1 Samuel 20:3 - ŊWÀʼ NYÙY

³ Davir nèn sùúy jii, «Tàr won kì kijuŋ feyì ji à koŋ a mo. Á kifá ke kí yiìn, la wù yòʼ yiì ji à kiíy á kinyo ke wù taʼ e yiì, bìʼ fo kí yíi a nyar wò. M wáa suúy e wò, a kàn yír Nyùy Tàr ji kpú yémé sì á e kiwo.»

1 Samuel 20:3 Referans Kwoze

2 Afòn 2:6

Elija kfən siì sùúy e Elisha jii, «Kii wò, gòʼ fen, bìʼ fo Nyùy Tàr tumen mo ji m du á e shùu ndzəv yee Jordan.» Elisha kfən siì yòŋ jii, «Mo Nyùy Tàr dzəə̀n shó, aà kfə̀n dzə̀ shó, yòʼ dzə̀ m màʼtì wò.» Á bèy, áwune vee abàá nèn a dù.

1 Samuel 27:1

Davir nèn lò, a kwàʼtì fo wun shiliv jii, «Kishiíy kí kù wiyì ke Saul yíi yuyrí mo. Bòŋ ke m nyéŋ, e dù e wír veé Filistiàá wòŋ, Saul yií taʼ mo ntéŋ fo wír veé Israyí mvəm, dórí, bo m bòy ne.»

1 Samuel 25:26

M nén a suúy e tàr wor jii, mo Nyùy Tàr kìmèn ne wun fo wù yúyrí wír, e siìr ŋkfə́tír e kiwó kfə́ kí, wù wáa kiíy a jii, mo Nyùy Tàr dzəə̀n shó, a tàr wor dzə̀ shó, aŋgàa vibàn vəə́ kù wíy a ker a ŋgeʼ a dzə̀ yìwun ye Nabal wíy a ker, a kù dzə̀ mo wìr dzə̀m wo wù wóŋ wuú tàr wor wíy a ker.

Remrí 6:13

Vèn wáa ghvəm Nyùy Tàr woo Nyùy won, a yu a dzə̀ fó fo, lóo yiì kilìʼ, vèn wàa kàn a dzə̀ yír rə́.

2 Afòn 2:4

Elija kfən sùúy e Elisha jii, «Kii wò, gòʼ fen, bìʼ fo Nyùy Tàr tumen mo é Jeriko.» Elisha ku sùúy jii, «Mo Nyùy Tàr dzəə̀n shó, aà kfə̀n dzə̀ shó, yòʼ dzə̀ m màʼtì wò.» Á bèy, áwune nèn dù e Jeriko.

2 Afòn 2:2

Elija suúy e Elisha jii, «Kii wò, gòʼ fen, bìʼ fo Nyùy Tàr tumen mo ji m du á e Betel.» Elisha nèn kàn kitú kfə́, e shìvìr jii, «Mo Nyùy Tàr dzəə̀n shó, aà kfə̀n dzə̀ shó, yòʼ dzə̀ m màʼtì wò.» Á bèy, áwune nèn sə̀y é Betel.

1 Samuel 1:26

Hanna suúy shó jii, «Éè taàta wòm, à dzəə́ kuúme mo á? Dzə̀ mo wiíy wo wù‑uù tíy, bunrì Nyùy Tàr fen e wò si.

Hibru 6:16

Vèn kì sá ji wìr yii lóo lìʼ kinyo, wù wàa kàn yír kifa kímóʼ kí ke kí shaàn wun. Wù liʼ bèy, la wìr yòʼ dzə́ə a meŋnín ji wù yòʼ wíy yiì a kinyo ke wù kì kàʼàn.

Jeremia 38:16

Fòn Tsədekiya nèn lì Jeremia, wùn wun bàr wún, wù lìʼ jii, «Mo Nyùy Tàr wo wù fó dzəʼə̀m e vèsən dzəə̀n shó e tin, yòʼ dzə̀ m fò wò e kpúu, kìn ji m fó wò e wír ve á taʼ e laàr wòo.»

Jeremia 4:2

Wìr lóo kàʼ kinyo, lóo kàn yír yém, mo woo Nyùy Tàr, wù kù a suúy a dzə̀ suuyrú, a yiì vinyo vee réŋ, là kiloʼ. Á bèy, é vitúm vidzə̀m vi nèn a wìy, a yen mo, é m wáa səə̀vì áwune, aáwune nèn a tuy shwín ji m dzə̀ á wóov.»

Nsùyrì Nyùy 116:3

Alíŋ kpuu‑uù gìŋ mo, e tàr, ghàʼkpu wáa kiv mo, m wáa yen ŋgeʼ, a kom aghàghir.

2 Samuel 15:21

Yii bèy, Ittay bìnèr jii, «Mo Nyùy Tàr dzəə̀n shó, a fòn woo taàtá wom kfə̀n dzə̀ sá sho, a fə̀m dzə̀ kpú, a fə̀m dzə̀ luŋ, bo m kù dzə̀ vèr fòn woo taàtá wom.»

1 Samuel 17:55

Yì‑iì dzə̀ é ghan se Davir kì du, e fùnèn Goliat, Saul siíy a dzər e Abner woo mfòómé və jii, «Wánlè nsùm və̀sə dzə̀ wan la?» Abner bìnèr jii, «Nyàr, wun yòʼ waà kì.»

Remrí 28:66

Vèn kù wíy a meŋnín dzəʼə̀m yén meŋnín, à shùy, à vitsə́ʼ. Kù wíy a dzə shiiykìʼ, a bó vèn yòʼ kfə̀n wíy a kiíy mo dzəʼə̀m yéné dzəə̀n.

1 Samuel 20:2

Jonatan bìnèr jii, «Bó yòʼ dzə̀ kee shooy kí kòóy. Wù yòʼ yíi yuyrí wò. Leéy, e yèn, bó yòʼ dzə̀ tàr wor yiì kinyo ke kí meen é kinyò, kìn kee fó tèr, a bó wù bí mo. A dzə̀ wù ghàn é le, e bóo lìtì kin fo mò? Kí yòʼ dzə̀ bey.»

1 Samuel 20:4

Jonatan suúy e Davir jii, «M yíi yiì kinyo kidzə̀m ke à taʼ ji m yii, e fò e wò.»