1 Samuel 2:7 - ŊWÀʼ NYÙY

⁷ Nyùy Tàr lo, wù yiì, wír ámóʼó wàa tàn, ámóʼó wàa ker. Wù lo, wù sèn ámóʼó, e kòʼór ámóʼó.

1 Samuel 2:7 Referans Kwoze

Nsùyrì Nyùy 75:7

Kù mày Nyùy wo wù yii tínen nsaʼ, baʼ wír ámóʼó é nsay, nan ámóʼó é yuv.

Ŋwàʼ Jov 5:11

Wù yii kóʼor alàghay, kaayì, kfə̀n kiŋsìn wír ve á diy lèn.

Ŋwàʼ Jov 1:21

«Mò‑oò fəə́ fo yè wór bvə̀m, a m yòʼ kér kifá, a m wíy lòo kpu, e làa yòʼ lì kifá. Nyùy Tàr fò ne kifá kidzə̀m e mò, e kfə̀n sə̀. Búríi wáa dzə fo Nyùy Tàr.»

Jeem 4:10

Vèn wáa gvəʼə́r vitú vén a dzə̀ e Nyùy si, é wù wáa nàn ven.

Aysaya 2:12

Nyùy Tàr woo Taà Mànjòŋ shòʼ ne kishiíy, kishiíy ke kinyo ki wíy koóy wír ve á kóʼor wún, kóʼor, yén ji moo áwune yòʼ dzə̀. Wù wíy sèn wir dzə̀m wo wù kóʼor kitú kfə́,

2 Afòn 9:6

Jehu nèn ŋàʼáy, wùn wánlè nsùm və̀y nəə́ é mvə̀m lav, wù nèn cuùrì meŋgvə́r e Jehu kitu, e yòŋ jii, «Nyùy Tàr woo Nyùy wìr veé Isray suuy jii, ‹M yóʼ wò bèn ji fon wìr vém veé Isray.

Ŋwàʼ Jov 40:12

Ku lèéy wir dzə̀m wo wù kóʼor wún, e sèn ŋgaàŋ, leéy, e bvə̀ʼə́y wír ve á méŋ moó é kileèmè.

1 Wòŋ 29:12

A wìr kér káv, kìn vikuʼùy, bo ví kù lò a dzə̀ fo wò. Sáʼ wò kifá kidzə̀m. Vitaáví vidzə̀m vi kù dzə̀ a dzə̀ e wò kiwo. À lo, à wàa fo wir dzə̀m vitaáví, lo, à kòʼór wo wo‑óò kóʼór.

2 Wòŋ 32:27

Fòn Hesekiya‑aà kér bùʼ wo wù‑uù meen é bùʼ, a wíri kóʼor yír rə́ é ŋàŋ. Wù‑uù bàʼrì vitáv ve á wáa lèm bùʼ və woo kisha ke mbàm ke fəvír kí wùn à ke baar kí, à *síbaŋé, à virə̀ʼtìn ve bìʼ vi, e bóo lì aŋkeè wùn à vifá veé kilùm vímóʼ ví vidzə̀m.

2 Wòŋ 32:29

Nyùy‑iì fò wun káv e gháʼán, wù nèn bàʼrì ŋkà se laʼ see ji bàʼrì a wun, e kfə̀n a ker ŋgoo se bvəy nyanyày, à sé nàʼ si.

Nsùyrì Nyùy 75:8

Nyùy Tàr kér bàr e wun kiwo, a *meluʼ me tavkín mè fəʼə̀, rún bàr və̀n, a mè din a dzə̀ dòʼshwíiy və. Wù cutì ji wír ve á méŋ wun adzə̀me nó, á nò ben, à kidzə́ŋ kí shó.

Ŋgàn 22:2

Ŋgaà mbàm wùn ŋgaà kitàn, á kù kér kiyoy a dzə̀ kee shó. A kù dzə̀ Nyùy Tàr wo wù bomen áwune adzə̀m.

Jeremia 49:15

Nyùy Tàr nén a suúy e Edom jii, «Vèn yuúrí, e yù, m wíy sèn ven, é kitúm kén kí wáa dzə ji shintèʼ e vitúm ví mvəm. Á wíy a kay ven káyín.

Esiker 17:24

Kicí keé wòŋ kidzə̀m ki wíy a kiíy, e kiíy, ji m dzə̀ á Nyùy Tàr. Mómò, m lo, m bàʼ kicí ke da ki, lo, m yiì, ke terí kí wàa kuy. M lo, m yùmér kicí ke shoòŋ ki, lo, m yiì, ke yumér kí wàa tèʼ.» Kù suuy mo woo Nyùy Tàr, a m kù yíi yiì kinyo ke m suuyin ji m yii.