1 Samuel 2:9 - ŊWÀʼ NYÙY

⁹ Wù kù wíy a géʼsin e dzəʼə̀m wìr ve á yú wune, a wír ve á buʼtì vinyóo wíy lày e wòŋ aŋkfə. Bó yòʼ dzə̀ wìr sò ndzə ji vitaáví.

1 Samuel 2:9 Referans Kwoze

Nsùyrì Nyùy 121:3

Bó yòʼ dzə̀ wù màʼtì, à tò é kinyò ke bi kí. Bó yòʼ dzə̀ wun wo wù kiŋsìn wò, wù wàa buuné buunén.

1 Pita 1:5

Kù wíy a dzə vijuŋ vén, ven ve á wáy shilív e Kristu wùn, a vitaáví vé Nyùy vi shiy ven, e meé e ghan se wù wíy fəə́r dzəʼə̀m yee là may rə̀n e ghan sé bàm sí.

Sekariya 4:6

Yì suúy e mò jii, «Vifá vìn vi din a dzə̀ ntum ye Nyùy Tàr‑iì tiisin e Serubbabel, a yì dzə̀ jii, ‹Lá à yòʼ a yòy, a tiír vifií a dzə̀ e wò vitaaví, kìn e wò ŋàŋ. Á yòy, a tiír vifií ví a dzə̀ e mǒ Kiyòy. Suuy Nyùy Tàr woo Taà Mànjòŋ.

Nsùyrì Nyùy 97:10

Ven ve á koŋ Nyùy Tàr, vèn wáa bàn kinyo ke bi kí. Wun woo Nyùy Tàr yii kiŋsìn dzəʼə̀m wìr və́. Wù yii fəər áwune fo wír ve á méŋ wuné wo.

Nsùyrì Nyùy 94:18

Éè Nyùy Tàr, mò‑oò lóo kwàʼtì ji m sì é shùu kpu, à kù sə̀ mo bìʼ koŋ ye à yii kér fo wír vée.

Nsùyrì Nyùy 37:28

Nyùy Tàr yii koŋ kinyo kee là kiloʼ. Wù yòʼ wíy màʼày wír ve á tíy e wun kinyò. Wù kù wíy a kìŋsìn áwune kíŋsin, e dù, e jòʼsì. Ké wìr ve á méŋ wun, á wíy laàr laàrìn fó wòŋ.

Ŋwàʼ Jov 5:24

Shilív shé shi yòʼ wíy a buʼ bìʼ kinyo kímóʼ kí. À wíy a ker nyaáŋ e wò kibàn ke à dzə́ sho. À lóo leéy kéŋ yé, áà yén, a bó kifá ki yoʼ sə̀ʼ.

Remrí 33:3

Rúrú, Nyùy Tàr koŋ wír və́. Wù kiŋsìn wír və́ adzə̀m, áwune vee wír vee jeéyí. Bìʼ bey, áwune nén a tsəm e wun si, wìr wáa yuurí ntir se wù fó.

Ŋgàn 16:9

Ntaŋ wo baán kù dzə̀ e wìr msòŋ, a kù danèr Nyùy Tàr bo wù wáa yiì kinyo ke réŋ kí.

Nsùyrì Nyùy 121:8

Nyùy Tàr yíi a leéy fo wò, mo à yíi a fəə, a ghan, a kfən e bàm, e kèʼ fo lèn, e dù, e jòʼsì.

2 Pita 2:17

Vee shoon vee aŋgàa yeʼéyi dzə̀ moo ntòŋ sé ndzəv se sí yumkin ne, a bó yòʼ dzə̀ wìr lùŋ fó fo, e kfə̀n a dzə moo wuú ye yí kóʼkir, shwéri jùm. A Nyùy lèm ne kirə́ʼ fo wù wíy màʼ áwune, aá wáa neŋ fo e ŋòròʼ.

Matio 8:12

Viŋgwìy vi nəə bèy, é wír veé Isray ve kì yíi a dzə kirə́ʼ kéví nèn gòʼ, a dzə̀ fó ndzə, aá dom é ŋòròʼ, aá wáa toŋnín fo, a ŋeytí sóŋ.»

