1 Samuel 22:3 - ŊWÀʼ NYÙY

³ Davir kfən lò fo fo, e dù e Mispe e wòŋ Moav, e sùúy e fòn woo fó jii, «Nyàr, á wàá ku màʼtì, é tàr wor wùn yè wor wiy, a dzə a wùn à fòn, e dù, e meé a mo m yíi yen kinyo ke Nyùy yíi yiì e mò.»

1 Samuel 22:3 Referans Kwoze

1 Timoti 5:4

Lóo dzə wo wù kér wón wùn à wón won vəə́, bo dzə̀ kù a leéy áwune fo yè wov, e bó a leéy dzə́ə. Dzə̀ kirə́ʼ kév lèn fó a leéy fo atàr vév wùn aàyìy véví mo vé‑eè leey fo áwune. Dzə̀ kee shooy ke Nyùy koŋ ji á wáa yiì.

1 Samuel 14:47

Sáʼ Sauli yiì tùúy e Isray, wù nèn kèʼ a fùnèn aŋgàa vibàn və́ adzə̀m veé Moav wùn à veé Ammon, à veé Edome, e bóo lì afon veé Tsoba wùn à wír veé Filistiàa. Virə́ʼ vidzə̀m ve wù‑uù màʼàn rə́r fó, wù kù‑uù tòn tónen.

1 Samuel 3:18

Samuel nèn kwèr kinyo kidzə̀m e Eli. Eli nèn sùúy jii, «Dzə̀ wun Nyùy Tàr. Wù ku yiì kinyo ke kí gheenen wun.»

Ŋwàʼ Rut 4:17

Vikìy veé ntèʼé shù yír wan ji Obed, a fìʼtì e wíri ji Naomi kòóy ne a wán lumèn. Obed nèn wìy dzə̀ə́ Jessi woo tàr à Fòn Davir,

Ŋwàʼ Rut 4:10

A m kù sí lem sa Rut woo wan wìr Moav, wo dzəə̀n wiiy ŋkfə Maalon. M lem ji vèr wun fíʼ dzəə́ wán wo wù wíy yi vitsə́ʼ vee shooy, fo rám ŋkfəsàyi lay fó kfəə fèn wùn à fó ntèʼ. A vèn tíy vinjen e kishiíy ké lán ki.»

Atǎr Nsaʼ 11:29

Kù é ghan see shooy, Kiyoy ke Nyùy ki wìy, e bànrí Jefta, wùn à vé rər vəə́ ŋáʼáy, a shaà e mvə̀m wòŋ Gilead wùn Manasse, e dù e Mispa e nsay Gilead foo fèy, e bóo dù, e ghiʼ wír veé Ammon.

Ŋwàʼ Fəə 20:12

«Ghvə́m tàr won wùn yè won, áà fiʼ wìy dzə̀ʼə̀m ntàmda e nsay ye Nyùy Tàr woo Nyùy won sí fó e vèn.

Kèʼlo 47:11

Joosev ku nèn dzə̀ʼə̀r tàr wov wùn aàfə́r vəə́ é wòŋ Ejiv fèy, e fò áwune kirə́ʼ é mbìv wòŋ ye juujùŋ ye yì dzəə̀n é Rameses réŋréŋ mo Farao‑oò suuyin.

1 Samuel 22:2

Wíri nèn wìykìr, e bàʼtí e Davir ghaŋ moo ghii kweè bèy, a kù dzə̀ wír ve vé‑eè dzə́ e mvə̀m ŋgeʼ wùn à veé mvə̀m kaa, à ve sáʼa yòʼ‑oò ló a gheén áwuneé, wù wáa dzə kilìmbìy kév.

1 Samuel 22:4

Á bèy, wù nèn màʼtì áwune e fòn woó Moav. Á ku nèn a dzə wun à fòn ghán sidzə̀m se Davir‑iì laay e virə̀ʼ vé kilìr.

2 Samuel 8:2

Wù kfən tòn wír veé Moav, e sùúy, wír ve vé‑eè koon é kwaʼ rərí neèm fo nsay ataár ataár, wù yúyri vee abaà, wù màʼtì wo mòʼón. Wír veé Moavi nèn nə̀ə́ e Davir sar saʼ, a fo nshwì e wun.