, e tàtí Davir, a wù kér shiŋkèéy shé kikum shé taà cù she wù‑uù lóo leʼ Saul, e lì, e wìy sho.

Joshua 9:14

Wír veé Israyi nèn mùmrì vifá ve yi ve wìr vìy, a bó á yoʼ dù beè Nyùy Tàr.

Nsùyrì Nyùy 32:8

Nyùy Tàr suuy jii, «M yíi dìn wò dzə́ə ye à wáa ghan sho. M yíi a yeʼéy wò, a tir wò mo à wáa yiì. M yíi a leéy wò fo à tín kiwuú.

1 Wòŋ 14:10

Davir nèn beè Nyùy Tàr, e dzə̀r jii, «A dzə̀ m dù, e fùnèn wír veé Filistia a? À yíi way áwune e mǒ kiwo a?» Nyùy Tàr biímé jii, «Kóʼ fó, m yíi way áwune e wò kiwo.»

Atǎr Nsaʼ 1:1

Joshua‑aà kpù, wír veé Israyi lò, e dù beè Nyùy Tàr, e dzə̀r jii, «Rám ye yí yíi tombìy dù fo věr mvəm, e fùnèn wír veé Kanane dzə̀ rəné?»

Kintaŋ 27:21

Wù wíy a tiím e taà cù Eleasar si, é wù wáa sə wun, a tàr kinyo fo Nyùy Tàr e Urim wùn à Tumim. Wíy a yòŋ wun woo Joshua, é bo wùn à wír veé Israyi wáa fəə e ndzə, a kù wíy a yòŋ wun, é bo á wáa kfən e bàm.»

1 Samuel 10:22

Á dzə́r e Nyùy Tàr ji ŋwèrín sà kù sì á? Nyùy Tàr bìnèr jii, «Wù sì, a wù lir e nsàn vibàm.»

1 Samuel 23:3

Wír Daviri nèn sùúy e wun jii, «Vèsən dzə́ e Juda fèn fan fan, bo a dzə̀ ji vèsən du é Keyla ji á funen wír veé Filistia, kí wàa dzə e le?»

2 Samuel 2:1

Ghán sí wìy lòo dù, Davir mbaà Nyùy Tàr, e dzə̀r ji wun sa kòʼ é ŋkàlaʼ yee Juda yìmòʼ, e dù, a saʼ fo a? Nyùy Tàr biímé ji wù wàá kóʼ. Davir kfən dzə̀r ji wun sa dù a dzə̀ é ŋkàlaʼ rəné á? Nyùy Tàr yòŋ ji Hebron.

1 Samuel 14:37

Saul nèn beè Nyùy, e dzə̀r jii, «M nyoori wír veé Filistia a? À yíi koo áwune, e fo e wír veé Israyi á?» Wù dzə́r bey, la Nyùy yòʼ bìnèr wun e kishiíy fóo fèy.