Tsəfaniya 1:15

Wíy a dzə kishiíy ké dòʼshwiiy Nyùy Tàr, kishiíy ké ŋgeʼ wùn à ké nyar ki, kishiíy ke á wíy bivír vifá, kishiíy ke wíri wíy nəə́ e kilày. Wíy a dzə kishiíy ké ndzə ye sənér, wíy a dzə kishiíy ké nsòvkìtu, kishiíy ké mbàʼŋkfəə́mé, kishiíy ké ndzə ye yì sə́n ji cùm.

Ŋgaà Tàrvìnyò 9:11

M kfən kàʼày, e yèn kinyo kímóʼ kí é sar shùy fèn, a kí dzə̀ jii, kileʼ ki yòʼ dzə̀ə́ cáʼ a dzə̀ ké wìr wo wù nyéŋ e ŋàŋ, a bó yòʼ dzə̀ cáʼ ji a rə́r sí maʼà, kù tòn ntav wír, a bó viyíkìr vi yòʼ kù jòʼsì a dzə̀ áàfií, kìn ji vikuʼùy ví kù jòʼsì e wír ve á kiiy jeéyjeéy fó vinyòo, a bó á yòʼ géʼsin e wír ve á kiìn vinyóo jeéy. A dzə̀ vishí vi lo, ví bìr wír, a fə̀m dzə̀ la.

Ŋgàn 3:26

Nyùy Tàr dzə̀ kóy wó wo tavíné, wù yíi a kìŋsìn wò fo à gbu aáwuné kitam.

Ŋgaà Tàrvìnyò 5:17

Wù kù sí dzə́, a ndzə sə́n e wun kitu, shwiiy kilòŋ é ŋàŋ, yú nyár, a tímé kù ndzə́ʼ wun ndzə́ʼə́n.

Ŋgàn 2:8

Wù kiŋsìn wír ve á tínen vinyo e nsànloŋ, bávti dzəʼə̀m wìr ve á tíy e wun wùn.

Nsùyrì Nyùy 121:5

Nyùy Tàr dzə̀ kikiŋ ké, a dzə̀ wun kikfə́vsì ké, a wù dzə̀ e wò ghaŋ.

Ŋwàʼ Jud 1:13

Á kfə́n a dzə sa moo ndzə́v lome, ye shwéri lóo tsəy, vifə́yfə́y ví wàa fə̀ʼ, a dzə̀ joonè wo áwune yii. Aá kfə̀n dzə̀ moo mejiy me mè kár karín, a bó mè yòʼ sə́ŋ fo Nyùy keèrìn. A Nyùy nàŋsín ne kirə́ʼ é ŋòròʼ wo wù sə́n ji cùm fo wù wíy way áwune, aá wáa neŋ fo viyá viyá là may.

Ŋwàʼ Jud 1:3

Ŋkàr sem, mò‑oò ló a kwàʼ feyì ji m sáŋ ŋwàʼ fo vèn kùm vinyo ve Jesus Kristu‑uù yiìn, e tìn vèsən fó lòn, á lùŋ. M nèn yèn ji kinyo keé shií kí dzə̀ á ji m sáŋ ŋwàʼ fo vèn cér, a tir ven ji vèn wáa giìmè a kinyo ke Kristu ke Nyùy‑iì wayin ne e vèsən vee wír vəə́ kiwo. Wù kù‑uù fò a dzə̀ kinyo kee shoon kimòʼón, a bó kímóʼ kí yòʼ dzəə́ wìy a dzə.

Ŋwàʼ Jud 1:1

Ŋwàʼ və̀ne sàŋ mo woo Jud wo dzəə̀n ŋgaà lìm Jesus Kristu. A dzə̀ mo woo Jud wo dzəə̀n fər Jeem. A m sàŋ a dzə̀ fo vèn ve Nyùy woo Tàr wòsən‑eè kòŋèn, e lì ji wír və́, e wày e Jesus Kristu kiwo.

Ŋwàʼ woó Rom 3:19

Á mo vé‑eè saŋen é Ŋwàʼ Nyùy, a vèsən kì jii, vinyo ve vé‑eè saŋen shó vidzə̀m vi dzə̀ á fo wír ve á kér ŋwàʼ woo shooy ji á wáa yu fo fo. Mo Nyùy din ajay wíri shó, bo bó yòʼ dzə̀ wìr kfə̀n a ker kinyo kée wovrí gheéy, aá kér fó wìy tiím e wùn si adzə̀m, é wù sáʼ nsaʼ yev.

