1 Samuel 22:7 - ŊWÀʼ NYÙY

⁷ Saul nèn sùúy aáwune jii, «Ven vee wír veé Benjamin, vèn yuúrí. Vèn kwaʼtì ji wan Jessi və̀y wíy fo ven súm sí, e fo ven viboó vé vitiír vé *vayin à? Vèn kwaʼtì ji a dzə̀ wù lèm ven ji amfòómé və́ a?

1 Samuel 22:7 Referans Kwoze

1 Afòn 12:16

Wír veé Isray adzə̀me yén ji fòn yoʼ biìmé a kinyo kév, e nèn sùúy e fòn jii: «Vèr kér ka e Davir mvə̀m kfəə? Vèr yòʼ kér kilíŋ e wàn Jessi mvəm. Éè wìr veé Isray, wír a e wun kibàn. Kfə́ə Daviri wáa leey rì fo rə́ə yee lav.» Á bèy, wír veé Isray veé mbìv yee kuyi nèn kfə̀nkír aáwuné melaʼ.

Aysaya 11:10

Ghán sin si wíy gheén, é taà saʼ wo fíy wo wù wíy fəə fo Jessi ram tiím moo cícíwàr fo wìr dzə̀m woó kitu ke nsay. Vitúm vi wíy a mèʼèm, a wìy, a yen wun e wun kirə̀ʼ ké dzə, a ghvəm wun.

Aysaya 11:1

Á bèy, taà saʼ wo fíy wíy fəə fo Jessi woo tàr à Fòn Davir ram, rám, a yí sì moo kicí ke á bàʼàn, ku gòʼ kiŋkfəy ke kinyè. Rúrú, kí wíy tokír, é tám wo fíyi fəə́ fó ghaŋ fóo fèy, a kuy.

2 Samuel 20:1

Ŋgaà ŋgeʼ ye foón wùmòʼ wáa dzə e Gilgal foo fèy, a yír rəə́ dzə̀ Sheba, a dzə̀ wír woó kfəə Bikri, a dzə̀ rám Benjamin. Wù nèn lò, e tòŋ sóŋ, a waamé, a suúy e wír veé Israyi jii: «Á mèŋ ne vèsən fó wìr Davir. Vèsən fəə́ fo wàn Jessi kinyò. Àáy, wìr veé Isray, vèsən wáa kfənkír e melav.»

1 Samuel 25:10

Nabal nèn lò bìnèr jii, «Davir və̀n dzə̀ la? Wan Jessi və̀n dzə̀ la? Akwàn aníne sí nyéŋkir fo atàr véví e ghan fen.

1 Samuel 22:13

Fòn Saul dzə́r jii, «Bìʼ ka mo vèn wàn Jessi wóŋ wúu yém? Bìʼ ka mo wò‑oò foon viyíkìr e wun, e kfə̀n fò nyùy shó? À kfən lì kinyo kfə́, e beè Nyùy sho, a wù bìnkìr ne lèn, e kìʼ mo, a tàʼ dzə́ə yée neèr mo.»

1 Samuel 22:9

Doeg woo wír woó Edom wo wù‑uù tíy wùn à nsheèlav si suúy jii, «Mò‑oò yèn wan Jessi və̀y, a wù wíy, e yèn Ahimelek woo wan Ahituv e Nov.

1 Samuel 20:30

Kilòŋ kí nèn shwìíy Saul, wù ŋáʼáy e Jonatan wùn, a suúy jii, «Kinyo ke yè won kí kù dzə̀ e wò bvə̀m. M yèn ne ji à suùsín ne a wó vèn wan Jessi və̀y, e nèn shòór kitú ké, e shòór yè won woo dzəə́ wò.

1 Samuel 20:27

Kfə́n a dzə e kishiíy ké ŋkàʼ ke kí‑iì batin, kirə́ʼ ké Davir ki kú a dzə kisáŋ. Saul nèn dzə̀r e Jonatan jii, «Yì‑ii yii ka, bo wan Jessi və̀y buú fó viyikìr e yooné, e kfə̀n bùú lán?»

1 Samuel 18:14

A virə́ʼ vidzə̀m ve wù‑uù maʼ rə́r fó, wù kù‑uù ton tònèn, bìʼ fo Nyùy Tàr‑iì dzəə̀n wùn wun.

2 Samuel 18:1

Davir nèn bàʼtí vé rər və́, e lèm amfòómé ve á wáa wam wíri nsə̀kì, nsə̀kì, ámóʼó wií wií.

1 Wòŋ 12:16

Wír ámóʼó kfən lò sa fo rám Benjamin, ámóʼó fó rám Juda, a wìy ji á tátí á Davir fo wù‑uù lirì.