1 Samuel 22:8 - ŊWÀʼ NYÙY

⁸ Á kifá ke kí yiìn, vèn wáa woŋ wúu yém a? Wìr fo vèn yòʼ‑oò lo sùúy e mò ji wan wom koò ne a viŋkar wùn wan Jessi və̀y. Wìr fo vèn yòʼ kér shií fo mò, fə̀m yée suúy e mò ji wan Jessi woo wír fo wír vémé sí taʼ a dzə́ə yée yuyrí mo, kìn ji wan wom tóm a wun.»

1 Samuel 22:8 Referans Kwoze

1 Samuel 18:3

Jonatan nèn gwàr *mensaŋ wùn Davir, bìʼ fo wù‑uù koŋ wun mo wù koŋ kitú kfə́.

1 Samuel 23:21

Saul suúy jii, «Nyùy ku səə̀vì ven bìʼ koŋ ye vèn kér fo mò.

Ŋwàʼ Jov 33:16

wù nèn yiì, áwune kìíy vinyo, a dzə̀ sər ye wù sər áwune, a wún wóví beéme.

1 Samuel 20:42

Jonatan nèn sùúy e Davir jii, «Dù kijuŋ. Wòsò gwàr ne kikoŋnìn, e lìʼ e Nyùy Tǎr yir ji wù kù wíy a tiy a vinjen e wòsò nsàn, e dù, e mày, a tiy bèy sa e rám sesò sí nsàn.» Á bèy, Davir nèn lò, a dù, Jonatan wáa kfən e bàm é laʼ.

1 Samuel 20:8

Kii wò, ku dìn koŋ yée e mò, e yùŋrì *mensaŋ me wòsò‑oò gwàrìn e Nyùy si mè. A jày mo, wówò kitú ké, à yùyrí mo. Shií wo à kfən lì mo, a fo a dzə̀ e tàr won ji wù yúyrí dzə̀ wo gha?»

1 Samuel 20:2

Jonatan bìnèr jii, «Bó yòʼ dzə̀ kee shooy kí kòóy. Wù yòʼ yíi yuyrí wò. Leéy, e yèn, bó yòʼ dzə̀ tàr wor yiì kinyo ke kí meen é kinyò, kìn kee fó tèr, a bó wù bí mo. A dzə̀ wù ghàn é le, e bóo lìtì kin fo mò? Kí yòʼ dzə̀ bey.»

1 Samuel 22:13

Fòn Saul dzə́r jii, «Bìʼ ka mo vèn wàn Jessi wóŋ wúu yém? Bìʼ ka mo wò‑oò foon viyíkìr e wun, e kfə̀n fò nyùy shó? À kfən lì kinyo kfə́, e beè Nyùy sho, a wù bìnkìr ne lèn, e kìʼ mo, a tàʼ dzə́ə yée neèr mo.»

1 Samuel 18:1

Davir wùn Saul súŋnín e màysì bèy, Jonatan nèn a kòŋ Davir shilív sə́ shidzə̀m réŋréŋ mo wù‑uù koŋ sa kitú kfə́.

2 Afòn 6:11

Vifií vé fòn woó Siiria vi‑iì bvəə́ri, bìʼ kinyo ke kí‑iì kooy kìn. Wù nèn tòóy atǎr ntoʼ və́, e dzə̀r aáwune jii, «Dzə̀ la e vèsə́n mvəm, wo wù li vinyo, du, suuy e fòn woó Isray? Vèn yoŋ ŋgaàŋ e mò.»