Jeremia 9:23

Nyùy Tàr kfə́n a suúy jii, «Lá ŋgaà kìíy yòʼ a sùmrì wún bìʼ kiíy rə́. Lá ŋgaà vitaàví yòʼ a dzə̀v nsaŋ bìʼ vitaáví və́. Lá ŋgaà bùʼ yòʼ a koʼnín bìʼ bùʼ və.

Jeremia 8:14

Wíri wíy a kàn ndzə jii, «Vèsən dzə́, yii ka fen? Vèsən báʼtí, a nyeŋ, a dù e ŋkà se laʼ see vikum, e kpù fó. Nyùy Tàr woo Nyùy wòsən shòv ne vèsən, e fò e kpúu. Wù nòór vèsən e mendzə́v mè, a ndzəʼ dzə̀ shó. A kù dzə̀ bìʼ fo vèsən yiìn ne kibí e wun.

Ŋwàʼ Jov 5:16

Á bèy, é vé ŋgeʼe wáa yòy, a tiír a dzə̀ e Nyùy wùn, a wù sə́tí ne shúu wìr ve bií, fo á koó vé kitàne, e kfə̀r.

Kintaŋ 6:24

« ‹Nyùy Tàr kú a səə̀vì ven, a leéy fo vèn.

Nsùyrì Nyùy 31:17

Éè Nyùy Tàr, lá à yòʼ màʼày mo, é m wáa woomé, bìʼ fo m tóŋ a dzə̀ e wò. Ku yiì, é woómé wír ve á ŋwáy wò. Sə́tí shuu wóví, aá du áàŋkfəə́ wòŋ kisə́sə.

Aysaya 27:3

Mo woo Nyùy Tàr, kù dzə̀ mo nshìy woó súm vitiír vən, a wáyri mo mendzə́v shó ghán sidzə̀m. Kù kiŋsìn mo e shùy wùn à vitsə́ʼ, fo wìr nəə́ shó, e ghèʼ.

1 Samuel 25:26

M nén a suúy e tàr wor jii, mo Nyùy Tàr kìmèn ne wun fo wù yúyrí wír, e siìr ŋkfə́tír e kiwó kfə́ kí, wù wáa kiíy a jii, mo Nyùy Tàr dzəə̀n shó, a tàr wor dzə̀ shó, aŋgàa vibàn vəə́ kù wíy a ker a ŋgeʼ a dzə̀ yìwun ye Nabal wíy a ker, a kù dzə̀ mo wìr dzə̀m wo wù wóŋ wuú tàr wor wíy a ker.

Ŋwàʼ Jov 18:18

Nyùy jùm ne wun fo ndzə ye ranén, wù dú e ye sənér, e kù jùm wun júmen fó kitu ke nsay.

Ŋwàʼ Jov 40:13

Tátí áwune adzə̀m, e dzəə̀mè e sày, e fìn áwune é sháŋ wo dzəə̀n woŋ aŋkfə.

Nsùyrì Nyùy 1:6

Nyùy Tàr kù yii shiy wír ve á yúnin wun, a wír ve á méŋ wune kù wíy lày kév láyin kisáŋ ŋkuuŋkùŋ.

Nsùyrì Nyùy 105:37

Wù nèn fə̀ə́r wír veé Isray fo fo, aá kér vifá vee *kisha ke mbàm ke baar kí wùn à ke fəvír kí, wìr dzə̀m kfə́n a ghan kitávín là yàsí.

Nsùyrì Nyùy 145:20

Nyùy Tàr yii kiŋsìn wír ve á koŋ wun, a wù wíy laàr wír ve á méŋ wun láarin.

Aysaya 47:5

«Éè wò woo wan ntoʼ ntay woó Kaldea, leéy kirə́ʼ kí fó mesənér, e lìr sho, lirì, à wàa dzə kisə́sə. Kèʼ fo lèn, á yòʼ dzəə́ yiì a yòŋ wò ji yeè vitum.

Nahum 1:8

Yii bèy, wù wíy yèr Nineve e kúŋ wo tavín. Wù wíy dòm aŋgaà və́ vibàn, e dù sho fo mesənér.